• Farið í alþjóðlegt forval • Framkvæmdir gætu hafist eftir mitt næsta ár

Unnið er að rafmagnshönnun Dýrafjarðarganga, sem er síðasti hluti hönnunar mannvirkisins, og undirbúningur hafinn fyrir útboð framkvæmdarinnar. Farið verður í alþjóðlegt forval á næstu vikum en jafnframt er ljóst að ekki verða gerðir skuldbindandi samningar við verktaka fyrr en gert hefur verið ráð fyrir fjármagni á samgönguáætlun og fjárlögum næsta árs.

Vestfirðingar eru viðkvæmir fyrir umræðu um hugsanlegan drátt á framkvæmdum við Dýrafjarðargöng,

...
Meira

Margrét Hrönn Hallmundsdóttir fornleifafræðingur mun flytja fyrirlestur í dag í sal Þjóðminjasafnsins kl. 12. Fyrirlesturinn fjallar um rannsóknina Arnarfjörður á miðöldum, sem staðið hefur yfir frá árinu 2011 og einkum beinst að tveimur jörðum í firðinum; Hrafnseyri og Auðkúlu.

Á Hrafnseyri hafa fundist merki um kola- og járnvinnslu og er talið að þar hafi verið búið strax á 10. öld. Í landi Auðkúlu fannst landnámsbýli við Dysjargil og einnig kirkjugarður með litlu bænhúsi.

...
Meira

Aðalfundur Dýrfirðingafélagsins 2016 verður haldinn mánudaginn 9. maí n.k. Fundurinn verður haldinn í Safnaðarheimili Fella- og Hólakirkju, Hólabergi 88, og hefst kl. 20:00. Á dagskrá eru venjuleg aðalfundarstörf og önnur mál.

Félagsmenn eru hvattir til að mæta og taka þátt í umræðum og stefnumótun um framtíð félagsins. Sóknarfærin eru mýmörg og þar ættu að finnast tækifæri fyrir alla þá sem vilja leggja hönd á plóg.

Að venju er svo boðið upp á kaffi og meðlæti.

Allt er nú vaðandi í tófu og mink í Vestfirsku Ölpunum. Fyrir og um síðustu helgi féllu 7 tófur og 6 minkar bara frá Ósi í Mosdal að Auðkúlu. Enn er vitað um fjölda dýra þar í kring. Stærsti hluti svæðisins er algjörlega ókannaður í þessu tilliti. Sömu fréttir berast úr Mýrahreppi í Dýrafirði.

   Þær fréttir komu fram hér um daginn frá Búnaðarfélagi Auðkúluhrepps að varla hafi sést mús þar í hreppnum í vetur. Spurningin er hvort eitthvert samband sé þarna á milli í náttúrunni. Nú verða hinir sérfróðu að segja álit sitt.

...
Meira

Strax í ár verður fjármunum varið til undirbúnings framkvæmda við Dýrafjarðargöng sem hefjast svo á næsta ári. Er þetta samkvæmt samgönguáætlun 2015 til 2018, greinir frá í yfirlýsingu frá innanríkisráðuneytinu. Hún var birt á vef ráðuneytisins í gær vegna umræðu um grein Ásmundar Einars Daðasonar alþingismanns, hvar fram kemur að framkvæmdir við gangagerð verði boðnar út í haust en ekki skotið á frest eins og haldið hafi verið fram. Mikilvægt sé að leiða þetta mál til lykta fyrir kosningar, sem stjórnarandstaðan vilji að verði í haust. Sjálfur segist hann þó talsmaður þess að ríkisstjórnin, sem hafi umboð til næsta vors, ljúki verkefnum sem séu á borði hennar áður en gengið verði að kjörborði....
Meira

Bræðurnir Guðmundur Sören Magnússon (f. 8. október 1922 – d. 15. desember 2009) og Guðmundur Friðgeir Magnússon (f. 2.5. 1927 - d. 22.6. 2004) standa hér við brúna yfir Langá í Keldudal. Hún var byggð upp úr 1940 og var mjög vönduð göngubrú fyrir nemendur Keldudalsskóla, sem sést í baksýn. Skólinn sá var byggður sumarið 1910. Hann kostaði 2,244,48 kr. samkvæmt gjörðabók hreppsnefndar Þingeyrarhepps. Ekki er vitað hver sá um bygginguna.
 Guðmundur Sören og Guðmundur Friðgeir voru víðlesnir og fjölmenntaðir menn sem aldrei sátu á skólabekk nema í örfáa daga í farskólanum í Keldudal....
Meira

   Í sundlauginni á Þingeyri hefur á liðnum árum ekki einungis verið hugsað um líkamlegu hliðina. Hin andlega hliðin kemur þar einnig við sögu. Í all mörg ár hefur nefnilega verið lesið þar innan stokks upp úr vestfirskum bókmenntum og jafnvel heimsbókmenntum. Svo þarf auðvitað ekki að nefna spekingana í heita pottinum og við kaffiborðið hjá henni Þorbjörgu Gunnarsdóttur, sem stjórnar öllu til sjós og lands í íþróttamiðstöðinni. Þar eru nefnilega innanlandsmálin og  heimsmálin krufin til mergjar og stundum bara hreinlega leyst!

   Og svona til að monta okkur svolítið er hér upptalning á nokkrum verkum sem lesið hefur verið úr í vetur:

Eivör og færeysk tónlist eftir Jens Guðmundsson.

Ævisaga Vigdísar Finnbogadóttur eftir Pál Valsson

Útlaginn eftir Jón Gnarr

Fyrir miðjum firði Æviþættir Jóns Hjartarsonar  fræðslustjóra.

Svalvogavegur Kafli úr lífsbók Elísar Kjaran.

Vestfirskar konur í blíðu og stríðu eftir Finnboga Hermannsson.

Lífsins dómínó  Öðruvísi ævisaga Skúla Halldórssonar eftir Örnólf Árnason.

 

...
Meira

Hátíð Jóns Sigurðssonar var haldin í Jónshúsi í Kaupmannahöfn í gær, 21 apríl 2016, á sumardaginn fyrsta. Einar K. Guðfinnsson, forseti Alþingis, setti hátíðina og afhenti Verðlaun Jóns Sigurðssonar forseta.  Einar Kárason rithöfundur var aðalræðumaður að þessu sinni og flutti erindi um vestfirskar hetjur, fyrr og nú.
Verðlaunin féllu að þessu sinni í hlut félagsins Dansk-Islandsk Samfund sem fagnar aldarafmæli árið 2016. Dansk-Islandsk Samfund starfar bæði á Íslandi og í Danmörku og hefur í 100 ára sögu sinni verið mikilvægur vettvangur til að rækta náin samskipti þjóðanna á sviði mennta og menningar, fræðslu og upplýsingar, með ótal viðburðum, fyrirlestrum, hátíðum, úthlutun námsstyrkja og útgáfustarfi....
Meira