Bátsmaðurinn staddur á toppi Rockefeller Center í New York í september 2008, korteri fyrir hrun.

Þær fréttir berast nú úr Dýrfirði, þar sem höfuðstöðvar svokallaðs Vestfjarðalista eru til húsa, að listinn sé nokkuð öruggur með fjóra menn inn í Alþingiskosningunum 28. október 2017. Baráttumál Vestfjarðalistans hafa vakið nokkra athygli undanfarið, en sum þeirra eru gamalkunn í þeim herbúðum. Það ættu elstu menn að muna. Við slógum því á þráðinn til Hallgríms Sveinssonar, sem er bátsmaður listans.

„Er þetta ekki bara einhver della, Hallgrímur?“

„Það er nú síður en svo. Í fréttum Stövar 2 um daginn, þar sem Spaugstofan var til húsa á tímabili, kom fram að Framsóknarflokkurinn væri nú kominn með 120% stuðning. Hluti af því væri svokallaður framvirkur stuðningur, á erlendu máli kallað Ambivalence, sem gerði það að verkum að flokkurinn væri kominn með fjóra til fimm menn örugga inn. Samkvæmt þessu lögmáli og kosningalögum að hluta, má þá segja, samkvæmt hinum mikla framvirka stuðningi við Vestfjarðalistann, að við séum nokkuð öruggir með 4 menn á landsvísu.“

„Hverju þakkar þú þennan mikla árangur, sem hvorki Capacent Gallup né Félagsvísindastofnun hafa mælt að séð verður?“

“Það eru auðvitað okkar góðu baráttumál, sem hinir listarnir virðast ýmist láta liggja í láginni eða hreyfa lítið sem ekki við.“

„Eins og til dæmis hver?“

„Ég segi ekki meir núna og nefni engin nöfn. Það verður gert eftir helgina eins og þeir segja fyrir sunnan, sagði Hallgrímur bátsmaður að lokum.“

   Bátsmaðurinn upplýsti þóað heróp Vestfjarðalistans verði Öxar við ána eftir Steingrím J. Thorsteinsson við lag eftir Helga Helgason lúðurþeytara.