Sunnudaginn 13. júlí frá kl. 14:00 til 21:00 og mánudaginn 14. júlí frá morgni til kvölds, verður haldið námskeið um fornminjar og meðhöndlun þeirra í Grunnskólanum á Suðureyri. Fornminjafélag Súgfirðinga stendur fyrir námskeiðinu í samstarfi við Minjastofnun Íslands og Náttúrustofu Vestfjarða. Á námskeiðinu verður m.a. farið yfir það hvernig sjálfboðaliðar og áhugafélag geta staðið að því að skrá og kortleggja fornminjar. Á námskeiðinu verður m.a. farið á vettvang og jörðin á Stað í Staðardal í Súgandafirði verður notuð sem dæmi um hvernig staðið er að því að skrá fornminjar á einni jörð. Einnig verður farið yfir verndun og umgengni við fornminjar en eins og vitað er þá liggja merkilegar fornminjar undir skemmdum á Vestfjörðum. 

Skráning og kortlagning er fyrsta skrefið í að meta fornminjar og er grunnur að uppgreftri eða frekari vinnslu. Strangar reglur gilda um meðhöndlun fornleifa og eingöngu fagfólk má vinna við að grafa eftir þeim. 
Námskeiðið er opið öllum þeim sem áhuga hafa á því að taka þátt í að vinna sem sjálfboðaliðar að kortlagningu og varðveislu fornminja á Vestfjörðum. Þetta námskeið er hvalreki fyrir allt áhugafólk um fornleifar og leiðbeinendurnir eru með færustu sérfræðingum landsins.

Áhugasamir vinsamlegast sendið tölvupóst á eythor@thekkingarmidlun.is eða sendið honum póst á fésbókinni.

Fimmtudaginn 10. júlí koma sex ungmenni á aldrinum 18 ára til 25 ára til Þingeyrar og ætla að dvelja hér til 24. júlí. Þau eru að koma hingað til að taka þátt í verkefninu „Endurreisn franska grafreitsins í Haukadal“.

Til að gera dvölina eftirminnilega væri frábært ef þeir sem eru á svipuðum aldri, og þetta unga fólk, væru tilbúin til að taka þátt í verkefninu með okkur og kynnast þessum krökkum. Taka þátt í vinnunni í garðinum og vera með í að gera dvöl þeirra hér skemmtilega með fótbolta, kaffihúsaferðum, sundferðum og öðru fjöri.

Von okkar er sú að þeir sem taki þátt í verkefninu (íslensku ungmennin) muni síðar eiga kost á því að fara til Frakklands til að taka þátt í svipuðu verkefni þar.

 

Þeir sem hafa áhuga eru beðnir um að hafa sambandi við Hildi Ingu í síma 869-4993 eða banka upp á á Aðalstræti 40.

Kæru Dýrfirðingar, nær og fjær og aðrir unnendur Dýrafjarðardaga!  Þó að veðurspáin sé kannski ekki uppá sitt besta, þá verða Dýrafjarðardagar haldnir, jafnvel skemmtilegri en fyrr.   Það verður ekkert að veðri ef við klæðum okkur rétt, við getum glaðst þó við blotnum, við færum grillum þá bara inn í Reiðskemmuna, eins og í fyrra ef það veður blautt, annars verður hún á Víkingasvæðinu.  Við hvetjum ykkur til að koma og hafa með ykkur gesti og sýna þeim hvað við eigum fallegan fjörð og samhenta Dýrfirðinga.  Eigum góða daga saman, sjáumst!
P.S.  MUNIÐ AÐ KLÆÐA YKKUR EFTIR VEÐRI, við búum á Íslandi þar sem veðrið er alltaf gott - ef við erum rétt klædd! 

Vestfirska forlagið hefur nú gefið út 3. bókina í ritröðinni Hornstrandir og Jökulfirðir, ýmsar frásagnir af horfnu mannlífi. Mikið er um gömul viðtöl við Hornstrendinga í þessari bók, einkum konurnar. Margt er dregið fram sem löngu er fallið í gleymsku og dá, en allir hafa gott af að rifja upp. Hallgrímur Sveinsson tók saman.

   Meðal efnis:

...
Meira

Jæja gott fólk Dýrafjarðadagar í ár verða helgina 4-6 júlí og er dagskráin byrjuð að taka á sig mynd. Endilega fylgist með á Facebook síðunni https://www.facebook.com/dyrafjardardagar

Dagskráin mun koma inn í heild sinni á næstu dögum en atriði sem eru orðin staðfest eru : 
Jónsi í svörtum fötum, 
Guðrún Árný og Jógvan í kirkjunni, 
Bátasprell, 
Súpa í garði
Hoppukastalar
Sölutjald
Hestar fyrir börnin, 
Kajakar
Strandblaksmót og margt margt fleira .

Ekki láta þig vanta í ár!

Fundur veður í Simbahöllinni 18/6 klukkan 20:00.  Sjáumst hress!

Þessa dag­ana eru slysa­varna­deild­ir og björg­un­ar­sveit­ir Slysa­varna­fé­lags­ins Lands­bjarg­ar að færa öll­um leik­skól­um lands­ins end­ur­skinsvesti til að nota í vett­vangs­ferðum 4-5 ára barna.

Kiddi kom til okkar í morgun færandi hendi og tók Elsa María leikskólastjóri við 6 vestum. Við á Laufási erum mjög þakklát gjöfinni enda erum við mikið á ferðinni allt árið í kring og það er mikilvægt að sjást vel.  Kærar þakkir!

Um daginn komu svo kvenfélagskonur úr Kvenfélagi Vonar í heimsókn og færðu leikskólanum barnakerru sem tekur 4 börn, sem kemur sér mjög vel þar sem alltaf er verið að taka inn yngri börn og auðveldar öllum að geta tekið þátt í leikskólastarfinu þar sem vettvangsferðir er reglulegur þáttur í leik og starfi skólans. 

Þetta er mjög góðar og nytsamlegar gjafir sem hjálpa okkur mikið.

Starfsfólk leikskólans langar að færa Slysavarnarfélaginu og Kvenfélaginu sem starfa á Þingeyri þakklæti fyrirhlýhug og gjafmildi í garð Laufáss.

Með bestu kveðju, 
Elsa María Thompson
leikskólastjóri.

Miðvikudaginn 11. júní  kl 20:00  verður fundur vegna Dýrfjarðardaga haldinn að Hótel Sandafelli.

Vonast er til að sem flestir sjái sér fært að mæta. Koma svo! Vera með!

Nefndin.