A A A
  • 1941 - Sandra Jóhannsdóttir
  • 1944 - Mįlfrķšur Vagnsdóttir
19.06.2008 - 00:30 | bb.is

Fjölmenni į Hrafnseyri

Vind lęgši er į leiš. Mynd: Pįll Önundarson.
Vind lęgši er į leiš. Mynd: Pįll Önundarson.
Hátíðarhöld á Hrafnseyri við Arnarfjörð gengu ljómandi vel. Mikið fjölmenni lagði leið sína á fæðingastað Jóns Sigurðssonar forseta, en talið er að á fjórða hundrað gesta hafi verið á Hrafnseyri. Dagskráin hófst á messu þar sem séra Karl Sigurbjörnsson biskup predikaði. „Kapellan var yfirfull og fólk hlustaði á messu jafnt inni sem úti", segir Valdimar Halldórsson, staðarhaldari á Hrafnseyri. „Því næst flutti Sólveig Pétursdóttir hátíðarræðu. Þar á eftir lægði vindinn svo við gátum farið með skemmtiatriðin út á pall sem áhorfendur tóku mjög vel."...
Meira
Mikil įnęgja er meš reišnįmskeiš Storms.
Mikil įnęgja er meš reišnįmskeiš Storms.
Fyrra reiðnámskeiði sumarsins hjá Hestamannafélaginu Stormi lauk á sunnudag, en það er ætlað börnum og óvönum. Kennt var í reiðhöllinni á Söndum í Dýrafirði. Fullt var á námskeiðinu en alls voru þátttakendur 25 talsins og kennt í fimm hópum. Mikil ánægja var með námskeiðið og að því er fram kemur í tilkynningu er hægt að fullyrða að þarna hafi hestamenn framtíðarinnar verið á ferð. Síðasta daginn fóru allir knaparnir í útreiðartúr um Sanda og fengu hressingu á áningarstað. Seinna reiðnámskeiðið hefst 10. júlí og því lýkur 15.júlí en aðeins örfá pláss eru laus á það. Því má með sanni segja að mikill áhugi sé á hestamennskunni og bjartir tímar framundan. Kennari á námskeiðunum er Guðrún Astrid Elvarsdóttir.
16.06.2008 - 00:33 | Tilkynning

Fastir lišir į 17. jśnķ

Söngvarakeppnin fer fram ķ Félagsheimilinu annaš kvöld.
Söngvarakeppnin fer fram ķ Félagsheimilinu annaš kvöld.
Á morgun fara fram nokkrir fastir liðir á Þingeyri sem fylgja þjóðhátíðardegnium 17. júní.

Klukkan 09:30 fer fram gróðursetning á Þingeyrarodda.

Klukkan 11:00 hefst Víðavangshlaup Höfrungs. Hlaupið frá íþróttahúsinu um götur bæjarins. Skráning frá klukkan 10:30-10:50 við íþróttahúsið. Mislangar vegalengdir eftir aldri.

Klukkan 20:00 hefst Söngvarakeppni Höfrungs í Félagsheimilinu á Þingeyri. Krista Sildoja sér um undirleikinn. Skráning verður á staðnum en einnig er hægt að skrá sig hjá Guðrúnu Snæbjörgu í síma 866-4269

Allir þessir viðburðir eru fyrir konur og karla á öllum aldri og eru Dýrfirðingar og nærsveitungar hvattir til að fjölmenna.

Sjáumst á morgun!
Höfrungur

11.06.2008 - 00:34 | bb.is

Fyrsta söguskiltiš afhjśpaš

Į Gemlufallsheiši kl. 15:00.
Į Gemlufallsheiši kl. 15:00.
Fyrsta söguskiltið af ellefu sem byggt er á Gísla sögu Súrssonar verður afhjúpað í Dýrafirði kl. 15 á morgun. Skiltið verður afhúpað á Gemlufallsheiði á þeim stað er Vésteinn mælti þau fleygu orð „Nú falla vötn öll til Dýrafjarðar". Á næstu dögum og vikum verða önnur sambærileg skilti sett upp við þjóðveginn á Vestfjörðum, allt frá Önundarfirði suður í Reykhólasveit. Skiltunum sem eru myndskreytt og með texta á þremur tungumálum er ætlað að minna á staðbundna merka atburði úr sögunni. Við hvert skilti standa tréskúlptúrar í víkingastíl. Markmið þessa verkefnis, sem hefur verið í undirbúningi í nokkur ár, er að styrkja stöðu Vestfjarða sem sögusvæði á sviði menningartengdrar ferðaþjónustu.
10.06.2008 - 00:35 | Tilkynning

