Valdimar Ólafson, fyrrv. yfirflugumferðarstjóri, fæddist á Mosvöllum I í Önundarfirði 13. ágúst 1926.
Foreldrar hans voru Ólafur B. Hjálmarsson, sjómaður, bóndi á Mosvöllum I, verkstjóri, efnisvörður BP í Rvk., f. 26.8. 1903, d. 30.8. 1986, og Ragnheiður Guðmundsdóttir húsmóðir, f. 25.10. 1902, d. 7.4. 1991.

Valdimar kvæntist 22.12. 1948 Erlu Þórdísi Jónsdóttur síðar kennara, f. 9.2. 1929, d. 28.2. 1987, dóttur Þórunnar Jónsdóttur kennara og Jóns Alexanderssonar, forstjóra hlustendaþjónustu ríkisútvarpsins. Þau skildu 1965.
Börn Valdimars og Erlu eru sjö:

...
Meira

„Í gömlu bókabúðinni á Flateyri ríkir andblær liðinna tíma og gestir hverfa aftur til fyrstu áratuga 20. aldarinnar þegar þeir ganga inn um dyrnar. Húsið við Hafnarstræti 3-5 er eitt af elstu húsunum í þorpinu, byggt árið 1898. Þar var verslunarrekstur í um 100 ár, fyrst verslun Bergs Rósinkranssonar en síðan verslunin Bræðurnir Eyjólfsson og Bókaverslun Jóns Eyjólfssonar. Húsið á sér því merkilega sögu og er einstakt að því leyti að það hefur varðveist í því sem næst upprunalegu horfi ásamt öllum innréttingum og innbúi kaupmannshjónanna Jóns Eyjólfssonar og Guðrúnar Arnbjarnardóttur. Sumarið 2003 festi Minjasjóður Önundarfjarðar kaup á húsinu og hefur síðan verið unnið að ýmsum endurbótum og lagfæringum á því. Er húsið nú opið almenningi til sýnis og fornbókaverslun rekin í gömlu bókabúðinni.“

   Svo segir í Mogganum 5. júlí 2006. Og ekki lýgur hann!

...
Meira

Þeir ráku upp stór augu bræðurnir þrír er þeir sáu löngu drossíuna á Flateyri. Hún er í eigu Úlfars Önundarsonar verktaka og skipasmiðs með meiru. Ekki er nokkur vafi á að þetta er lengsti eðalvagn á Vestfjörðum og þó víðar væri leitað! Í þessum langa djommara hljóta að vera tvö herbergi og eldhús! Þeir félagar höfðu við orð að þeir þyrftu að koma aftur til Flateyrar og fá Úlfar til að skutla sér um Önundarfjörð og jafnvel alla leið til Ísafjarðar. Það hlýtur bara að vera gaman. 

...
Meira

• 38.558 einstaklingar fengu greidda 10,6 milljarða í ökutækjastyrk í fyrra • 12,1 milljarður greiddur í dagpeninga

Launamenn fá greidda ýmsa styrki sem færa þarf inn á skattframtöl. Ef kostnaður er færður á móti þarf launamaðurinn ekki að greiða skatt af upphæðinni. Páll Kolbeins, hagfræðingur hjá embætti Ríkisskattstjóra, fer yfir álagningu einstaklinga árið 2016 í nýútkominni Tíund, blaði embættisins.

Fram kemur í grein Páls að árið 2015 fengu 25.468 manns rúma 2,5 milljarða í styrki vegna náms, rannsókna og vísindastarfa. Hér er um að ræða ýmiskonar endurmenntunar- og starfsmenntunarstyrki sem voru nú 150 milljónum hærri en árið 2014. Á móti styrkjunum var dreginn frá kostnaður upp á tæpa 1,6 milljarða þannig að 955 milljónir voru skattlagðar, sem var um 47 milljónum meira en fyrir ári.

