Reiðnámskeið fyrir börn á grunnskólaaldri. Kennt verður í reiðhöllinni og /eða í kennslugerði á Söndum í Dýrafirði e. hádegi og er hver kennslustund 1 klst. Kennt verður 5 daga í senn frá mánudegi til föstudags; 8. júní til 12. júní og 15. júní til 20. júní (frí 17. júní en kennt á laugardegi 20. júní staðinn).

 

Verð: 5 daga námskeið kr. 7.000, 10 daga námskeið kr. 12.000,- Hámark í hverjum hópi eru 5 nemendur. Allir nemendur fá hest, reiðtygi og öryggishjálm...

...
Meira

Núna er undirbúningur fyrir Dýrafjarðardaga í fullum gangi.
Fjölbreytt dagskrá við allra hæfi

Ingó og Veðurguðirnir munu skemmta í grillveislu og spila á dansleik
Setning í reiðhöll, Karlakórinn Ernir
Íþróttafélagið Höfrungur sér um sýningar á leikritinu Dragedukken (tvær sýningar á fim. 2. júlí og tvær sýningar föst. 3 júlí)
Grillveislan góða með tilheyrandi glans og góðu veðri
Leik- og listasýningin„Einstök sýning" í Haukadal
Hörputónleikar í kirkjunnni á föstudagskvöldinu
Súpa í garði
Listasýningar
Sundlaugardiskó
Strandblaksmót
Hoppikatalar, sölubásar, andlitsmáling, víkingar, hestaferðir, kassabílarallý, bátsferðir og margt fl...

...
Meira

Nú stendur til að kaupa íþróttagalla merkta íþróttafélaginu Höfrungi - ef áhugi er fyrir hendi. Gallarnir sem um ræðir eru frá Jako og eru heilgallar, fáanlegir í barna- og fullorðinsstærðum. Verðið á þeim er 7- 9 þúsund krónur en verður vonandi eitthvað lægra eftir því hversu margir panta. Höfrungsmerkið verður á treyjunni og hugsanlega buxunum líka, ásamt auglýsingum frá styrktaraðilum. Áhugasömum er bent á að hafa samband við Eyrúnu Hörpu í s. 861-8475 eða eyrunharpa@simnet.is.

Glámumót Golfklúbbsins Glámu fer fram á Meðaldalsvelli í Dýrafirði kl 9 á sunnudag. Keppnisfyrirkomulag er 18 holu punktakeppni með forgjöf. Veitt verða verðlaun fyrir 1. -3. sæti. Þátttökugjald er 1500 krónur. DK hugbúnaður í Kópavogi styrkir mótið. Aðeins þeir sem hafa gilda forgjöf geta unnið til verðlauna. Skráning er á golf.is eða í síma 896 2879. Mótanefnd áskilur sér rétt til breytinga á mótaskrá ef þörf krefur.

Vortónleikar tónlistarnema á Þingeyri fóru fram í félagsheimili þorpsins á þriðjudag. Á tónleikunum komu fram 20 tónlistarnemar og léku á píanó, hljómborð, harmóníku, fiðlu, gítar, bassa og trommur auk þess sem sönghópur kom fram. Nemendurnir voru á ýmsum aldri, allt frá grunnskóla og fram á sjötugsaldur enda þekkir tónlistin engin aldurstakmörk. Í lok tónleikanna léku allir nemendurnir saman lagið Maístjarnan og síðan sungu allir saman, áheyrendur og flytjendur, sumarlagið nú er sumar. Félagsheimilið var þétt setið áhugasömum og ánægðum áheyrendum. Tónlistarkennararnir Raivo og Krista Sildoja höfðu veg og vanda af öllum undirbúningi hinnar metnaðarfullu dagskrár. Þau hafa nú fengið ársleyfi frá störfum og munu dvelja í Eistlandi næsta vetur.

Knattspyrnuskóli Íslands verður haldinn á Þingeyri við Dýrafjörð dagana 8.-12. júlí. Skólinn er ætlaður öllum knattspyrnuiðkendum, strákum og stelpu, á aldrinum 11-17 ára, þ.e. fædd 1992-1998. Markmiðið er að bjóða knattspyrnuiðkendum á Vestfjörðum upp á úrvals knattspyrnuskóla á svæðinu. Í skólanum er kennd tækni, taktík og gildi rétts hugarfars. Skólinn verður settur í Grunnskólanum á Þingeyri kl. 14 miðvikudaginn 8. júlí. Kennslan er í höndum reyndra þjálfara og íþróttakennara en skólastjóri er Bjarni Stefán Konráðsson, íþróttafræðingur og knattspyrnuþjálfari. Knattspyrnuskóli Íslands hafi verið starfræktur í meira en áratug á Sauðárkróki við góðan orðstír....
Meira

Um síðastliðna páska fékk undirrituð að fara með í ansi skemmtilegt ferðalag í Haukadalsbótina með Hafsteini Aðalsteinssyni, einum umsjónarmanni fiskeldiskvíarinnar sem Dýrfiskur ehf. gerir út. Tilgangur ferðalagsins var að gefa regnbogasilungunum, þeim 30 - 40 þúsundum sem eru í kvínni, fóðrið sitt. Silungarnir fá kögglafóður daglega þar sem uppistaðan er mest megnis loðnumjöl og vítamín, og borða um og yfir 50 kg. á dag. Enda veitir ekki af, vonir standa til að fiskarnir fari í slátrun seinni part sumars. En það er fleira sem þarf að gera en að gefa þeim að borða. Það þarf að mæla sjóndýpt og hitastig vatnsins, og hirða þá silunga sem hafa gefist upp. Þeir voru reyndar ekki margir í þetta skiptið og eru yfirleitt ekki, þeir virðast dafna ansi vel í söltum sjó.

Fleiri myndir af eldiskvínni eru í myndaalbúminu

Vormót Golfklúbbsins Glámu á Þingeyri verður haldið á Meðaldalsvelli kl. 10 á sunnudag. Keppnisfyrirkomulag er 18 holu punktakeppni með forgjöf. Veitt verða verðlaun fyrir 1. -3. sæti en í verðlaun eru vegleg gjafabréf frá Golfbúðinni í Hafnarfirði. Þátttökugjald er 1500 krónur og geta aðeins þeir sem hafa gilda forgjöf, unnið til verðlauna. Skráning er á golf.is eða í síma 896 2879.