• Katrín Björk Guðjónsdóttir, 24 ára Flateyringur, bloggar um bataferli sitt • Tvö ár liðin frá því hún lamaðist eftir mikið heilablóðfall • „Tel mig vera heppnustu manneskju í heimi“

„Ég lærði alltof ung að ég geng ekki að morg­un­deg­in­um vís­um og síðan ég fór að muna eft­ir mér þá nýt ég hverr­ar líðandi stund­ar. Ég er svo ótrú­lega hepp­in að þetta hug­ar­far hef­ur fylgt mér al­veg síðan þá og mun fylgja mér út lífið.“ Þannig hefst blogg­færsla Katrín­ar Bjark­ar Guðjóns­dótt­ur, 24 ára Flat­eyr­ings, sem glím­ir við al­var­leg veik­indi. Hún set­ur færsl­una inn á síðu sína, katr­in­bjork­gu­djons.com, í dag í til­efni af því að tvö ár eru liðin frá því hún lamaðist við heila­blóðfall og hóf að blogga um bata­fer­il sinn.

...
Meira

…á Vestfjörðum má finna steingervinga úr voldugum skógum sem þar uxu fyrir tíu til fjórtán milljónum ára?
Loftslagið var þá heittemprað, svipað og nú er í Kaliforníu, þó erfitt sé að gera sér slíkt í hugarlund.
Í hlíð Helgafells við utanverðan Dýrafjörð fannst til dæmis rauðviðarbolur sem er nærri metri í þvermál.
Af öðrum viðartegundum má nefna valhnotu, beyki, hlyn, elri og vínvið....
Meira

Í tilefni af útgáfu þriggja nýrra binda – hins tuttugasta og sjötta, sjöunda og áttunda – í ritröðinni Kirkjur Íslands býður Minjastofnun Íslands, Þjóðminjasafn Íslands, Biskupsstofa og Hið íslenska bókmenntafélag til málstofu og opnunar sýningar í Edinborgarhúsinu á Ísafirði í dag,13. júní 2017,  kl. 14:00.

Friðaðar kirkjur í Vestfjarðaprófastsdæmi

Dagskrá:

...
Meira

Eldisstarfsemi fiskeldisfyrirtækisins Arcitc fish  hófst í Dýrafirði og þar er enn helsta starfsstöð félagsins í sjóeldinu. Sjö starfsmenn eru við þann hluta starfseminnar. Vinnsla afurða hefur verið í Ísafjarðarbæ, bæði á Flateyri og Ísafirði en á síðarnefnda staðnum er einnig skrifstofa Arctic Fish þar sem starfsmenn eru fjórir talsins. Við vinnsluna sjálfa starfa að jafnaði 20 starfsmenn. Á Tálknafirði er seiðaeldi félagsins með 8 föstum starfsmönnum. Við uppbygginu á aðstöðu þar hafa um 10 manns starfað og fleiri þegar meira er umleikis, á fjórða tug þegar mest er. Framundan eru síðan auknar fjárfestingar og ef leyfi sem sótt hefur verið um fást, er ljóst að ráða þarf ennþá fleira fólk til starfa.

Þetta kemur fram í viðtali við Sigurð Pétursson framkvæmdastjóra Arctic fish, sem birtist í Sóknarfæri, fylgiriti Morgunblaðsins....
Meira

Kómedíuleikhúsið hefur gefið út barnabókina Muggur saga af strák. Hér er á ferðinni einlæg saga fyrir börn á öllum aldri. Bókin fjallar um strákinn Guðmund er kallaður var Muggur. Hann á heima í litlu þorpi fyrir vestan og víst gjörist þar margt ævintýralegt.

Höfundar bókarinnar Muggur saga af strák eru listahjónin Elfar Logi Hannesson og Marsibil G. Kristjánsdóttir. Bókin er ríkulega mynskreytt af Marsbil en Elfar Logi gefur orðin í sögunni. 

Muggur saga af strá fæst hjá Kómedíuleikhúsinu. Það er einfalt að panta einfaldlega sendið tölvupóst á netfangið komedia@komedia.is og bókin er þín. 

Muggur saga af strák fæst einnig í verslunum Eymundsson um land allt. 

...
Meira

Hinir árlegu Dýrafjarðardagar verða með einkar glæsilegum hætti þetta árið, en hátíðin fer fram dagana 30. júní – 2. júlí 2017. 
Enn er verið að vinna í dagskránni en nú þegar er búið að fastnegla marga afar áhugaverða viðburði sem dekka vítt áhugasvið. Má þar nefna fyrirlestur Óttars Guðmundssonar geðlæknir um kynlíf í fornsögunum. Einn vinsælasti tónlistarmaður þjóðarinnar, Emmsjé Gauti, ætlar að trylla lýðinn á dansleik. Frábærir tónleikar hans á Aldrei fór ég suður um páskana eru öllum í fersku minni sem þá sóttu og öruggt að Gauti mun ekki draga neitt af sér og sínum mönnum þegar hann rappar í dýrfiskri sumarnóttinni.

Einnig má nefna tónleika í Þingeyrarkirkju þar sem þær Jóhanna Halldórsdóttir og Helga Aðalheiður Jónsdóttir leiða saman krafta sína í áhrifaríku tónleikaprógrammi byggðu á íslensku þjóðlögunum. Áheyrendur eru teknir með í tímaferðalag aldir aftur í tímann og upplifa þannig eitt ár af blæbrigðum árstíðanna. Tölvuhljóð eru eftir Hilmar Örn Hilmarsson allsherjargoða.

...
Meira

Minjastofnun Íslands, Þjóðminjasafn Íslands, Biskupsstofa og Hið íslenska bókmenntafélag bjóða til málstofu og sýningar í Edinborgarhúsinu á Ísafirði þriðjud. 13. júní 2017 kl 14,00. 
Flutt verða 6 erindi um vestfirskar kirkjur. Séra Guðrún Edda Gunnarsdóttir, fyrrum sóknarprestur í Þingeyrarprestakalli, verður einn af málshefjendum.  

   Tilefnið er að út eru komin þrjú ný bindi í ritröðinni Kirkjur Íslands – hið tuttugasta og sjötta, sjöunda og áttunda – í ritröðinni Kirkjur Íslands.

   Í bindunum þremur, sem nú koma út, er fjallað um 28 friðaðar kirkjur í Vestfjarðaprófastsdæmi: 

...
Meira

Jóhann Eyfirðingur, útgerðarmaður, var nafnkunnur maður hér vestra á sinni tíð. Hann og bróðir hans, Þorsteinn, voru lengi formenn í Bolungarvík og í allra fremstu röð. Síðan hóf Jóhann kaupmennsku þar og á Ísafirði síðar.

“Sagt var, að þá er Jóhann var orðinn kaupmaður í Bolungarvík, hafi honum einu sinni orðið það á að panta ósköpin öll af eldspýtum. Stríddu menn honum með því, að hann mundi eiga birgðir allt til æviloka. Jóhann tók ekkert undir þetta, sagði þó, að hann hefði stundum reynzt forsjáll á sjónum, og hann kynni einnig að vera það í landi. Líður svo ekki á löngu, unz menn tóku eftir því, að hann fór að ráfa um dapur í bragði. Einhver gekk á hann, og Jóhann sagði:

“Það verða fleiri daprir en ég. Hann er nefnilega hættulega veikur, hann Safetý, eini maðurinn, sem kann að búa til eldspýtur.”

...
Meira