Sala aðgöngumiða á árshátíðina

 

Miðar verða seldir í forsölu í Stangarhyl 4 miðvikudag 8. október kl. 16:30-18:30 og fimmtudag 9. október á sama tíma. Þá er einnig hægt að panta miða hjá Ósk í síma 867 1007.

Miðaverð á dansleikinn eingöngu, eftir klukkan 22.00, er aðeins 1000 kr.

Dagskrá

 

Húsið opnar kl. 18:00

 

Borðhald hefst stundvíslega kl. 19:00

 

Maturinn er frá Gunnari Björnssyni eins og í fyrra

 

Skelfisksalat á íslenskum pönnukökum

 

Kjúklingabringur og/eða lambaprime með salati og tilheyrandi

 

Kaffi og konfekt í eftirrétt

 

 

Hljómsveitin Hafrót leikur létta dinnertónlist

 

Veislustjóri: Guðbjörg Leifsdóttir

 

Minni Dýrafjarðar flytur Kristín Auður Elíasdóttir

 

Óvænt skemmtiatriði að heiman :-)

 

Fjöldasöngur undir borðum og dregið í hinu sívinsæla og gjöfula happdrætti þar sem úrval vinninga hefur aldrei verið glæsilegra

 

Hljómsveitin Hafrót heldur svo uppi fjörinu á dansleiknum eins og þeim er einum lagið. Muna að koma í dansskónum :-)

 

Miðaverð á herlegheitin er mjög hófstillt eða 6.500 kr. á mann

 

 

 

 

 

Þann 1. Nóvember 2014 verður Hjónaballið haldið í 80. skipti.

Um er að ræða borðhald og dansleik með hefðbundnum hætti, ýmis skemmtiatriði og hefðir eldri tíma rifjaðar upp.

Veislustjóri kvöldsins er Ingvar Jónsson. Kokkar eru þeir Steini og Snorri sem ásamt nefndinni sjá um veisluföng á matseðli.

Hljómsveitin Hafrót spilar fyrir dansi fram á nótt.

18 ára aldurstakmark.

Miðaverð: Kr. 8000 á borðhald og dansleik. 

Borðhald: 6000 kr.

Dansleikur: 3000 kr.

 

Skráning  í síma 8931065 hjá Sæmundi eða á netfangið: skjolskogar@skjolskogar.is

Hrútavinafélagið Örvar á Suðurlandi efnir til rútuferðar á Hrútadaginn mikla á Raufarhöfn sem er hátíðlegur haldinn laugardaginn 4. október 2014.  Ferðin í heild verða 4 dagar  2. okt – 5. okt.

Með í för verður sauðurinn Gorbi frá Brúnastöðum sem mun setjast að á forystufjársafninu á Svalbarði í Þistilfirði. Góð þátttaka er í ferðina og lagt verður upp frá Stað á Eyrarbakka fimmtudaginn 2. okt. n.k. klukkan 8 að morgni með rútu frá Allrahanda.

...
Meira

Ólöf Guðný Valdimarsdóttir, frá Núpi í Dýrafirði, hefur verið ráðin byggingarfulltrúi Ísafjarðarbæjar. Ólöf Guðný er arkitekt að mennt og með próf í hagnýtri fjölmiðlun frá Háskóla Íslands.

Ólöf Guðný hefur setið á Alþingi sem varaþingmaður Framsóknarflokksins í Vestfjarðakjördæmi. Hún var um skeið aðstoðarmaður Ólafs F. Magnússonar í borgarstjóratíð hans. Hún tekur við starfinu af Önnu Guðrúnu Gylfadóttur. 

smari@bb.is

Námsvísir Fræðslumiðstöðvar Vestfjarða fyrir veturinn 2014 – 2015 var að koma út og hefur honum verið dreift á heimili og fyrirtæki á Vestfjörðum.

 

Í námsvísinum eru auglýst um 70 námskeið og námsleiðir í 7 flokkum. Er námið sem boðið er mjög ólíkt að innihaldi og lengd. Með því vill Fræðslumiðstöðin koma til móts við sem flesta, enda kappkostar hún að þjóna öllum íbúum Vestfjarða hvar sem þeir búa og hvaða menntun sem þeir hafa.

