A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
18.11.2010 - 11:00 | Tilkynning

Markaðsdagur í Félagsheimilinu

Næstkomandi laugardag, milli kl. 13 og 18, verður Markaðsdagur í Félagsheimilinu á Þingeyri. Þá verður hægt að kaupa ýmis konar vörur og handverk í jólapakkana. Einnig verður hægt að kaupa kaffi, kakó og eitthvað gott í gogginn í kaffisalnum. Þeir sem vilja selja eða sýna vörur geta haft samband við Rakel eftir kl. 4 á daginn í síma 867-9438 eða sent póst á gudrunbr@isafjordur.is. Borðið kostar 1000 krónur en sú upphæð rennur í húsgagnasjóð Félagsheimilisins.

Allir velkomnir!

17.11.2010 - 10:29 | bb.is

Ný verslun opnar á Ísafirði

Allir eru velkomnir á opnun verslunarinnar kl. 17 í dag.
Allir eru velkomnir á opnun verslunarinnar kl. 17 í dag.
Vestfirska forlagið og Minnsti kaupstaður opna kl. 17 í dag verslun í húsnæði því sem áður hýsti verslunina Bimbó. „Þetta verður lagersala hjá Vestfirska forlagsins og aðallinn af því sem Minnsti kaupstaður leggur fram er heimsins stærsta úrval af vestfirskri tónlist," segir Ómar Smári Kristinsson hjá Minnsta kaupstað. Hann segir ekki langan aðdraganda hafa verið að opnun verslunarinnar. „Þetta hófst í sumar þegar Hallgrímur Sveinsson forstöðumaður Vestfirska forlagsins hélt lagersölu á Þingeyri sem gekk vonum framar og við erum eiginlega framlenging á því hér á Ísafirði þar sem við bætist tónlist og handvörur."...
Meira
Skrúður er elsti skrúðgarður landsins.
Skrúður er elsti skrúðgarður landsins.
Skipaður hefur verið starfshópur um framtíðar uppbyggingu garðsins Skrúðs í Dýrafirði. Starfshópinn skipa þeir Eiríkur Finnur Greipsson, formaður bæjarráðs Ísafjarðarbæjar, Jóhann Birkir Helgason, bæjartæknifræðingur og Brynjólfur Jónsson, skógræktarfræðingur og framkvæmdastjóri Skrúðs. Meðal framtíðarverkefna starfshópsins er að reisa þjónustuhús í garðinum. Á undanförnum árum hefur Framkvæmdasjóður Skrúðs lagt fjármuni í margs konar uppbyggingu í garðinum. Til að mynda hefur nýr vegur með bundnu slitlagi verið lagður að garðinum auk bílastæðis, girðingar hafa verið reistar og garðhleðslur endurnýjaðar.
Haustfagnaðurinn verður á Cafe Catalina í Kópavogi
Haustfagnaðurinn verður á Cafe Catalina í Kópavogi
Arnfirðingar og Önfirðingar blása til haustfagnaðar á Cafe Catalina föstudaginn 12. nóv. 2010.  Önfirðingar, Arnfirðingar, Dýrfirðingar, Ísfirðingar, Bolvíkingar, Hnífsdælingar, Hólmvíkingar, Tálknfirðingar, Patreksfirðingar, Barðstrendingar, Súðvíkingar, Hornstrendingar, Djúpvíkingar, Drangsnesingar,Bílddælingar, Súgfirðingar, Djúpmenn, Jökulfirðingar, Strandamenn sem og alllir Vestfirðingar landsins; aðfluttir sem brottfluttir, óskilgetnir sem skilgetnir, vinir sem óvinir eru hvattir til að mæta og gera gott kvöld......
Meira
04.11.2010 - 11:22 | bb.is

Hausttónleikar á Þingeyri

Frá vortónleikum á Þingeyri.
Frá vortónleikum á Þingeyri.
Tónlistarnemar á Þingeyri bjóða til hausttónleika í Félagsheimilinu kl. 18 í dag. Um er að ræða árvissa tónleika hjá útibúi Tónlistarskóla Ísafjarðar. Dagskráin er fjölbreytt, einleikur, samleikur og samsöngur og í lokin leika allir eitt lag saman. Tónleikarnir eru í umsjón tónlistarkennaranna Kristu og Raivo Sildoja. Allir eru velkomnir á tónleikana.
04.11.2010 - 00:28 | JÓH

Dýrfirðingar föðmuðu Heilsugæsluna

Frá Kvennafrídeginum. Mynd: Ásta Kristinsdóttir
Frá Kvennafrídeginum. Mynd: Ásta Kristinsdóttir
Kvenfélagskonur á Þingeyri vöktu athygli á niðurskurði í heilbrigðismálum, á Kvennafrídaginn 25. október síðastliðinn, með því að faðma Heilsugæsluna. Ásta Kristinsdóttir, ein af kvenfélagskonunum, sagði í samtali við Vísi.is fyrir Kvennafrídaginn að kvenfélagskonur hafi miklar áhyggjur af niðurskurði í heilbrigðismálum á Vestfjörðum og að Þingeyringar megi ekki við meiri niðurskurði. Ásta tók myndir þegar Dýrfirðingar föðmuðu Heilsugæsluna á Þingeyri og þær má sjá hér.
04.11.2010 - 00:16 | Tilkynning

Hjónaballið á laugardaginn

Frá Hjónaballi 2009. Mynd: Davíð Davíðsson
Frá Hjónaballi 2009. Mynd: Davíð Davíðsson
Hjónaballið verður haldið í 76. sinn í Félagsheimilinu á Þingeyri, laugardaginn 6. nóvember. Húsið opnar 19:30 og hefst borðahaldið klukkan 20:00. Jóhannes Oddur mun sjá um að fylla hlaðborðið af kræsingum. Að loknu borðhaldi munu hinir stórskemmtilegu Bjarni og Stebbi frá Hólmavík leika fyrir dansi fram á nótt.

Miðaverð 6500,- kr. fyrir borðhald og ball
Miðaverð fyrir borðhald 4500,- kr.
Miðaverð fyrir ball 2500,- kr.

Forsala aðgöngumiða verður í Félagsheimilinu FÖSTUDAGSKVÖLDIÐ 5. nóvember. Þá verður einnig hægt að taka frá borð. Enn er hægt að skrá sig hjá Daðeyju í síma 867-1699...
Meira
31.10.2010 - 20:23 | Tilkynning

Breyttur tími í sunderóbikki

Frá sunderóbikki á Þingeyri
Frá sunderóbikki á Þingeyri
Íþróttafélagið Höfrungur tilkynnir breyttan tíma í sunderóbikki. Framvegis verður námskeiðið á þriðjudagskvöldum kl. 19:30 og laugardagsmorgnum kl. 9:00 (var áður á mánudagskvöldum og laugardagsmorgnum).
Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31