Rögnvaldur Ólafsson húsameistari andaðist á heilsuhælinu á Vífilsstöðum 14. þ. m. (14. febrúar 1917). 
Hafði hann lengi átt í stríði við berklaveikina og var stundum sem honum batnaði nokkuð um hríð, en aldrei stóð sá bati til lengdar, og nú varð þessi veiki honum að bana.
Hann var á besta aldri, 42 ára gamall, fæddur 5. des. 1874, ættaður af Vesturlandi. Foreldrar hans, Ólafur Sacharíasson og Veróníka Jónsdóttir, bjuggu á Ytrihúsum i Dýrafiriði. Móðurafi Rögnvalds, Jón Eyjólfsson, var lengi prestur á Hornströndum, dáinn 1869, en móðir sjera Jóns Eyjólfssonar var Guðrún dóttir sjera Jóns Þorlákssonar skálds á Bægisá og Margrjetar Bogadóttur í Hrappsey. Er faðir Rögnvalds dáinn fyrir mörgum árum, en móðir hans enn á lífi, hjá Jóni syni sínum, trjesmrð á Isafirði....
Meira

Vegagerð fyrir Dýrafjörð til Þingeyrar lauk haustið 1954. Þangað til var ferjuskylda á Gemlufalli og sá bóndinn um að ferja fólk yfir fjörð á Gemlufallsbátnum. 
Svo var smíður ferja á Þingeyri til að flytja mikinn farangur, bíla og einng sauðfé.
Kaupfélag Dýrfirðinga átti ferjuna. Hægt var að leggja gafl ferjunnar niður og mynda "landgöngubrú" sem bílar óku eftir um borð. Bílum var alltaf bakkað upp í ferjuna. Í fjörunni, sniðhallt fyrir neðan Vélsmiðju Guðmundar J. Sigurðssonar var lending ferjunnar. Þar mynduðu samankræktar járnplötum braut að aka eftir í hana. Annars staðar var enginn sérstakur búnaður í fjöru og gat verið basl að koma bílum í land....
Meira

Afmælissamkoma - Menningar-Staður í fjögur ár

Í fyrradag voru fjögur ár frá því vefurinn vinsæli  „Menningar-Staður"  fór í loftið.  Það var þann 19. febrúar 2013. 

Í tilefni þessa var sérlaga vel heppnað  morgunboð hjá -Vinum alþýðunnar- að Sölvabakka á Eyrarbakka í morgun, þriðjudaginn  21. febrúar 2017.

Létt var yfir -Vinum alþýðunnar- hvað sagðar voru sögur af manni og öðrum að þeirra hætti.

Verstfirska forlagið á Þingeyri heiðraði samkomuna og hið  góða starf –Vina alþýðunnar- með bókalottói.
Vinningashafar voru:

...
Meira

Kómedíuleikhúsið hefur á undanförnum árum unnið mikilvægt þrekvirki þegar kemur að því að efla og lífga menningu, ekki einasta á landsbyggðinni heldur á landinu öllu; Je suis Vestfirðir! 
Stofnandi þess og helsti listræni starfskraftur hefur frá upphafi verið Elfar Logi Hannesson og ásamt nokkrum viðlíka frumkvöðlum er óhætt að segja – og hvergi ofsagt – að þeir séu flaggskip íslenskrar byggðastefnu. Það er raunsæi að segja, að betur má búa að og hlúa að slíkum frumkvöðlum og stjórnvöld ættu að vita og skilja, að þessar örsmáu menningarstofnanir eru hreinræktuð sálver hverri byggð sem á og eins smáar og þær eru, örva þær hugvöxtinn meira en nokkurt álver örvar hagvöxt!...
Meira

Á vegavinnuárunum lá leiðin um Vestur-Ísafjarðarsýslu -- aðallega um Önundarfjörð allt frá Flateyri, fyrir fjörð og í Valþjófsdal og Ingjaldssaand, sem er að vísu í Mýrahreppi en Önfirðingar vilja eiga hann líka. -- Um Dýrafjörð allt frá Gerðhömrum í Svalvoga.   

