A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
03.06.2009 - 10:51 | bb.is

Vilja Magnús Sæmundsson sem skólastjóra

Grunnskólinn á Þingeyri.
Grunnskólinn á Þingeyri.
Fræðslunefnd Ísafjarðarbæjar hefur lagt við bæjarstjórn Ísafjarðarbæjar að Magnús Sæmundsson verði ráðinn í starf skólastjóra við Grunnskólann á Þingeyri. Umsóknarfrestur um stöðu skólastjóra við Grunnskólann á Þingeyri rann út 20. maí sl. Tvær umsóknir bárust, en þær voru frá Magnúsi Sæmundssyni, Borgarfirði og Jóhannesi Guðbjörnssyni, Reykjavík. Bogi Ragnarsson lét nýverið af störfum sem skólastjóri við GÞ, en hann sagði uppsögnina vera af persónulegum ástæðum.
03.06.2009 - 10:50 | bb.is

Fá 55 þúsund króna sumaruppbót

Fiskvinnsla Vísis á Þingeyri.
Fiskvinnsla Vísis á Þingeyri.
Fiskvinnslufyrirtækið Vísir hf. á Þingeyri hefur ákveðið að greiða öllum starfsmönnum sínum í landi 55 þúsund króna sumaruppbót, miðað við fullt starf þann 11. júní. Um 200 manns vinna hjá fyrirtækinu í fjórum vinnslum sem eru í Grindavík, í Djúpavogi, á Húsavík og á Þingeyri. Ástæða þessarar uppbótar er að fyrirtækinu hefur tekist hafi að mæta krefjandi rekstrarumhverfi með samvinnu og samstilltu átaki allra starfsmanna. Tryggð starfsmanna og vilji til góðra verka verði áfram afl sem félagið byggir á.
Hreinn Ísafjarðarbær er betri Ísafjarðarbær.
Hreinn Ísafjarðarbær er betri Ísafjarðarbær.
Hreinsunarátak verður í Ísafjarðarbæ á þriðjudag og miðvikudag. Íbúar sveitarfélagsins eru vinsamlegast beðnir um að taka þátt með því að snyrta sitt nánasta umhverfi og skilja sorp eftir á götunni fyrir framan heimili sín þar sem starfsmenn bæjarins munu hirða það upp. Mikilvægt er að fólk hafi komið sorppokunum út fyrir klukkan 8 að morgni þriðjudags. „Sumarið gengur nú í garð og er gott að geta tekið á móti sólinni með hreinum götum og vel hirtum görðum. Nýtum því tækifærið og tökum þátt. Ef allir leggjast á eitt og tína það rusl sem þeir sjá, hvort sem það er eftir þá sjálfa eða aðra, er hægt að ná góðum árangri með lítilli fyrirhöfn. Umgengni lýsir innri manni og hreinn bær er betri bær", segir í tilkynningu.
30.05.2009 - 23:26 | Tilkynning

Hátíðar- og fermingarmessur um hvítasunnuna

Þingeyrarkirkja. Mynd: sr. Guðrún Edda Gunnarsdóttir
Þingeyrarkirkja. Mynd: sr. Guðrún Edda Gunnarsdóttir
Hvítasunnudagur 31.maí:

kl. 11.00 verður hátíðar- og fermingarmessa í Þingeyrarkirkju. Fermingarbörn eru Arnar Logi Hákonarson, Fjarðargötu 46 og Guðmundur Ragnarsson, Aðalstræti 51.

 

kl. 16.00 verður hátíðar- og fermingarmessa í Núpskirkju. Fermingarbarn er Nína Rún Arnfjörð Sigurðardóttir.

27.05.2009 - 23:32 | Tilkynning

Strandblaksvöllurinn gerður klár fyrir sumarið

Strandblaksvöllurinn
Strandblaksvöllurinn
Nú er kominn tími á að koma strandblaksvellinum í stand fyrir sumarið. Ætlunin er að mæta með hrífur og önnur tilheyrandi áhöld fyrir framan íþróttahúsið kl.20 í kvöld og taka til hendinni. Blakáhugamenn og aðrir velunnarar eru eindregið hvattir til að mæta - margar hendur vinna létt verk!

Kveðja, Höfrungur

27.05.2009 - 23:30 | JÓH

Hnúfubakur í Dýrafirði

Hnúfubakurinn í firðinum í gær. Myndina tók Davíð Davíðsson
Hnúfubakurinn í firðinum í gær. Myndina tók Davíð Davíðsson
Hnúfubakur hefur verið á svamli í Dýrafirðinum síðan í gær. Hann er eflaust í ætisleit því hann hefur synt fram og til baka með tilheyrandi blæstri og sporðaköstum. Hvalurinn hefur verið langt inn á firði - sést frá Gemlufalli og innundir Höfðaodda en í kvöld hefur hann verið að færa sig utar í fjörðinn. Davíð Davíðsson náði myndum af Hnúfubaknum í gær og þær eru komnar á myndasíðu Þingeyrarvefsins.
Sigmundarbúð hefur tekið miklum stakkaskiptum undanfarin misseri.Mynd: Sigmundur Þórðarson.
Sigmundarbúð hefur tekið miklum stakkaskiptum undanfarin misseri.Mynd: Sigmundur Þórðarson.
Stefnt er að því að kaffihús verði opnað í Sigmundarbúð á Þingeyri þann 13. júní. „Við erum að ganga frá ýmsum hlutum og stefnum að því að geta opnað kaffihúsið á settum tíma. Seinna ætlum við líka að gera upp kjallarann og koma þar upp baraðstöðu. Það verður samt ekki á þessu ári", segir Wouter Van Hoeymissen sem unnið hefur að endurbótunum á fjórða ár. „Það tók lengri tíma en ég bjóst við að gera húsið upp en við erum að vinna að því með húsafriðunarnefnd og allt er í upprunalegri mynd. Þetta hefur verið vandaverk sem tekið hefur sinn tíma", segir Wouter......
Meira
26.05.2009 - 23:35 | bb.is

Bogi hættir sem skólastjóri

Grunnskólinn á Þingeyri.
Grunnskólinn á Þingeyri.
Bogi Ragnarsson, skólastjóri Grunnskólans á Þingeyri, sagði starfi sínu lausu þann 30. apríl s.l. en Bogi tók við stöðunni s.l. haust af Ellert Erni Erlingssyni, sem hafði þá sinnt skólastjórastöðunni frá því í júlí 2003. Fræðslunefnd Ísafjarðarbæjar þakkar Boga vel unnin störf og óskar honum velfarnaðar í nýju starfi.
Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31