Í Þjóðviljanum miðvikudaginn 14. jan. 1987 lesum við eftirfarandi:

 

„Það var stórlán að við sluppum með skrekkinn, enda þótt bfllinn hafí skemmst töluvert" sagði Guðmundur Sören Magnússon bóndi á Brekku í Þingeyrarhreppi í samtali við Þjóðviljann en hann varð fyrir því að fá snjóskriðu yfír fólksbfl sinn þegar hann var á leið til Þingeyrar frá Ísafírði ásamt fjölskyldu sinni á sunnudagskvöld.
Stór snjóskriða féll á föstudag yfir veginn við svokallaða Ófæru norðan megin Dýrafjarðar og taldi Guðmundur að skriðan sem féll yfir bílinn hefði verið snjóstykki sem sprungu úr klettabeltinu en féllu ekki þá.

...
Meira

Menn voru yfirleitt sammála um það að snjór hafi verið heldur í minna lagi á veginum yfir Hrafnseyrarheiði er vormokstur fór þar fram um daginn. Annars staðar var hann kannski svipaður og vant er eða jafnvel í meira lagi. En sjón er sögu ríkari á meðfylgjandi myndum.
Ljósmyndirnar tók H. S.

...
Meira

Valdimar Gíslason, sagnfræðingur á Mýrum í Dýrafirði, kvað er honum barst andlátsfregn Jóns Þorsteins Sigurðssonar, Nonna rebba á Þingeyri:            

Melrakkanna mæðusöng

mun nú heldur linna.

Því garpurinn með Gömlu löng

gekk til feðra sinna.

...
Meira

Arnar Kristjánsson útgerðarmaður á Ísafirði hefur selt togarann Arnarborg ÍS 260 til Dubaí í Sameinuðu arabísku fyrstadæmunum. „Við afhendum skipið í Reykjavík í fyrramálið,“ segir Arnar sem keypti togarann fyrir tæpum tveimur árum af útgerðarfélaginu Birni. „Ég hafði ekki nógu trygg verkefni fyrir skipið og þess vegna lét ég það frá mér,“ segir Arnar og kveðst vera sáttur við verðið þó hann gefi það ekki upp opinberlega. 

Með sölunni til Dubaí er rúmlega 40 ára útgerðarsögu togarans á Vestfjörðum lokið. Skipið var smíðað í Flekkefjord í Noregi árið 1973 fyrir Kaupfélag Dýrfirðinga og hét lengst af Framnes Í.S. 708....
Meira

Guðmundur Guðmundsson fæddist í Hnífsdal 11. apríl 1916 og ólst þar upp. Foreldrar hans voru Guðmundur Stefán Guðmundsson formaður í Hnífsdal og k.h. Jóna Salómonsdóttir húsmóðir.

Guðmundur fór ungur til náms í Héraðsskólann á Laugarvatni. Vélstjóraréttinda aflaði hann sér á Ísafirði og skipstjórnarréttinda frá Sjómannaskólanum í Reykjavík. Kornungur varð hann skipstjóri, fyrst á Bryndísi ÍS og síðar Hafdísi ÍS. Guðmundur var hafnsögumaður á Ísafirði um árabil.

Árið 1954 sneri hann sér að útgerð og fiskvinnslu og stofnaði síðan Hrönn hf. ásamt fleirum. Guðmundur var lengi í forsvari fyrir útgerð Guðbjargar ÍS en Hrönn hf. gerði út mörg skip með þessu nafni.

...
Meira

Eftirfarandi ályktanir gerði fundurinn um atvinnumál:

Fiskeldi

Fundurinn óskar fiskeldismönnum bæði á Vestfjörðum sem annarsstaðar, gæfu og gengis. Samt varar hann við því að menn fari of bratt í fjárfestingum og uppbyggingu og reisi sér hurðarás um öxl. Sígandi lukkan er best. Huga þarf mjög vel að því vistkerfi sem fyrir er í hinum vestfirsku fjörðum. Það hefur verið sannað, að  hægt er með ótrúlegum árangri að rækta bleikju og regnbogasilung í hinum ísköldu  vestfirsku ám og vötnum. Meira að segja í bæjarlæknum. Hér gæti orðið um vistvæna vestfirska stóriðju að ræða á landi ef menn vilja.

Óveiddur fiskur í sjónum

...
Meira

Hér fer á eftir stjórnmálaáyktun aðalfundar Búnaðarfélags Auðkúluhrepps sem haldinn var í Mjólkárvirkjun 7. apríl 2016

„Fundurinn átelur harðlega þau fordæmalausu og farsakenndu vinnubrögð sem nú einkenna íslensk stjórnmál. Hann leyfir sér að benda Alþingi og ríkisstjórn á skínandi fordæmi Jóns Sigurðssonar. Danir hlustuðu á hann vegna þess að hann var bæði þinglegur og kunni kurteisi. Þeir báru fyrir honum mikla virðingu vegna þess að hann gagnrýndi þá á hispurslausan en málefnalegan hátt. Sparsemi, nægjusemi, hógværð, lítillæti og heiðarleiki og hætta að lifa um efni fram. Þetta voru grundvallaratriði í málflutningi Jóns Sigurðssonar þegar hann var að reyna að koma Íslendingum til manns.“  ...
Meira

Aðalfundur Búnaðarfélags Auðkúluhrepps var haldinn í Mjólkárvirkjun 7. apríl 2016. Fundarstörf gengu vel fyrir sig og voru menn bara kátir að vanda. Formaður félagsins, Hreinn Þórðarson, stjórnaði fundinum á sinn ljúfa hátt. Ályktanir nokkrar voru samþykktar til að leggja fyrir landsmenn og koma þær fram í kjölfarið. Undir liðnum önnur mál kom í ljós að mönnum liggur ýmislegt á hjarta í Auðkúluhreppi hinum forna. Ekki var það nú allt fært til bókar en þó sumt og skal nú stiklað á stóru í þeim efnum.

Ólafur Ragnar verður að halda áfram ef allt um þrýtur

...
Meira