A A A
  • 1935 - Soffía Einarsdóttir
25.10.2017 - 06:44 | Vestfirska forlagið,Safnahúsið á Ísafirði,Hallgrímur Sveinsson,Björn Ingi Bjarnason

Sýning á verkum Dýrfirðingsins Kristins Péturssonar

Ein af myndum á sýningunni er kunnugleg fyrir Önfirðinga.
Ein af myndum á sýningunni er kunnugleg fyrir Önfirðinga.
« 1 af 2 »

Þriðjudaginn 17. október sl. var opnuð sýning á verkum Dýrfirðingsins Kristins Péturssonar í sal Listasafns Ísafjarðar.

Sýningin er samvinnuverkefni Listasafnsins og Listasafns ASÍ. Á opnuninni fjallaði Jón Sigurpálsson um Kristinn og verk hans.

Kristinn fæddist 17. nóvember 1896 á Bakka í Hjarðardal í Dýrafirði.

Hann var snemma ákveðinn í því að leita sér mennta og hneigðist að myndlist þrátt fyrir erfið ytri skilyrði svo sem veikindi og takmarkaðan myndlistaraðgang. Að loknu kennaraprófi frá Kennaraskólanum sótti Kristinn tíma í teikningu hjá Þórarni B. Þorlákssyni og einnig Guðmundi Thorsteinssyni (Mugg) áður en hann hélt til Noregs 1923. Þar nam hann fyrst eitt ár við listiðnaðarskólann í Voss en komst þá inn í Listaakademíuna í Osló og lauk þaðan námi 1927. Í Noregi lagði Kristinn fyrst stund á höggmyndalist en snéri sér síðan að málverkinu og valdi þá framsækna deild Axel Revold. Kristinn kynnti sér líka grafík og vann eirstungur, fyrstur Íslendinga. Hann sótti nám til Parísar og Kaupmannahafnar, fór reglulega utan til þess að sjá helstu samtímalistviðburði auk þess að ferðast til að kynna sér listasöguna af eigin raun í Evrópu, Egyptalandi og Austurlöndum nær.

Kristinn settist að í Hveragerði árið 1940 líkt og fleiri listamenn á þeim tíma.  Þar hélt hann sína síðustu sýningu árið 1945 en eftir það hélt hann sig til hlés og vann að verkum sínum í kyrrþey. Allnokkurt safn málverka og teikninga liggur eftir Kristin, en síðustu skúlptúrar hans – ef til vill þau verk sem helst myndu vekja forvitni í dag – eru með öllu horfnir. Stærsta safn verka hans er í eigu Listasafns ASÍ. 

Kristinn lést árið 1981.

Sýningin er opin á opnunartíma Safnahússins kl.  1 - 6 virka daga og 1- 4 á laugardögum.
Hún stendur frá 17.10 -18.11 2017. 


« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31