Kæru vinir.

Eins og margir ykkar vita, höfum við undirritaðir séð um að halda Þingeyrarvefnum gangandi nú um nokkurt skeið. Hefur það verið á vegum Vestfirska forlagsins og Íþróttafélagsins Höfrungs. Þetta er endalaus vinna sem hefur gefið okkur mikið í aðra hönd. Ekki er það nú í peningum talið eins og þið vitið, heldur er það fyrst og fremst ánægjan sem þar hefur verið aflvakinn. Og láta eitthvað gott af sér leiða fyrir samferðamennina og framtíðina.

   Mörgum þykir vænt um Þingeyrarvefinn. Hefur svo verið frá því strákarnir í Mjólká byrjuðu með hann 2003. Þar birtist oft efni sem hvergi er að finna annarsstaðar. 

...
Meira

Tíð hefur verið hagsæð hér um slóðir fyrir æðarfuglinn það sem af er vori. Og nú er komið að því að æðurin fer að leiða út sem kallað er. Þá fara að sjást ungar með stoltum mæðrum sínum. En melrakkinn gerir æðarfuglinum lífið leitt eins og oft áður. Minkur og flugvargur eru einnig til staðar, en sú lágfætta er þó skæðust í æðarvörpunum að vanda. Þetta hefur verið mikil barátta að sögn æðarbænda og ekkert lát á.
Hreinn Þórðarson, hreppstjóri á Auðkúlu í Arnarfirði, ver æðarvörpin á Hrafnseyri og Auðkúlu með kjafti og klóm eins og sagt er. Hann felldi 13. tófuna á þessu vori í fyrrinótt og mink fékk hann í kaupbæti eins og oft áður. Sömu sögu er að segja frá Mýrum, Læk og Hólum, stærstu æðarvörpunum í Dýrafirði. Þar eru menn gráir fyrir járnum og dugar ekki til....
Meira

Sjómannadagurinn er sunnudag 11. júní og víða verður mikið um dýrðir. 

Á Patreksfirði er hefð fyrir miklum hátíðarhöldum og á því verður engin undantekning að þessu sinni. Á dagskránni má sjá Stebba og Eyfa, Hreim og Matta, Skímó og Sirkus Íslands og er þá fátt eitt talið en nánari dagskrá má nálgast á facebook síðu Sjómannadagsráðs....
Meira

Hans Ellefsen, født i Stokke - Vestfold, norsk hvalfangstreder. Drev først hvalfangst på Øst-Finnmark.  

Flyttet 1889 til Island. Inntil 1901 hadde han stasjon på Solbakka i Önundarfjörður på den vestlige del av Island, de første årene sammen med broren Andreas Ellefsen (1848–1927). 

Hans stasjon på Asknes i Mjóifjörður, 1901–11, ble kalt verdens største, med mer enn 400 mann. 

Hans villa på Solbakka ble etter hans død flyttet til Reykjavík som statsminister- og representasjonsbolig....
Meira

Þingsveinn sem varð svo alþingismaður

Helgi Hjörvar fæddist í Reykjavík 9.6. 1967 og ólst þar upp, að frátöldum þremur bernskuárum sem hann dvaldi með foreldrum sínum á Vestfjörðum og í Kaupmannahöfn. Hann gekk í Ísaksskóla, Æfingadeild KHÍ, og MH, stundaði heimspekinám við HÍ og lauk námskeiðinu Senior Managers in Government við John F. Kennedy School of Government í Harvard árið 2005. 

Á æskuárunum var Helgi í Ballettskóla Þjóðleikhússins og tók þátt í ýmsum leiksýningum. Hann söng hlutverk Emils í Kattholti á vinsælli hljómplötu, útg. 1977....
Meira

Úthlutunarnefnd fræðimannsíbúðar, samkvæmt reglum um Hús Jóns Sigurðssonar í Kaupmannahöfn, hefur lokið störfum og úthlutað íbúð fræðimanns á 2. hæð hússins frá ágústlokum 2017 til ágústloka 2018.

Nefndinni bárust að þessu sinni umsóknir um dvöl til að sinna 29 verkefnum. 

Úthlutað var dvalartíma til eftirtalinna fræðimanna:


...
Meira

Hjálmar fæddist á Ísafirði 8. júní 1918. Foreldrar hans voru Bárður Guðmundur Tómasson, fyrsti skipaverkfræðingur Íslendinga, og k.h., Filippía Hjálmarsdóttir húsfreyja.

Eiginkona Hjálmars var Else Sørensen húsfreyja.

Hjálmar lauk stúdentsprófi frá MR 1939, stundaði nám í tréskipasmíði við skipasmíðastöð BGT á Ísafirði 1940, nám í flugvélasmíði við Marinens Flyvevåben í Kaupmannahöfn 1940, stundaði verklegt nám í stálskipasmíði, rafsuðu, járnsteypu og rennismíði við Ørlogsværftet á námstíma í verkfræði í Kaupmannahöfn, lauk prófum í skipaverkfræði frá DTH 1947, lærði jafnframt flugvélaverkfræði sem aukagrein og sótti námskeið í tæknilegri ljósmyndun.

...
Meira

Eftirfarandi orðsendingu sendum við til alþingismanna til gamans fyrir nokkrum árum:

Þar sem þið ræðið nú af kappi um stjórnarskrá Íslands og lesið upp úr ýmsum bókum, mælum við sterklega með því að þið kryddið mál ykkar svolítið og takið með ykkur í ræðustólinn nýju bókina okkar, Þjóðsögur og gamanmál að vestan, slegið á létta strengi í kreppunni, sem Hemmi Gunn tók saman. Í þeirri bók er eiginlega mannlífið í hnotskurn líkt og í stjórnarskránni, eins og þessi skemmtilega saga sannar:

Frambjóðendur á Vestfjörðum fóru eitt sinn saman í bíl um kjördæmið og héldu kosningafundi.

...
Meira