Halldór Halldórsson, bæjarstjóri Ísafjarðarbæjar, segir sveitarstjórnarmenn á Vestfjörðum ekki hafa átt von á því að Dýrafjarðargöng yrðu slegin út af borðinu eins og fram kemur í tillögu að fjögurra ára samgönguáætlun. „Ég á von á því að við eigum eftir að óska eftir skýringum. Auðvitað vitum við að það er lítið til skiptanna en maður átti ekki von á að þetta yrði alveg slegið af." Halldór segist ekki hafa vitað af því að þetta yrði niðurstaðan fyrr en tillagan var lögð fram á Alþingi í gær. Hann segist vart eiga til orð til að lýsa vonbrigðum sínum. „Þetta er rúmlega 50 ára gamall vegur sem tengir saman byggðarlög á Vestfjörðum. Það er náttúrlega með ólíkindum að við skulum enn vera í þeirri stöðu að geta ekki keyrt á milli byggðarlaga og mikil vonbrigði að vita að við þurfum að bíða þetta mikið lengur."

Húsakönnun verður gerð á Þingeyri í ár samhliða deiliskipulagsvinnu. Þetta kemur fram í bréfi bæjartæknifræðings Ísafjarðarbæjar til bæjarráðs um stöðu deiliskipulagsvinnu á Þingeyri. Þar kemur fram að á haustmánuðum mun umhverfisnefnd fjalla um málið á grundvelli húsakönnunar. Samkvæmt samningi sem gerður var við Landmótun er gert ráð fyrir að deiliskipulagsvinnu verði að fullu lokið í júlí 2011.

Á vef Húsafriðunarnefndar segir að bæja- og húsakönnun sé sjónlistarleg og byggingarlistarleg skoðun, greining, úttekt, mat og skráning bæjarumhverfis og einstakra bygginga og studd sagnfræðilegri könnun nauðsynlegra frumheimilda.

Blakmót fjölskyldunnar verður haldið í Íþróttahúsinu á Þingeyri sunnudaginn 25. apríl. 3-4 keppendur eru í hverju liði og einn varamaður er leyfilegur. Skylda er að liðin séu kynjaskipt, ekki er leyfilegt að lið sé skipað eingöngu körlum eða konum. Nú ætla allir að taka höndum saman og draga pabba og mömmu, ömmu og afa, frændur og frænkur og alla aðra til að mæta í fjörið sem hefst klukkan 11.00......
Meira

Út er komin ný bók frá Vestfirska forlaginu á Brekku í Dýrafirði, Þjóðsögur og gamanmál að vestan Úrval úr vestfirskri fyndni, 2. bók. Hemmi Gunn valdi sögurnar.

„Gálgahúmor og nokkur kaldhæðni einkennir skaplyndi og viðmót Vestfirðinga, sem gera óspart grín að sjálfum sér og bestu vinum sínum. Í því er fólgin mikil væntumþykja og mönnum hlýnar innanbrjósts þegar þeir hafa orðið illa fyrir barðinu á vinum sínum. Þeir vita þá að það er munað eftir þeim. Vestfirðingurinn er hertur af umhverfi sínu og hann hefur þraukað við óblíð kjör í hundruð ára...

...
Meira

Í Vísindaporti föstudaginn 16. apríl mun Júlíus Arnarson fjalla um lokaritgerð sína til BA prófs í HHS (heimspeki, hagfræði og stjórnmálafræði) frá Háskólanum á Bifröst, þaðan sem hann útskrifaðist árið 2008. Í ritgerðinni kannar Júlíus hver helstu vandamálin eru sem Vestfirðingar standa frammi fyrir vegna fólksfækkunar undanfarna áratugi, jafnframt því að skoða til hvaða aðgerða hafi verið gripið til að styrkja byggð á Vestfjörðum undanfarin ár. Einnig er lagt mat á hvaða verkefni séu líklegust til árangurs í framtíðinni og framtíðarhorfur á Vestfjörðum skoðaðar í samræmi við niðurstöður......
Meira

Halldór Halldórsson bæjarstjóri Ísafjarðarbæjar hefur óskað eftir afstöðu bæjarráðs til þess hvort ekki mega auglýsa Gamla kaupfélagshúsið á Þingeyri til sölu að nýja og/eða ganga til samninga við þá sem buðu í húsið þegar það auglýst til sölu í fyrra. Forsaga málsins er sú að þann 2009 ákvað bæjarráð að fresta því að taka afstöðu til kauptilboða í Gamla kaupfélagið á Þingeyri þar til fyrir lægi hver framtíðarstaðsetning hússins yrði. Í framhaldi af því var ákveðið að fá álit íbúasamtakanna Átaks sem töldu að húsið ætti að vera áfram á núverandi stað. Ákveðið var síðan að fara í deiliskipulagsvinnu og því frestað að taka afstöðu til tilboðanna og afstöðu íbúasamtakanna......
Meira

Heiðlóan er komin til Vestfjarða. Í gær sáust nokkrar í Önundarfirði og í Dýrafirði sá Sighvatur frá Höfða í Dýrafirði þær fyrstu rétt fyrir kl. 10 í gærmorgun. Tildrur og stelkar sáust einnig í Önundarfirði í gær og ein sandlóa. Í dag voru fyrstu stelkarnir mættir til Bolungarvíkur ásamt þremur tildrum þá sáust http://nave.is/5.jpgþrír gráhegrar sátu á sjókví í Súðavík þann 10. apríl. Þá hefur Einn glóbrystingur verið að sjást síðustu vikur í Súðavík og Þórður Sigurðsson tók þessa meðfylgjandi mynd af fuglinum. Þetta kemur fram á vef Náttúrustofu Vestfjarða.

Starfshópur hefur komist að þeirri niðurstöðu að ekki sé ástæða að svo komnu máli til að fara út í samrekstur leik-og grunnskóla á Þingeyri. Á fundi fræðslunefndar Ísafjarðarbæjar var lögð fram skýrsla starfhópsins um samrekstur skólanna á Þingeyri. Fræðslunefnd Ísafjarðarbæjar þakkaði fyrir vandaða skýrslu og hvatta skólastjóra skólana til að horfa sérstaklega á markmiðssetningu með sameiningu þegar litið verður til samstarfsverkefna á næstum árum.