Sveitarfélögin á Vestfjörðum, Bolungarvíkurkaupstaður, Ísafjarðarbær, Súðavíkurhreppur, Tálknafjarðarhreppur, Vesturbyggð, Reykhólahreppur, Kaldrananeshreppur, Strandabyggð og Árneshreppur, boða ásamt Fjórðungssambandi Vestfirðinga og Verkalýðsfélagi Vestfirðinga til borgarafundar í íþróttahúsinu á Ísafirði í dag, sunnudag 24. september 2017 kl. 14. 

Á fundinum verða rædd ein mikilvægustu hagsmunamál fjórðungsins um þessar mundir sem snúast öll um mikilvæga innviðauppbyggingu á Vestfjörðum. Meðal annars verður gerð grein fyrir meginniðurstöðum nýrrar skýrslu KPMG fyrir Fjórðungssamband Vestfirðinga og Atvinnuþróunarfélag Vestfjarða um hagsræn og samfélagsleg áhrif sjókvíaeldis í Ísafjarðardjúpi....
Meira

Þetta myndarlega sjávarhús á Hólum í Dýrafirði var endurbyggt fyrir nokkrum árum af ættingum Stefáns Guðmundssonar á Hólum, en Stefán hafði byggt það upphaflega. 

Talið er að sjávarhús hafi staðið þarna a.m.k. síðan á 18. öld og verið endurgert nokkrum sinnum. 

Davíð Davíðsson á Þingeyritók myndirnar....
Meira

Þær fréttir berast nú úr Dýrfirði, þar sem höfuðstöðvar svokallaðs Vestfjarðalista eru til húsa, að listinn sé nokkuð öruggur með fjóra menn inn í Alþingiskosningunum 28. október 2017. Baráttumál Vestfjarðalistans hafa vakið nokkra athygli undanfarið, en sum þeirra eru gamalkunn í þeim herbúðum. Það ættu elstu menn að muna. Við slógum því á þráðinn til Hallgríms Sveinssonar, sem er bátsmaður listans.

„Er þetta ekki bara einhver della, Hallgrímur?“

„Það er nú síður en svo. Í fréttum Stövar 2 um daginn, þar sem Spaugstofan var til húsa á tímabili, kom fram að Framsóknarflokkurinn væri nú kominn með 120% stuðning. Hluti af því væri svokallaður framvirkur stuðningur, á erlendu máli kallað Ambivalence, sem gerði það að verkum að flokkurinn væri kominn með fjóra til fimm menn örugga inn. Samkvæmt þessu lögmáli og kosningalögum að hluta, má þá segja, samkvæmt hinum mikla framvirka stuðningi við Vestfjarðalistann, að við séum nokkuð öruggir með 4 menn á landsvísu.“

„Hverju þakkar þú þennan mikla árangur, sem hvorki Capacent Gallup né Félagsvísindastofnun hafa mælt að séð verður?“

...
Meira

Vinstri­hreyf­ing­in – grænt fram­boð er orðin stærsti flokk­ur lands­ins sam­kvæmt skoðana­könn­un Fé­lags­vís­inda­stofn­un­ar sem gerð var fyr­ir Morg­un­blaðið dag­ana 19. til 21. sept­em­ber 2017.
Flokk­ur­inn nýt­ur fylg­is 30% kjós­enda og fengi sam­kvæmt því 22 þing­menn. Hann hef­ur nú 10 þing­menn. Um­tals­verður mun­ur er á fylgi VG eft­ir kynj­um. Ætla 20% karla að kjósa flokk­inn en 40% kvenna.

Sjálf­stæðis­flokk­ur­inn tap­ar veru­legu fylgi frá þing­kosn­ing­un­um í fyrra, sam­kvæmt könn­un­inni. Stuðning­ur við hann mæl­ist 23% og fengi hann 15 þing­menn í stað 21 sem hann hef­ur nú. Flokk­ur fólks­ins fengi 5 þing­menn kjörna, en hef­ur eng­an þing­mann núna. Björt framtíð næði ekki manni á þing.

Viðbrögð leiðtoga flokk­anna ein­kenn­ast af óvissu um stöðu mála. Vísa marg­ir í „rót“, „flot“ og „hreyf­ingu“ á fylg­inu. Bjarni Bene­dikts­son, formaður Sjálf­stæðis­flokks­ins, kveðst hlakka til að fara á fund kjós­enda en Inga Sæ­land, formaður Flokks fólks­ins seg­ir að könn­un­in gefi flokks­mönn­um byr und­ir báða vængi.

...
Meira

Örn Gísla­son fædd­ist í Jóns­húsi á Bíldu­dal 6. fe­brú­ar 1939. Hann lést á sjúkra­hús­inu á Pat­reks­firði 15. sept­em­ber 2017.

