Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota tímabilið 3. janúar til 18. desember 2018. Umsóknir um íbúðina skulu hafa borist skrifstofu Alþingis eigi síðar en mánudaginn 30. október næstkomandi. 
Allar nánari upplýsingar og sérstök eyðublöð er að finna á heimasíðu Jónshúss.

Fræðimenn, sem hyggjast stunda rannsóknir eða vinna að verkefnum í Kaupmannahöfn, geta sótt um afnot af íbúðinni, sem er á 4. hæð Jónshúss. Íbúðin er tveggja herbergja og fylgir henni allur nauðsynlegasti heimilisbúnaður.
Afnotin eru endurgjaldslaus, en þeim sem fá úthlutað ber þó að greiða fyrir þrif íbúðarinnar og rekstrarkostnað, alls kr. 45.000.

 

...
Meira

Auður Eir Vil­hjálms­dótt­ir tók prestsvígslu, fyrst ís­lenskra kvenna. 

Hún vígðist til Staðarprestakalls í Súg­andafirði. 

Rúm­um fjór­um árum síðar hlaut hún lög­mæta kosn­ingu, fyrst kvenna, í Kirkju­hvolsprestakalli í Rangár­valla­sýslu....
Meira

Jón Sigurðsson, 22 ára stúdent, hélt með skipi frá Hafnarfirði til Kaupmannahafnar þann 29. september 1833, þar sem hann bjó síðan. 

Skipið hreppti slæmt veður en kom að landi við vestanvert Jótland. 

Jón komst til Hafnar fyrir jól en fór ekki aftur til Íslands fyrr en tólf árum síðar, þegar endurreist Alþingi tók til starfa.

Morgunblaðið - Dagrar Íslands - Jónas Ragnarsson.

...
Meira

Hver dalur á sína sögu og sínar söguhetjur. Selárdalur í Arnarfirði er sannarlega þar á meðal ef ekki bara á topp tíu listanum yfir mestu sögudali landsins. Enda hafa þar gist margir höfðingjarnir og listamennirnir. Nægir að nefna klerkana Pál Björnsson einhvern lærðasta mann 17. aldar, Jón Þorláksson er einnig var skáld gott og kenndi sig við Bægisá og síðast en ekki síst galdraklerkinn Árum-Kára er sagt er frá í þjóðsögunum. 

Nútímamaðurinn tengir þó hinn merka sögudal við hinn einstaka einbúa Gísla á Uppsölum. Einn Seldæling til skal telja en það er alþýðulistamaðurinn Samúel Jónsson. Betur þekktur sem Listamaðurinn með barnshjartað. Með sínum litla ellistyrk reisti hann sannkallaða ævintýraveröld sem skákar öllum Disney löndum slíkir eru töfrarnir. Samúel var sannkallaður alþýðulistamaður, hann málaði, gerði styttur, gosbrunn já og svo byggði hann eitt stykki kirkju....
Meira

Sigtryggur fæddist á Þröm í Garðsárdal 27. september 1862, sonur Guðlaugs Jóhannessonar, bónda á Þröm, og k.h., Guðnýjar Jónasdóttur.

Guðlaugur var sonur Jóhannesar Bjarnasonar, bónda í Meðalheimi á Svalbarðsströnd, og k.h., Halldóru Bjarnadóttur, en Guðný var dóttir Jónasar Bjarnasonar, bónda á Veturliðastöðum í Fnjóskadal, og k.h., Sigríðar Jónsdóttur.

Fyrri kona Sigtryggs var Ólöf Júlíana Sigtryggsdóttir en hún lést 1902. Seinni kona Sigtryggs var Hjaltlína Margrét Guðjónsdóttir kennari og urðu synir þeirra þjóðþekktir, Hlynur veðurstofustjóri og Þröstur, skipherra í þorskastríðunum á áttunda áratugnum.

...
Meira

Fyrir tveimur vikum var stór dagur fyrir Vestfirðinga þegar fram fór opinber athöfn sem markaði upphaf að Dýrafjarðargöngum. 
Margir Vestfirðingar lögðu leið sína í Arnarfjörðinn til þess að taka þátt í hátíðahöldunum. Einn þeirra var Bergur Torfason, fyrrverandi bóndi að Felli í Dýrafirði. 

Hann fagnaði með þessari stöku: 

Hátíðarsprenging hér var gjörð, 
hola var boruð í móðurjörð, 
opnað sárið við Arnarfjörð, 
og út verður komið í Dýrafjörð....
Meira

Minning: (Fá árinu 1990). Oddur Friðriksson rafvirkjameistari
Þann 1. febrúar sl. varð bráðkvaddur utan við hús sitt á Ísafirði Oddur Friðriksson, rafvirkjameistari og iðnskólakennari. Útför hans ferfram laugardaginn 10. febrúar. 
Oddur var meðal brautryðjenda á sviði rafvirkjunar á Vestfjörðum í hálfaöld, en á þeim tíma má segja, að hér sem víðar hafi rafiðnaður verið veigamikil undirstaða framfara, einkum í sjávarútvegi. Saga hans er saga íslensks alþýðumanns, sem þyrsti í að tileinka sér hina rómuðu, nýju tækni og tókst það með miklumágætum.

Minningarorð Björns Teitssonar á útfarardegi Odds Friðrikssonar 10. febrúar 1990....
Meira

Langavitleysa: 

Þegar áðurnefnd sameining sveitarfélaganna átti sér stað, var sveitarsjóður Auðkúluhrepps skrapaður innan og hver einasta króna sem fannst sett í vegasamgöngur. Jafn hátt framlag kom frá Vegagerðinni og Þingeyrarhreppi. Var þetta umtalsverð upphæð á þeirra tíma mælikvarða. 

Ýmsir erfiðir staðir innan sveitar og á aðliggjandi vegum voru lagfærðir, svo sem í Hrafnholum. Og vegurinn efst á Hrafnseyrarheiði var færður um set. Var það til mikilla bóta gagnvart snjómokstri og fleira. Af einhverjum ástæðum kallaði vinur okkar Hákon J. Sturluson, bóndi á Hjallkárseyri, þá framkvæmd Lönguvitleysu. Það skemmtilega nafn mun standa í náinni framtíð. 

...
Meira