Fyrsta námskeið haustsins í sunderóbikki hefst þriðjudaginn 14. september. Tímarnir verða á þriðjudögum kl. 18:00 og á laugardögum kl. 09:00. Námskeiðið eru 20 tímar og kosta 15 þús. kr. auk aðgangseyris í sundlaug. Kennarar verða sem fyrr Nadia og Martin Ashkenazy Jones.
Skráning fer fram í Íþróttamiðstöðinni, s. 456-8470
Íþróttafélagið Höfrungur

Spurningakeppnin Veistu hvað? verður haldin á Vetingahorninu næstkomandi laugardag. Keppnin hefst kl. 21:30 og að vanda verður Júlíus Arnarson spyrill.

Kvenfélagskonur á Vestfjörðum ætla að huga sérstaklega að næringu og heilsu í ár og err ætlunin að fá fróða aðila til að halda fyrirlestur um málefnið. Þetta er meðal þess sem tekið verður fyrir á aðalfundi Sambands vestfirskra kvenna sem verður haldinn á Þingeyri á laugardag. Kvenfélagskonur í Kvenfélagi Mýrahrepps og Kvenfélaginu Von, eru gestgjafar fundarins. Fulltrúar frá fjórtán kvenfélögum á Vestfjörðum hittast þar og bera saman bækur sínar. „Gaman er að heyra hvernig starfið gengur fyrir sig á hverjum stað. Félögin eru með mismunandi áherslur í starfinu, þó að grunnurinn sé sá sami. Kvenfélagskonur eru vel virkar í félögum sínum og standa fyrir margháttaðri starfsemi og auðga þannig mannlífið á starfssvæði sínu," Helga Dóra Kristjánsdóttir, formaður sambandsins.

Fiskvinnsla hófst á ný hjá Vísi á Þingeyri í morgun en fyrirtækið hefur verið lokað frá 1. júní vegna langvarandi hráefnisskorts.Vísiskipið Jóhanna Gísladóttir er að landa á Þingeyri og er því vinnsla hafin nokkrum dögum á undan áætlun. Aðspurður segist Viðar Friðbertsson, rekstrarstjóri Vísis á Þingeyri, ekki heyra annað á mannskapnum en að hann sé ánægður með að vera kominn aftur til starfa. „Það er bjart yfir okkur núna."...
Meira

Vinnsla hefst að nýju hjá Fiskvinnslunni Vísi á Þingeyri 13. september. Fyrirtækið hefur verið lokað frá 1. júní vegna langvarandi hráefnisskorts. Er vinnslunni var lokað í byrjun júní sagði Pétur H. Pálsson, framkvæmdastjóri Vísis hf., í Grindavík, sem á og rekur vinnsluna á Þingeyri, að aðeins yrði lokað í tæpa tvo mánuði umfram sumarleyfi. Ástæðan fyrir lokunni sagði hann vera ónógt framboð á fiski og óstöðug markaðsverð. Vísir hóf rekstur á Þingeyri fyrir áratug og starfa þar að jafnaði 25-30 manns. Rúmlega þrjátíu manns bættust á atvinnuleysisskrá eftir að Vísir ehf., sagði upp kauptryggingu hjá flestum starfsmönnum vegna vinnslustöðvunarinnar. Rúmlega 10 manns voru fyrir á atvinnuleysisskrá á Þingeyri og voru því um 40 án atvinnu á staðnum í byrjun sumars....
Meira

Hafnarstjórn Ísafjarðarbæjar gerir ekki athugasemdir við leyfisveitingu til Álfsfells ehf., vegna væntanlegs þorskeldis í Dýrafirði en erindi þessa efnis var tekið fyrir á fundi hafnarstjórnar í fyrradag. Í erindinu var óskað eftir því að útvíkka leyfi til þorskeldis og að það nái einnig til kvíaeldis í Dýrafirði. Erindinu fylgdi bréf frá Fiskistofu þar sem óskað er umsagna um málið.

Innritun í Tónlistarskóla Ísafjarðar á Þingeyri verður föstudaginn 3. september í Félagsheimilinu, milli 16:00 og 18:00. Þar verða hljóðfæri til sýnis fyrir þá nemendur sem hafa ekki ákveðið sig með hljóðfæri. Nemendur frá fyrra ári eru hvattir til að koma sem allra fyrst og staðfesta umsóknir sínar með greiðslusamningi. Kennsla í Tónlistarskólanum hefst mánudaginn 6. september.

Krakkar úr 7. bekk í Grunnskólanum á Þingeyri eru nú stödd á Reykjum í Hrútafirði ásamt nemendum frá nærliggjandi bæjarfélögum. Ferðalagið hófst síðastliðna helgi og er von á hópnum heim á morgun. Tilgangur ferðalagsins eru skólabúðir, en krakkarnir munu meðal annars fá kennslu í náttúrufræði, fjármálafræði og íþróttum ásamt því að skoða Byggðarsafnið í Hrútafirði. Fréttir af ferðalaginu ásamt nokkrum myndum er að finna á heimasíðu Grunnskólans á Þingeyri.