For­eldr­ar hans voru Sig­ríður Ágústs­dótt­ir frá Bíldu­dal, f. 23.5. 1914, d. 15.2. 1990, og Gísli Guðmunds­son frá Tálknafirði, f. 13.7. 1908, d. 17.2. 1943. Seinni maður Sig­ríðar er Gunn­ar Þórðar­son, f. 9.8. 1922, hann gekk son­um Sig­ríðar í föðurstað. Bróðir Arn­ar er Ágúst Gísla­son, f. 5.12. 1941. 
Þann 3.8. 1963 gift­ist Arn­ar Val­gerði Jón­as­dótt­ur, f. 16.9. 1944. 
Dæt­ur þeirra eru: 
1) Bríet Arn­ar­dótt­ir, f. 23.4. 1968, eig­inmaður henn­ar er Smári Gests­son og syn­ir þeirra eru a) Örn, f. 21.11. 1987, hann á son­inn Sæþór Ólaf, f. 21.1. 2011, b) Magni, f. 18.1. 1993 c) Val­ur, f. 24.9. 1995. 
2) Sig­ríður Arn­ar­dótt­ir, f. 14.9. 1971, eig­inmaður henn­ar er Guðm. Örvar Hall­gríms­son og dæt­ur þeirra eru a) Urður Vala, f. 1.3. 2003 b) Agnes Gígja, f. 12.10. 2005 c) Sunna Bríet, f. 10.12. 2008. 
3) Tumi Arn­ar­son, f. 3.10. 1978, dá­inn sama dag. 
4) Arna Mar­grét Arn­ar­dótt­ir, f. 16.2. 1986, sam­býl­ismaður henn­ar er Sig­geir Guðna­son og börn þeirra eru a) Jó­hanna Krist­ín, f. 27.6. 2010 b) Snæ­björn Tumi, f. 28.8. 2014.

Öddi og Ági bróðir hans ólust upp á Bíldu­dal í faðmi móður sinn­ar og systkina henn­ar. Öll sum­ur var hann í Tálknafirði hjá föðurömmu sinni og afa og Ein­ari föður­bróður. Hann gekk í Barna­skóla Bíldu­dals, var í stúku hjá sr. Jóni Kr. Ísfeld og í héraðsskól­an­um í Reyk­holti í Borg­ar­f­irði.

...
Meira

Sigrún Guðmunds­dótt­ir fædd­ist á Ísaf­irði 26. júní 1929. Hún lést á Land­spít­al­an­um við Hring­braut 14. sept­em­ber 2017.

For­eldr­ar henn­ar voru Guðmund­ur G. Kristjáns­son frá Meiri-Garði í Dýraf­irði, f. 23. janú­ar 1893, d. 4. nóv­em­ber 1975, og Lára Ingi­björg Magnús­dótt­ir frá Sauðár­króki, f. 19. júlí 1894, d. 15. júlí 1990.

Sigrún var eina stúlk­an í hópi sjö bræðra: Magnús, 1916-1918, Ólaf­ur, 1918-1982, Magnús, 1920-1941, Kristján Sig­urður, 1922-2003, Páll Stein­ar, 1926-2015, Har­ald­ur, 1928-1935, og Lár­us Þor­vald­ur, f. 1933, sem einn lif­ir syst­ur sína.

Sigrún gift­ist Hall­grími F. Árna­syni bif­reiðastjóra, f. 12. sept­em­ber 1918, d. 18. des­em­ber 2001. Sigrún og Hall­grím­ur gengu í hjóna­band 30. októ­ber 1954. Þau bjuggu í Hafnar­f­irði all­an sinn bú­skap en Sigrún flutt­ist til Reykja­vík­ur árið 2003 eft­ir lát Hall­gríms.

Sigrún og Hall­grím­ur eignuðust þrjú börn:

...
Meira

Bjarni Benediktsson forsætisráðherra hefur boðað komu sína á fyrirhugaðan íbúafund á Ísafirði á sunnudaginn  24. september 2017 kl. 14:00 í Íþróttahúsinu á Torfnesi. Samkvæmt heimildum bb.is hefur það ekki gerst áður að forsætisráðherra mæti á opinn íbúafund á Ísafirði, nema hugsanlega fundi sem haldin er af eigin stjórnmálaflokki.

Áður hefur komið fram að framsögumenn eru Pétur Markan formaður Fjórðungssambands Vestfirðinga, Eiríkur Örn Norðdahl, Guðrún Finnbogadóttir og Gunnar Tryggvason.

Í pallborði á fundinum verða :

...
Meira

Jafndægur eru tvisvar á ári, um 20.-21. mars og 22.-23. september. Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir miðbaug jarðar. Þessi atburður er á tilteknu augnabliki innan dagsins. Um haustjafndægur eru dagur og nótt álíka löng og styttist dagurinn um 6-7 mínútur á hverjum degi.

Stundum er sagt að á jafndægrum séu dagur og nótt jafnlöng, sem er nærri lagi, en þetta er ekki alveg svo einfalt. Í fyrsta lagi er bjart nokkru fyrir sólarupprás og eftir sólarlag, en jafnvel tíminn milli sólarupprásar og sólarlags er ekki nákvæmlega 12 klst. á jafndægrum.

...
Meira