Fyrsti vetrardagur er laugardagurinn að lokinni 26. viku sumars (eða 27. viku sumars sé um sumarauka að ræða).

Hann er fyrsti dagur fyrsta vetrarmánaðarins Gormánaðar, í gamla norræna tímatalinu.

Fyrsta vetrardag ber upp á 21.-27. október, nema í rímspillisárum, þá 28. október.

 Í gamla stíl var vetrarkoman 10.-17. október ef miðað er við föstudag.

...
Meira

Ég keypti í gær vestur á Bíldudal þessa nýútkomnu bók, "Allt þetta fólk. Þormóðsslysið 18. febrúar 1943" eftir séra Jakob Ágúst Hjálmarsson. 

Strax heimkominn í gærkvöldi hóf ég að lesa hana og gat ekki lagt hana frá mér og lauk svo við hana í morgun. Hér er fjallað um þennan voðalega harmleik á nærgætinn og góðan hátt.

Þetta er nístandi lestur. Málið er mér skylt. Með Þormóði fórst Kristján Ásmundur Guðmundsson afabróðir minn ásamt Indíönu Jónsdóttur eiginkonu hans. Þau höfðu verið í gift í aðeins 14 mánuði og áttu lífið fyrir höndum sér.

Vestfirska forlagið gefur bókina út.


...
Meira

Vil­borg Davíðsdótt­ir rit­höf­und­ur er gest­ur ritþings hausts­ins í Gerðubergi. Ritþingið fer fram í dag, laug­ar­dag, kl. 14 til 16.30. Vil­borg hef­ur sent frá sér sjö skáld­sög­ur og eina sann­sögu. Í tengsl­um við þingið kem­ur út henn­ar átt­unda skáld­saga, Blóðug jörð.

Ritþing hafa verið haldið frá ár­inu 1999. Vil­borg mun sitja fyr­ir svör­um hjá Auði Aðal­steins­dótt­ur, stjórn­anda þings­ins, og spyrl­un­um Silju Aðal­steins­dótt­ur og Sverri Jak­obs­syni. Tónlist á þing­inu er í hönd­um Ragn­heiðar Grön­dal og Guðmund­ar Pét­urs­son­ar.

Eng­inn aðgangs­eyr­ir er á ritþingið sem er öll­um opið.

...
Meira

Opinn fundur trúnaðarráðs Verkalýðsfélags Vestfirðinga verður haldinn á Hótel Ísafirði mánudaginn 23. október 2017 kl.18:30.

Boðið verður upp á ekta íslenska kjötsúpu.

Dagskrá.

...
Meira

Út er komin bók um Þormóðsslysið eftir sr Jakob Hjálmarsson fyrrverandi sóknarprest á Ísafirði. Þormóðru BA 291 fórst fyrir rúmum sjötíu árum, þann 18. febrúar 1943. 

Í upphafsorðum bókarinnar segir að Þormóðsslysið sé mesta blóðtaka sem nokkurt íslenskt byggðarlag hafi orðið fyrir. Með skipinu fórust 31 þar af voru 22 úr Arnarfirði. „Líf heils byggðarsamfélags og flestra fjölskyldna þar gjörbreyttist og bar merki þess uppfrá því. Einstaklingar lifðu í skugga þess og báru á sál sinni undir sem aldrei greru um heilt“ segir sr. Jakob Hjálmarsson sem er frá Bíldudal, byggðarlaginu sem varð fyrir þessu áfalli. Faðir sr. Jakobs missti báða foreldra sína í slysinu og sorgin því knúði dyra á heimilinu eins og mörgum öðrum húsum á Bíldudal. Fimmtíu og sex börn misstu föður sinn í slysinu og allir misstu alla einhvern veginn eins og sr, Hjálmar orðar það. 

Sr. Jón Kr. Ísfeld sóknarprestur á Hrafnseyri var fenginn til þess að ganga í hús á Bíldudal og fór hann hús úr húsi og færði fólki ótíðindin....
Meira

Bjarni Páls­son, fv. skóla­stjóri Núps­skóla í Dýraf­irði og fram­halds­skóla­kenn­ari í Garðabæ, fædd­ist í Reykja­vík 18. júlí 1936. Hann lést 3. októ­ber 2017.

Bjarni var son­ur Önnu Árna­dótt­ur hús­móður frá Stóra-Hrauni, f. 26. júlí 1901, d. 29. fe­brú­ar 1996, og Páls Geirs Þor­bergs­son­ar, verk­stjóra, frá Syðri Hraun­dal, f. 29. júní 1894, d. 17. maí 1979. Systkini hans eru Anna María Elísa­bet, hús­móðir, f. 8. sept­em­ber 1925, d. 19. októ­ber 1974, og Árni, fv. sókn­ar­prest­ur í Kópa­vogi, f. 9. júní 1927, d. 16. sept­em­ber 2016.

Bjarni lauk stúd­ents­prófi frá Mennta­skól­an­um í Reykja­vík 1958 og hlaut síðar kennslu­rétt­indi sem fram­halds­skóla­kenn­ari. Fram­an af sinnti hann ýms­um störf­um, meðal ann­ars hjá bíla­leig­unni Fal í Reykja­vík, við kennslu í Nes­kaupstað og við Gagn­fræðaskól­ann við Lind­ar­götu.

Bjarni var kenn­ari og síðar skóla­stjóri Núps­skóla í Dýraf­irði frá 1960-1961 og 1968-1981. Hann var kenn­ari við Fjöl­brauta­skóla Garðabæj­ar frá stofn­un skól­ans, þar til hann lét af störf­um vegna ald­urs árið 2001. Bjarni sinnti einnig bók­halds­vinnu og ráðgjöf fyr­ir ýmsa aðila allt til dán­ar­dags.

...
Meira

Íslenskur flugmaður, sem staddur er í Budapest, sendi mér mynd af Antonov 2 flugvél sem er í eigu flugvallarstjórans þar og vekur mikla athygli.

   Antonov 2 var stærsta einshreyfilsvél sem framleidd hafði verið og var mikið notuð við áburðardreifingu og eins við fallhlífarstökk. Hún notar stuttar brautir og lendir því á litlum hraða.

    Ég var fljótur að svara og sagði honum að það væri ein slík flugvél fyrir vestan á safninu á Hnjóti og hér er mynd af mér og Agli heitnum Ólafssyni fv. safnstjóra við þessa Antonov 2 flugvél. Já það má finna ýmislegt fyrir vestan!

...
Meira

Það var uppselt á vel heppnaðri frumsýningu á Auði djúpúðgu á laugardaginn 14. október sl. í Landnámssetrinu í Borgarnesi.

Vilborg Davíðsdóttir fékk frábærar móttökur og verður með fleiri sýningar á Sögulofti Landnámsseturs næstu helgar.

Finnið ykkar sýningu á www.landnam.is/vidburdir

...
Meira