Tuttugu manns fórust þegar snjóflóð féll úr Skollahvilft á byggðina á Flateyri við Önundarfjörð kl. 4.07 að nóttu þann 26. október 1995.
Strax eftir að flóðið féll tókst að bjarga sex mönnum á lífi og fjórum um hádegi. Hundruð manna tóku þátt í leit og björgun, en erfitt var að komast á staðinn vegna veðurs. 

„Mannskæðustu náttúruhamfarir á landinu í manna minnum,“ sagði Tíminn....
Meira

Guðmund­ur Eggerts­son fædd­ist að Sæ­bóli í Hauka­dal í Dýraf­irði 29. janú­ar 1928. Hann lést 16. októ­ber 2017 á hjúkr­un­ar­heim­il­inu Skóg­ar­bæ í Reykja­vík.

Guðmund­ur var son­ur hjón­anna Eggerts Guðmunds­son­ar, f. 10.1. 1883, d. 14.5. 1966, og Guðríðar Gests­dótt­ur, f. 11.9. 1897, d. 13.1. 1993.

Systkini hans eru Jón Þor­berg f. 7.10. 1922, Andrés Magnús, f. 20.10. 1929, og Her­dís, f. 5.9. 1932, d. 23.9. 2001.

31.desember 1955 gift­ist Guðmund­ur Idu El­viru Óskars­dótt­ur, f. 4.7. 1932, d. 26.4. 2001. Ida var yngsta barn hjón­anna Óskars Vil­helms Ols­bo, f. 4.4. 1870, d. 1.5. 1963, og El­viru Henriettu Ols­bo, f. 5.4. 1893, d. 18.1. 1966.

Börn Idu og Guðmund­ar eru: 

...
Meira

Þriðjudaginn 17. október sl. var opnuð sýning á verkum Dýrfirðingsins Kristins Péturssonar í sal Listasafns Ísafjarðar.
Sýningin er samvinnuverkefni Listasafnsins og Listasafns ASÍ. Á opnuninni fjallaði Jón Sigurpálsson um Kristinn og verk hans.

Kristinn fæddist 17. nóvember 1896 á Bakka í Hjarðardal í Dýrafirði.
Hann var snemma ákveðinn í því að leita sér mennta og hneigðist að myndlist þrátt fyrir erfið ytri skilyrði svo sem veikindi og takmarkaðan myndlistaraðgang. Að loknu kennaraprófi frá Kennaraskólanum sótti Kristinn tíma í teikningu hjá Þórarni B. Þorlákssyni og einnig Guðmundi Thorsteinssyni (Mugg) áður en hann hélt til Noregs 1923. Þar nam hann fyrst eitt ár við listiðnaðarskólann í Voss en komst þá inn í Listaakademíuna í Osló og lauk þaðan námi 1927. Í Noregi lagði Kristinn fyrst stund á höggmyndalist en snéri sér síðan að málverkinu og valdi þá framsækna deild Axel Revold. Kristinn kynnti sér líka grafík og vann eirstungur, fyrstur Íslendinga. Hann sótti nám til Parísar og Kaupmannahafnar, fór reglulega utan til þess að sjá helstu samtímalistviðburði auk þess að ferðast til að kynna sér listasöguna af eigin raun í Evrópu, Egyptalandi og Austurlöndum nær.

...
Meira

Karl Ottó Run­ólfs­son tón­skáld fædd­ist í Reykja­vík 24. október árið 1900. Hann var son­ur Run­ólfs Guðmunds­son­ar, sjó­manns og verka­manns í Reykja­vík, og k.h., Guðlaug­ar M. Guðmunds­dótt­ur hús­freyju.

Fyrri kona Karls var Mar­grét Kristjana Sig­urðardótt­ir sem lést korn­ung, 23 ára. Seinni kona Karls var Helga, dótt­ir Kristjáns Þorkels­son­ar, hrepp­stjóra í Álfs­nesi. 