• Í tungumálaflokkum er íslenska fyrir útlendinga auk ensku, pólsku, spænsku og þýsku.
• Í tölvum eru námskeið svo sem Tölvur ekkert mál, sem er hugsað fyrir fólk með litla reynslu af tölvum og Nand2Tetris sem er fyrir þá sem vilja læra forritun.
• Af tómstundum má nefna vefnað og víravirki og matargerð og málmsuða.
• Í flokknum Endur- og símenntun kennir ýmissa grasa svo sem bókhald og lestur ársreikninga, brunaþéttingar, gæðakerfi fyrir einyrkja og undirverktaka, hugræna atferlismeðferð, sálrænan stuðning, fundarsköp og lög og reglur á vinnumarkaði.
• Réttindanám verður með hefðbundnar greinar í  skipsstjórn og vélgæslu, en einnig svæðisleiðsögunám og þjónustunámskeið.
• Af námsleiðum Fræðslumiðstöðvar atvinnulífsins má nefna Grunnmenntaskólann og Nám og þjálfun í almennum bóklegum greinum, Starfsnám á samgagna- umhverfis- og framkvæmdasviði og Sterkari starfsmann.
• Í námi fyrir fatlaða er m.a. boðið uppá sund, dans, söng, matreiðslu  og handavinnu.

 

Auk kennslu námskeiða og námsleiða veitir Fræðslumiðstöðin fólki yfir tvítugt náms- og starfsráðgjöf því að kostnaðarlausu. Er fólk hvatt til að nýta sér það.

 

Frekari upplýsingar eru í Námsvísi Fræðslumiðstöðvar Vestfjarða, á vefnum frmst.is, á facebook undir Fræðslumiðstöð Vestfjarða, í einblöðungum sem gefnir eru út á nokkra vikna fresti eða með því að hringja í síma 456 5025.

Föstum starfsmönnum Byggðasafns Vestfjarða verður fjölgað um einn og verða þeir því framvegis þrír. 
Ákvörðun þessa efnis var tekin á síðasta stjórnarfundi safnsins. Fjölgunin kemur til vegna yfirtöku safnsins á Vélsmiðju Guðmundar J. Sigurðssonar á Þingeyri. ...
Meira

Laugardaginn 13. september nk. verður haldin ráðstefna á Þingeyri við Dýrafjörð undir yfirskriftinni Sr. Ólafur Jónsson á Söndum í tali og tónum. Ráðstefnan verður í félagsheimilinu og hefst kl. 11 fyrir hádegi. Sex fræðimenn flytja erindi um kveðskap sr. Ólafs og tónlistina við hann. Sönghópur frá Þingeyri flytur nokkur lög eftir skáldið og leikfélagið Höfrungur setur upp stuttan leikþátt.

 

Ráðstefnan er á vegum Safns Jóns Sigurðssonar á Hrafnseyri og prófessorsembættis Jóns Sigurðssonar við Háskóla Íslands í samvinnu við Stofnun Árna Magnússonar í íslenskum fræðum, Þingeyrarkirkju, íþróttafélagið Höfrung á Þingeyri, Skjalasafn Vestfjarða og Byggðasafn Vestfjarða.

 

Séra Ólafur Jónsson (ca 1560-1627) á Söndum í Dýrafirði var eitt af höfuðskáldum Íslendinga á fyrri hluta 17. aldar. Hann safnaði kvæðum sínum saman í eitt handrit, sem var skrifað upp mörgum sinnum eftir hans tíð. Nú á dögum er vitað um 25 eftirrit kvæðabókar Ólafs en eiginhandarrit hans er þó glatað. Við mörg af kvæðum Ólafs eru settar nótur og er talið að hann hafi jafnvel samið sum lögin sjálfur.

 

Allir eru velkomnir.

 

Dagskrá ráðstefnunnar má sjá á heimasíðu Safns Jóns Sigurðssonar http://hrafnseyri.is/

Ketill Berg Magnússon, annar eigandi Skjólvíkur, hefur sótt um að fá að taka svæðið fyrir neðan Skjólvíkina í fóstur. Eins og flestir vita er svæðið illa gróin landfylling. Ætlar Ketill að taka til hendinni svo svæðið verði bæjarprýði og auðveldi aðgengi að Skjólvíkinni.

Skipulags- og mannvirkjanefnd Ísafjarðarbæjar hefur falist á umsókn Ketils og hefur lagt til við bæjarstjórn að sveitarfélagið feli Katli svæðið með þeim skilyrðum að almenn umferð um svæðið verði ekki hindruð.

Það verður spennandi að sjá breytingarnar á svæðinu næsta sumar, en Katli til aðstoðar verður landslagsarkitekt.