Styrkjum fjölgar ört

...
Meira

Hjónin Þorbjörg Sigþórsdóttir og Sigurður Hafberg opnuðu þennan nýja veitingastað 3. júní í vor. Bryggjukaffið þeirra er staðsett í hinu fornfræga húsi Sparisjóðsins á Flateyri þar sem allir peningarnir voru geymdir í gamla daga. 
Á efri hæðinni er gistirými fyrir allt að 12 manns. Svo er meðlætið aldeilis fínt hjá henni Tobbu. Gulrótarkakan er sko ljúffeng með kaffinu. Að maður tali nú ekki um frönsklu súkkulaðikökuna og  döðlustykkin. 
Góð aðsókn hefur verið að þessum nýja, laglega veitingastað í sumar og er reiknað með að þar verði opið út september. ...
Meira

Nú er komið Babb í bátinn á Flateyri í Önundarfirði. Samkvæmt gömlu orðabókinni okkar þýðir það strik í reikninginn. Ekki vitum við samt af neinu sérstöku babbi á þeim góða stað, nema þetta sem allir vita: Hrörnun byggðarinnar eins og víðar hér vestra. Á gamla frystihúsinu hafa listamenn aftur á móti látið ljós sitt skína eins og sjá má í baksýn myndarinnar.

   Höfðingjana tvo á myndinni þekkja margir sem þetta lesa. Auðvitað eru þetta Kristján Gunnarsson, bóndi frá Miðbæ í Haukadal, sem fullyrða má að sé sérfræðingur í sauðfjárrækt. Og svo Ólafur V. Þórðarson frá Auðkúlu í Arnarfirði til hægri. Hann var lengi verslunarstjóri hjá Kaupfélagi Dýrfirðinga á Þingeyri, útvegsbóndi og gamall kvótagreifi.  

...
Meira

Gísli Guðmundsson fæddist á Næfranesi í Dýrafirði 4. nóvember 1919, en fjölskyldan fluttist í Hjarðardal í Dýrafirði þar sem hann ólst upp. Hann lést 1. ágúst 2016.

Foreldrar hans voru Guðmundur Hermannsson, bóndi og kennari, og Guðrún Gísladóttir, húsfreyja. Gísli var þriðji í röð átta systkina sem öll eru látin, þau voru: Jóhanna, Guðbjörg, Vilborg, Hermann, Rósa og tvíburabræðurnir Sigurður og Þorsteinn. Þær Jóhanna og Guðbjörg voru dætur fyrri konu Guðmundar, Vilborgar Eirnýjar Davíðsdóttur.

Gísli kvæntist þann 16. júní 1951 Valborgu Waage Ólafsdóttur, f. 11. nóvember 1914, d. 17. maí 1994. Þau eignuðust þrjú börn: Ólaf, f. 21. október 1950, d. 24. júní 1962, Guðrúnu Þórunni, f. 19. september 1953, og Véstein, f. 19. janúar 1956, d. 13. desember 1958. Guðrún Þórunn er gift Ingiberg Magnússyni og eru synir þeirra Vésteinn, Ólafur og Magnús Gísli. Fyrir átti Valborg einn son, Guðmund Ágúst Hákonarson.

...
Meira

Sífellt fleiri og stærri útgeðarbæir finna fyrir slæmum afleiðingum kvótakerfisins. Nú síðast er það Þorlákshöfn sem missir 60% af kvótanum í byggðarlaginu við kaup HB Granda hf. á helsta sjávarútvegsfyrirtæki staðarins. Þetta er aðeins síðasta dæmið um samþjöppun í sjávarútvegi landsmanna, þar sem stærstu fyrirtækin verða sífellt stærtti með hjálp fjármálastofnana. „Frá 1990 til 2015 jókst hlutur 10 stærstu íslensku sjávar­útvegsfyrirtækjanna í heildarkvótanum úr 22% í 50,5%,“ skrifar Þórólfur Matthíasson, hagfræðiprófessor við Háskóla Íslands, í grein í Fréttablaðinu 3. ágúst 2016. „Þessi þróun skýrist að hluta af tækniþróun þar sem afkastageta hverrar einingar eykst. Kvótakerfið ýtir einnig undir samþjöppun aflaheimilda. Nýleg kaup HB Granda á kvóta Þorlákshafnarfyrirtækisins Hafnarness Vers er dæmi um áhrif kvótakerfisins þar sem fjármálastofnun knýr fyrirtæki sem hefur skuldsett sig um of í fjárhagslega endurskipulagningu." Þetta er eitt af því sem kemur fram í ítarlegri umfjöllun á vefnum kvennablaðið.is um ofurvald útgerðarinnar yfir sjómönnum og heilum byggðarlögum....
Meira