Nś falla vötn öll til Dżrafjaršar

Víkingar eru nú að undirbúa sig fyrir Dýrafjarðardagana og er saumaskapur hafinn á víkingafatnaði. Víkingakonan Nille Glæsel frá Lófóten í Noregi er væntanleg 25. júní og verður með námskeið í skógerðinni. Ennþá eru laus sæti á námskeiðin og þurfa þeir sem ætla að nýta sér þau að skrá sig sem allra fyrst hjá Borgnýju í síma: 893-8653. Heimasíða Nille er www.vikingdrakt.no. Saumanámskeiðið er á mánudagskvöldum. Þar er einnig hægt að nálgast hörefni milli klukkan 20:00 og 22:00.
Með víkingakveðju

Borgný Gunnarsdóttir

08.06.2008 - 00:37 | Tilkynning

Leikjanįmskeiš Höfrungs hefst į morgun

Leikjanámskeið Höfrungs hefst á morgun, mánudaginn 9.júní og skiptist í 3 námskeið. Hvert námskeið stendur í tvær vikur.

1. námskeið hefst 9. júní - 20. júní.
2. námskeið hefst 23. júní - 4. júlí.
3. námskeið hefst 7. júlí - 18. júlí.

 

Námskeiðið er einn og hálfur tími í senn og skiptist þannig:
6-8 ára kl. 9.00 - 10.30
9-15* ára kl. 10.30 - 12.00 *ath. breyting frá 10/6.

 

Munið að taka með ykkur hollt og gott nesti. Mæting og skráning verður við Grunnskólann á Þingeyri.

06.06.2008 - 00:38 | eöe

Skólaslit Grunnskólans į Žingeyri

Skólaslit Grunnskólans á Þingeyri fóru fram í Þingeyrarkirkju í gær, 5. júní. Dagskráin var með hefðbundnu sniði, afhending vitnisburða og viðurkenninga til nemenda.

Viðurkenningar á skólaslitum í ár hlutu;
Fyrir góðan námsárangur í textílmennt í 7. bekk; Davíð Sighvatsson.
Fyrir góðan námsárangur í smíði í 7. bekk; Arnar Logi Hákonarson.
Fyrir góðan námsárangur í 8. bekk; Sigríður Hlín Jónsdóttir.
Fyrir góðan námsárangur í 9. bekk; Klara Alexandra Birgisdóttir.
Fyrir góðan námsárangur í 10. bekk og fyrir góðan námsárangur í dönsku; Fríða Dögg Ragnarsdóttir.
Fyrir mestu framfarir í 8.-10. bekk; Maciej Sierzputowsky í 8. bekk.
Fyrir störf í nemendaráði; Fríða Dögg Ragnarsdóttir.


Aron Ásbjörn flutti kveðjuræðu 10. bekkinga.

...
Meira
05.06.2008 - 00:41 | eöe

Gestir į vélfįkum ķ Dżrafirši

Nú þegar sumarið er almennilega gengið í garð fjölgar ferðalöngum og gestum í Dýrafirði. S.l. sunnudag, sjómannadag urðu Dýrfirðingar varir við ferðalanga á sex fjórhjólum og einu sexhjóli. Hjólagarparnir sem koma frá suðvestur horni landsins tóku hjólin af kerrum í Búðardal og óku áleiðis á NV-Vestfirði. Þegar Þingeyrarvefurinn rakst á hópinn við sjoppuna á Þingeyri voru þeir nýkomnir í bæinn eftir akstur út fyrir nes, þ.e. frá Arnarfirði yfir í Dýrafjörð. Hópurin leitaðist eftir því að aka sem mest eftir (gömlum) malarvegum og malarslóðum og fengu m.a. góð ráð frá Gunnari Gísla gröfumeistara, á sjoppuplaninu í leit af krefjandi akstursleiðum. Upphaflega fóru níu garpar af stað sl. fimmtudag en tveir snéru aftur heim til Selfossar í kjölfar jarðskjálftanna.

TF-GNÁ þyrla Landhelgisgælunnar leit einnig við í Dýrafjörðinn á sunnudaginn á leið sinni suður frá Ísafirði. Þyrlan brunaði inn og út fjörðinn til að sýna sig og sjá aðra.

Eldri fęrslur
« Desember »
S M Ž M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör