Þor­varður Kjer­úlf Þor­steins­son fædd­ist á Eg­ils­stöðum 24. nóvember 1917. For­eldr­ar hans voru Þor­steinn Jóns­son, kaup­fé­lags­stjóri Kaup­fé­lags Héraðsbúa í Her­mes á Reyðarf­irði, og Sig­ríður Þor­varðardótt­ir Kjer­úlf, hús­freyja í Her­mes.

Þor­steinn var son­ur Jóns Bergs­son­ar, bónda, kaup­manns, pósts- og sím­stöðvar­stjóra og loks kaup­fé­lags­stjóra á Eg­ils­stöðum, og k.h., Mar­grét­ar Pét­urs­dótt­ur hús­freyju.

Sig­ríður var dótt­ir Þor­varðar Andrés­son­ar Kjer­úlf, lækn­is og alþing­is­manns á Ormars­stöðum í Fell­um, og s.k.h., Guðríðar Ólafs­dótt­ur Hjaltested hús­freyju. Seinni maður henn­ar og stjúp­faðir Sig­ríðar var Magnús Blön­dal Jóns­son, prest­ur í Valla­nesi.

Þor­varður var bróðir Þor­geirs, lög­reglu­stjóra á Kefla­vík­ur­flug­velli, föður Her­dís­ar fyrr­ver­andi for­setafram­bjóðanda, og bróðir Jóns, föður Ei­ríks Jóns­son­ar fjöl­miðlamanns.

 

...
Meira

Nýtt met var slegið í vikunni þegar grafnir voru 75,2 m á einni viku og að auki fór lengd ganganna yfir 500 m markið. Heildarlengd ganganna í lok viku 46 var 529,3 m sem er 10,0% af heildarlengd ganganna.

Bergið var að springa vel og göng nokkuð þurr á þeim kafla sem unnið var á þessa vikuna.

Efni úr göngum var að miklu leyti keyrt í vegfyllingu sem nær nú 360 m út frá fyrirhuguðum enda  gangamunna, hins vegar á enn eftir að hækka veginn um nokkra metra.

...
Meira

Hér kemur einn góður úr bókinni 100 Vestfirskar gamansögur. Hún er nýkomin út og fæst í bókaverslunum um land allt. Svona voru stjórnmálafundirnir skemmtilegir hjá okkur “í gamla daga.“

Sigurður Bjarnason frá Vigur var um langa hríð þingmaður Norður-Ísfirðinga og átti hann tryggt fylgi Djúpmanna um áratuga skeið. Eitt sinn bauð Friðfinnur Ólafsson (Friðfinnur í Háskólabíó) sig fram á móti Sigurði fyrir Alþýðuflokkinn. Friðfinnur var frá Strandseljum í Ögursveit og því sveitungi Sigurðar. Hann var ekki hættulegur mótframbjóðandi en gerði þingmanninum afar gramt í geði og lífið leitt á framboðsfundum.

...
Meira

Félagarnir Jóhannes Kristjánsson og Guðni Ágústsson, eða eftirherman og orginallinn, hafa verið á þönum um landið undanfarna mánuði og verið glatt á hjalla hvar sem þeir hafa komið. Þeir eru með óskir um að koma aftur í sum pláss. 
Guðni segir að á dögunum hafi þeir verið í Valaskjálf á Egilsstöðum. Þar hafi verið fullur salur, eða 200 manns, og þannig sé þetta gríðarleg aðsókn.

„Við erum í mikilli eftirspurn og fólk vill fá okkur í héruðin, enda á Jóhannes 40 ára leiklistarafmæli. Hann hefur skemmt með eftirhermum og gamansögum í hverju einasta félagsheimili. Nú förum við saman eins og bræður og segjum sögur og Jóhannes hermir eftir þjóðþekktum mönnum. Hann er magnaður og auðvitað einstakur skemmtikraftur að þessu leyti, hann nánast holdgervist, verður eins og karakterinn sem hann hefur tekið að sér, þetta kemur vel fram á sýningunum hjá okkur,“ segir Guðni.

...
Meira

Þessa dagana er bókin Vestfirðingar til sjós og lands að koma úr prentvélunum í Leturprenti. Í henni eru ýmsar merkilegar frásagnir af Vestfirðinugm fyrr og síðar. 
Til dæmis þessi:

Þingeyrarhreppur - Útvegur Þórarins Vagnssonar

Þórarinn Vagnsson í Hrauni í Keldudal í Dýrafirði átti eitt sinn árabát og gerði hann út frá Fjallaskaga. Sá bátur hét Hlín. Það var á fyrri búskaparárum hans. Hann var sjálfur formaður á bátnum með háseta undir sinni stjórn og var heppinn formaður, lánaðist vel hjá honum útgerðin. Svo ólánlega vildi til að í einhverju veðrinu fauk báturinn hjá honum og sást aldrei meir.

   Löngu seinna eignaðist hann bát sem Kristján Jakobsson í Höfn hafði keypt af Guðmundi Benónýssyni á Gerðhömrum og hafði verið smíðaður einhversstaðar norður á Ströndum og hef ég grun um að það hafi verið einhver Stígurinn eða Falurinn sem hann smíðaði. Af því fékk hann nafnið og var kallaður Strendingur. Þórarinn átti þann bát í nokkur ár og bar hann beinin inn í Haukadal.

...
Meira

Loksins og þar kom að því. Kvikmyndin Útlaginn verður sýnd heima hjá Gísla, á söguslóðum á Gíslastöðum Haukadal miðvikudaginn 22. nóvember 2017 kl. 20:00 - 22:00. 
Búið er að endurvinna bæði hljóð og mynd. Þetta verður einstök bíóstund með Gísla Súra.
Miðaverð aðeins: 1.500.-kr. Víkingapopp innifalið. 
Ókeypis fyrir grunnskólanema.

Bíóstjóri Kristján Gunnarsson frá Hofi....
Meira

Jóhann fæddist í Vík í Mýrdal 19. nóvember 1902, sonur Ólafs Arinbjarnarsonar, verslunarstjóra í Vík og útgerðarmanns í Vestmannaeyjum, og k.h., Sigríðar Eyþórsdóttur húsfreyju.

Foreldrar Ólafs voru Arinbjörn Ólafsson, bóndi og útgerðarmaður í Tjarnarkoti í Innri-Njarðvík, og Kristín Björnsdóttir, f. Beck. Sigríður var systir Ásgeirs, föður Ásgeirs forseta og Ragnars ráðunautar, föður Úlfs læknis. Systir Sigríðar var Jóhanna, móðir Eyþórs Gunnarssonar, háls-, nef- og eyrnalæknis, föður Gunnars fréttamanns, föður Eyþórs tónlistarmanns.

Sigríður var dóttir Eyþórs Felixsonar, kaupmanns í Reykjavík, og Kristínar Grímsdóttur húsfreyju.

Jóhann lauk stúdentsprófi frá MR 1923, embættisprófi í lögfræði frá HÍ 1927 og öðlaðist hrl.-réttindi 1968.

...
Meira

Í dag, 16. nóvember 2017, á degi ís­lenskr­ar tungu, eru 210 ár frá fæðingu Jónas­ar Hall­gríms­son­ar. Hann fædd­ist á Hrauni í Öxna­dal, son­ur Hall­gríms Þor­steins­son­ar, aðstoðarprests séra Jóns Þor­láks­son­ar, skálds á Bæg­isá, og Rann­veig­ar Jóns­dótt­ur af Hvassa­fell­sætt. Er Jón­as var átta ára drukknaði faðir hans.

Jón­as lauk stúd­ents­prófi frá Bessastaðaskóla 1829, sigldi til Kaup­manna­hafn­ar 1832, hóf laga­nám en söðlaði fljót­lega um, hóf nám í nátt­úru­fræði og lauk próf­um í nátt­úru­fræði (steina­fræði og jarðfræði) við Hafn­ar­há­skóla 1838.

Jón­as stofnaði árs­ritið Fjölni árið 1835, ásamt Brynj­ólfi Pét­urs­syni, Kon­ráð Gísla­syni og Tóm­asi Sæ­munds­syni. Mark­mið Fjöln­is var að blása í þjóðfrels­is­glóð hníp­inn­ar þjóðar, minna hana á sínu fornu frægð og upp­lýsa hana um það besta í skáld­skap og vís­ind­um álf­unn­ar. Ljóð Jónas­ar, Íslands far­sæld­ar frón, sem er grísk­ur fimmliðahátt­ur, birt­ist í fyrsta ár­gangi Fjöln­is sem nokk­urs kon­ar stefnu­skrá hans.

...
Meira