Karl lærði prentiðn í Guten­berg, lauk svein­prófi 1918 og starfaði við prent­verk til 1925. Hann fór þá til Kaup­manna­hafn­ar, lærði þar á trom­pet hjá Lauritz Sör­en­sen, lærði á fiðlu hjá Axel Jörgensen og lærði að út­setja lög fyr­ir lúðrasveit­ir hjá Dyr­ing. Þá stundaði hann nám við Tón­list­ar­skól­ann í Reykja­vík 1934-39, lærði þar tón­smíðar hjá Frans Mixa og að út­setja lög fyr­ir hljóm­sveit­ir hjá Victor Ur­bancic.

Karl kenndi og stjórnaði Lúðrasveit Ísa­fjarðar 1920 og 1922-23

...
Meira

Frá útsendara vorum í Hafnarfirði, hinum gamla kvótagreifa Ólafi V. Þórðarsyni frá Auðkúlu í Auðkúluhreppi í Arnarfirði:

Hér kemur umbeðin kvótaskýrsla.

Þá er búið að breyta öllum aukategundum í þorskígildi, en þær eru að sjálfsögðu í litlum mæli yfirleitt.

...
Meira

Í síðustu viku voru grafnir 62,5 m í Dýrafjarðargöngum og göngin orðin 312,6 m að lengd. Eftir stíganda í greftrinum frá því að framkvæmdir hófust var heldur hægari gangur í síðustu viku samanborið við vikuna á undan. Það helgast af því að vikunni var byrjað á fyrsta útskoti ganganna.

Samkvæmt upplýsingum frá Vegagerðinni hefur nokkuð af vatni komið úr berginu undanfarið og því hafa verið boraðar drenholur í þekju til að leiða vatn úr berginu. Efni úr jarðgöngum hefur verið keyrt á haugsvæði og í fyllingar.

...
Meira

Sýningar á hinu áhrifamikla og vinsæla leikriti Gísli á Uppsölum hefjast að nýju nú í lok október. 

Nú þegar er búið að bóka sýningar vítt og breytt um landið. Leikurinn hefst fyrir vestan þaðan liggur leiðin suður og svo norður. Leikritið hefur fengið afskaplega góða dóma gagnrýnenda sem áhorfenda um land allt. Nú þegar hefur leikurinn verið sýndur 66 sinnum sem er allavega 50 sinnum meira en við reiknuðum með. Draumur okkar í Kómedíuleikhúsinu er að geta farið með Gísla á Uppsölum í öll þorp og bæji landsins. 24 eru sýningarstaðirnir orðnir í dag og á næstunni bætast enn fleiri staðir við. Kómedíuleikhúsið tekur öllum boðum vel og með miklum áhuga svo við hvetjum hið duglega hugsjónafólk sem starfar um land allt til eflingar eigin héraðs að hafa samband. 

Fyrsta sýning á Gísla á Uppsölum eftir stutt sýningarhlé verður á dvalarheimilinu Hlíf Ísafirði 24. október komandi. 

...
Meira

Ef þú átt eftir að lesa þessa bók, þá verður þú að hafa í huga að ég ætlaði að skrifa Góða Bók. Þannig hefst síðasta skáldsaga vestfirsku skáldkonunnar Jakobínu Sigurðardóttur, Í sama klefa. Það er varla hægt að byrja sögu betur en þetta. Strax á fyrstu setningu er athygli lesandans vakin. Þetta var einmitt einn af mörgum hæfileikum skáldkonunnar að grípa lesandann strax á fyrstu orðum. Jakobína Sigurðardóttir bóndastúlkan frá Hælavík er sannarlega einn af skáldsnillingum síðustu aldar hér á landi. En hver var hún?

Bókauppeldi

Fædd og uppalin í hinni afskekktu Hælavík á Hornströndum 18. júlí 1918. Frumburður sinna foreldra en síðan bættust ein 12 stykki við þar á meðal annað skáld nefnilega Fríða Á. Sigurðardóttir.
...
Meira