Um Önundarfjörð var lengstum farin hraðferð í venjulegu viðhaldi vega en í innanverðum Dýrafirði var vegavinnuflokkurinn langdvölum meðan unnið var að því koma Þingeyri í vegasamband. Ég varð þess vegna vel kunnugur þar og átti marga vini og kunningja .Í Önundarfirði naut ég þess að vera innfæddur, þekkti mínar heimaslóðir.

Lýður Jónsson, yfirverkstjóri, lagði áherzlu á að við "strákarnir" hans lærðum örnefni á vinnusvæðinu " annars er ekki hægt að senda ykkur þangað sem þörf er á. "...
Meira

Leikdeild Höfrungs á Þingeyri hefur vakið athygli síðustu ár fyrir sérlega vandaðar og ævintýralegar fjölskyldu leiksýningar. Fyrst var það hin óborganlega Lína Langsokkur þar á eftir Galdrakarlinn í Oz og í fyrra var það hinn dásamlegi Kardemommubær eftir Thorbjörn Egner. Enn leitar leikdeildin í sjóð Egners því nú á að taka hitt leikritið og færa á fjalirnar. Nefnilega Dýrin í Hálsaskógi.

Sérstakur kynningarfundur um þessa stóru og miklu uppfærslu er laugardaginn 25. febrúar kl. 13.01 í Stefánsbúð á Þingeyri. Allir eru velkomnir hvort heldur sem fólk vill leika, smíða, sauma, mála eða bara forvitnast um verkefnið. Í framhaldinu hefjast svo æfingar sem standa yfir næstu vikurnar.
Leikstjóri er Elfar Logi Hannesson sem hefur leikstýrt öllum uppfærslum leikdeildarinnar. Frumsýning verður föstudaginn 7. apríl í Félagsheimilinu á Þingeyri sem gárungarnir eru farnir að kalla miðstöð leiklistar á Vestfjörðum.  Fleiri sýningar verða þá helgi og svo að sjálfsögðu alla páskana.

...
Meira

„Það bíða okkar risavaxin verkefni sem eru gríðarlega brýn, sem skipta öllu máli fyrir stór landsvæði og uppbyggingu í atvinnulífi á þeim. Ég nefni verkefni eins og Dettifossveginn, einnig lagningu vegar um Teigsskóg, Dýrafjarðargöng sem eru komin í gang og síðan þarf að fara í framkvæmdir við Dynjandisheiði í framhaldinu,“ segir Jón Gunnarsson samgönguráðherra í samtali í Viðskiptablaðinu.
Jón segir að frekari uppbygging á landsbyggðinni geti hjálpað til við að dreifa ferðamönnum betur um landið, til að mynda með hringvegi um Vestfirði sem myndi opna þann landshluta fyrir ferðamönnum.

...
Meira

Sögufélag Barðastrandarsýslu hefur nýlega gefið úr árbók Barðastrandarsýslu fyrir árið 2016. Þetta er 27. árgangur árbókarinnar.
Ritstjóri árbókarinnar er Daníel Hansen og aðrir í ritnefnd eru; Lilja Magnúsdóttir, Páley Kristjánsdóttir og Rögnvaldur Bjarnason.
Í formála Daníels Hansen segir að það sé þó nokkuð afrek fyrir fámennt félag að gefa út eina bók á ári, en það sé "allt gert af miklum áhuga á átthögunum, ekki hvað síst hjá þeim sem yngri eru og leita í rætur sínar." Þá vekur Daníel athygli á því að mikið efni sé til þar sem margir forfeðranna hafi haft þörf fyrir að skrifa niður margvíslegt efni og þannig séu til heilu stílabækurnar.
En það er ekki nóg að eiga efnið heldur þarf það að vera aðgengilegt. Daníel Hansen hvetur yfirvöldd í Barðastrandarsýslu til þess að koma upp skjalasafni í sýslunni. Þar væri hægt að safna saman öllu því efni sem til er og annars yrði væntanlega hent. 

Í árbókinni er margvíslegt efni....
Meira