Leikdeild Höfrungs á Þingeyri hefur verið sérlega dugleg síð-ustu ár og sett upp vandaðar og vinsælar leiksýningar fyrir alla fjölskylduna.
Fyrst var það Lína langsokkur, svo kom Galdrakarlinn í Oz og verkefni ársins er hvorki meira né minna en Kardemommubærinn. Það er óhætt að segja að þetta sígilda leikrit Thorbjörns Egner um fólkið í Kardemommubæ hafi verið meðal vinsælustu barnaleikrita allra tíma hér á landi. Nú hafa íbúar þessa vinsæla bæjar flutt lögheimili sitt í Dýrafjörð nánar tiltekið í Félagsheimilið á Þingeyri. Þar spranga nú um torg persónur á borð við Bastían bæjarfógeta sem gætir þess að allt sé í röð og reglu í bænum. Þar hittir þú líka fyrir Sörensen rakara, Tomma og Kamillu litlu og ekki má gleyma Soffíu frænku. Rétt við bæjarmörkin búa þrír ræningjar sem heita Kasper, Jesper og Jónatan.
Kardemommubærinn verður frumsýndur laugardaginn 19. mars kl.14.00 í Félagsheimilinu Þingeyri
...
Gvendardagur er 16. mars. Þá lést Guðmundur góði Arason Hólabiskup árið 1237. Guðmundar- eða Gvendardagur varð messudagur í Hólabiskupsdæmi ári 1315 þegar bein hans voru tekin upp.
Mikil helgi var á Guðmundi meðan katólska entist þótt hann væri aldrei lýstur helgur maður opinberlega, og eimdi lengi eftir af dýrkun hans, einkum á norðanverðum Vestfjörðum þar sem heimildir eru um nokkurt tilhald á messudegi Guðmundar allt fram á 20. öld.
Sunnanlands var gert ráð fyrir veðrabrigðum til hins verra þennan dag eða Geirþrúðardag daginn eftir, og jafnvel talið ills viti ef það brást.
Á síðasta fjórðungi 20. aldar var á Flateyri horft til Gvendardags sem mikils happadags í Önundarfirði eftir að skuttogarinn Gyllir ÍS 261 kom í fyrsta sinn til Flateyrar á Gvendardegi 16. mars 1976. Það var Útgerðarfélag Flateyrar hf. sem átti Gylli en það félag var dótturfélag Hjálms hf. á Flateyri sem var stofnaður þann 22. september 1968.
Gyllir heitir nú Stefnir ÍS- 28 og er gerður út frá Ísafirði.
Þingeyrarvefurinn sendi Innanaríkisráðuneytinu fyrirspurn um stöðu Dýrafjarðarganga í kerfinu í dag fyrir rúmum mánuði. Spurt var:
Hver er staða málsins?
Er búið að fjármagna verkið?
Og er búið að fjármagna gerð heilsársvegar yfir Dynjandisheiði?
Svar ráðuneytisins barst fyrir nokkrum dögum eins og komið hefur fram hér á Þingeyrarvefnum. Það hljóðar svo:
Dynjandisheiði var ekki nefnd í svari ráðuneytisins. Þetta er reyndar í fyrsta skipti sem undirritaður sér beinharðar tölur um Dýrafjarðargöng.
...
Sigurður var sonur Stefáns Hannessonar, bónda á Þrándarstöðum í Kjós, og Guðrúnar Matthíasdóttur, húsfreyju og veitingakonu í Reykjavík, en María var dóttir Ágústs Jósefssonar, bæjarfulltrúa og heilbrigðisfulltrúa í Reykjavík, sem skrifaði fróðlegar endurminningar um mannlíf í Reykjavík, og Pauline Charlotte Andreasdóttur, f. Sæby.
Eftirlifandi eiginkona Ágústar er Guðrún Lára Ásgeirsdóttir, kennari og prestsfrú, dóttir Kirstínar Láru Sigurbjörnsdóttur, kennara í Ási í Reykjavík og Ásgeirs Einarssonar, héraðsdýralæknis í Gullbringu- og Kjósarsýslu.
...
Sveinn Runólfsson landgræðslustjóri lætur af störfum vegna aldurs þann 30. apríl næstkomandi eftir 44 ára starf. Sveinn hefur raunar unnið lengur við landgræðslustörf því hann hafði áður unnið mörg sumur hjá Landgræðslunni.
Þá tók hann við starfi landgræðslustjóra við lát föðurbróður síns, Páls Sveinssonar, og var þá aðeins 26 ára. Páll hafði tekið við starfi sandgræðslustjóra af Runólfi Sveinssyni, föður Sveins, sem lést 1954. Sama fjölskyldan hefur því sinnt starfi landgræðslustjóra frá árinu 1947, eða í tæp 70 ár.
...
