Á morgun 17. júní verður þjóðhátíðardagskrá á Hrafnseyri og á Ísafirði, samkvæmt hefð. Hátíðarmessa verður í Ísafjarðarkirkju klukkan 11, þar sem vígslubiskupinn í Skálholti, sr. Kristján Valur Ingólfsson, predikar. Eftir hádegið hefst dagskráin með skrúðgöngu frá Silfutorgi 13.45. Gengið verður upp á hátíðarsvæðið á Eyrartúni, þar sem flutt verður dagskrá í tali og tónum og sérstök barnadagskrá að auki. Á Hrafnseyri verður guðsþjónusta klukkan 13, þar sem sóknarresturinn séra Hildur Inga Rúnarsdóttir prédikar. Að loknum kaffiveitingum hefst hátíðardagskrá klukkan 14.30 með ræðu Steinunnar Stefánsdóttur varaformanns Kvenréttindafélags Íslands. Þar mun Þórhildur S. Kristinsdóttir syngja lög eftir sr. Sigtrygg Guðlaugsson frá Núpi við undirleik Kristins Níelssonar. Klukkan 15 hefst Háskólahátíð á vegum Háskólaseturs Vestfjarða....
Meira

Jón forseti var mjög vinsæll maður heima á Íslandi og má ætla að alls konar erindrekstur og endalaus fyrirgreiðsla fyrir landa hans í höfuðborginni, Kaupmannahöfn, hafi átt mikinn þátt í þeim vinsældum.

   Jón Guðmundsson, ritstjóri, var nánasti fylgismaður Jón Sigurðssonar í þjóðmálabaráttunni og sá sem mest mæddi á hér heima. Hann var kallaður skuggi Jóns Sigurðssonar. En fjöldi manna um allt land voru óhvikulir stuðningsmenn hans, bæði leynt og ljóst. Þetta voru menn úr öllum stéttum þjóðfélagsins: Bændur, prestar, vinnumenn, vinnukonur, verkamenn, búðarþjónar, embættismenn, húsfreyjur og námsmenn.

   Jón Sigurðsson taldi að frelsi án banda, án takmörkunar, væri ekki frelsi, heldur agaleysi og óstjórn.

...
Meira

09:00 Málþing

12:30 Hádegisverður

14:00 Guðsþjónusta í Núpskirkju

15:30 Opnun sýningar, tónlistarflutningur og léttar veitingar.

16:00 Síðdegisdansleikur með tónlist áranna 1930-1960

Laugardaginn 27. júní nk verður haldin Hátíð á Núpi í Dýrafirði. Þemað er   sálmaskáldið, þjóðlagasafnarinn og tónlistarfræðingurinn Sigtryggur Guðlaugsson. Hátíðin samanstendur af málþingi, guðsþjónustu, opnun sýningar og síðdegisdansleik. 

...
Meira

Jón Kr. Ólafsson, söngvari á Bíldudal, hefur farið í sína síðustu stúdíóferð.  Jón Kr. , sem er að verða  75 ára, gerði sér ferð á dögunum til þess að taka upp eitt lag  -Besame Mucho-, sem samið var árið 1940 af mexikönskum tónlistarmanni.

 Jón Kr. sagði í samtali við blaðið Vestfirðir að hann hefði ákveðið að láta þetta verða endapunktinn á útgáfunni. Kvaðst hann vera ánægður með útkomuna. 

...
Meira

   Lifibrauð sitt hafði hann af ýmsum vísindastörfum og vinnu við Árnasafn, þar sem hin fornu íslensku handrit voru varðveitt. Fræðistörf hans ein mega heita fullkomið ævistarf, enda kunni hann að skipuleggja störf sín.

   Jón var forseti Kaupmannahafnardeildar Bókmenntafélagsins og hlaut af því viðurnefnið forseti. Forseti íslenska lýðveldisins var hann aldrei af skiljanlegum ástæðum.

...
Meira

„Af þessum sökum er mikilvægt að stjórnvöld bregðist ekki við reiði hjúkrunarfræðinga vegna þess í hvaða farveg deilan er komin með venjubundnum pólitískum stóryrðum eða skætingi - heldur af skynsemi. Og eitt af því sem er mikilvægt, hvað sem líður væntanlegum gerðardómi, er að strax verði hafist handa við óformlegar viðræður við forystusveit hjúkrunarfræðinga um framhaldið. Verði það ekki gert mun sárið stækka en ekki gróa.“

   Svo skrifar gamli haukurinn Styrmir Gunnarsson í blað sitt.

...
Meira

Geysimikill snjór er enn í fjöllum víða hér fyrir vestan.
Á Hrafnseyrarheiði og þar í kring eru enn slíkar fannbreiður, 14. júní, að elstu menn muna ekki annað eins síðastliðna hálfa öld. Eru þeir þó býsna seigir að muna. Sömu sögu er að segja víða annarsstaðar, til dæmis af Dynjandisheiði og hálendinu þar í kring. 

...
Meira

1, grein -   
Jón Sigurðsson forseti, sem var eftirminnilegasti tímamótamaður íslenskrar sögu, fæddist á Hrafnseyri í Arnarfirði 17. júní 1811 og ólst þar upp til 18 ára aldurs. Foreldrar hans voru prestshjónin Þórdís Jónsdóttir og séra Sigurður Jónsson. Systkini Jóns voru Margrét, húsfreyja og bóndi á Steinanesi í Arnarfirði og Jens, kennari og rektor Lærða skólans í Reykjavík. Þau voru alin upp við iðjusemi, nákvæmni og hirðusemi í heimahúsum og kennt að bjarga sér sjálf.

   Samtímamaður þeirra hjóna, séra Oddur Sveinsson, sem tók við Hrafnseyrarstað þegar þau fluttust að Steinanesi með Margréti dóttur sinni 1851, lýsir þeim svo:

...
Meira