Árshátíð Dýrfirðingafélagsins verður haldin í Ásgarði, Stangarhyl 4 þann 23. október næstkomandi. Húsið opnar kl. 19:00 en borðhald hefst klukkutíma síðar. Hljómsveitin Prima mun spila undir borðhaldi og leika fyrir dansi að málsverði loknum.

Sala aðgöngumiða verður í Stangarhyl 4, laugardaginn 16. október frá kl. 12:00 - 14:00 og fimmtudaginn 21. október frá kl. 16:00 - 18:00. Einnig er hægt að panta miða hjá Sigurrósu Ottósdóttur í síma 568 0559 og 896 0653. Miðaverð er 5.900 krónur. Athugið að ekki verður hægt að greiða aðgöngumiða með korti en hraðbankar eru í nágrenninu.

Nýtum nú tækifærið til að hittast og skemmta okkur saman í góðra vina hópi!
Áhugasamir geta skráð mætingu á Facebook síðu Dýrfirðingafélagsins....
Meira

Nú er fyrsta námskeið haustsins í sunderóbikki að hefjast. Fyrsti tíminn verður næstkomandi laugardag kl. 9:00, en tímarnir verða framvegis bæði á laugardögum kl. 9 og mánudögum kl. 19:30. Námskeiðið eru 20 tímar og kosta 15 þús. kr. auk aðgangseyris í sundlaug. Kennarar verða sem fyrr Nadia og Martin Ashkenazy Jones.

Skráning fer fram í Íþróttamiðstöðinni, s. 456-8470
Hlökkum til að sjá sem flesta,
Íþróttafélagið Höfrungur

Dýrfirska listakonan Kristín Helgadóttir verður á sýningunni á Handverki og Hönnun í Ráðhúsinu í Reykjavík í haust. Kristín hefur einkum unnið skúlptúra úr tré en sýnir nú skartgripi unna úr þangi. Meginmarkmið Handverks og Hönnunar er að stuðla að eflingu handverks, listiðnaðar og hönnunar, og að auka skilning almennt á menningarlegu, listrænu og hagnýtu gildi handverks, hönnunar og listiðnaðar með fjölbreyttri kynningarstarfsemi.

Sjá nánar á vef sýningarinnar.

Umsvif silungaeldis Dýrfisks í Dýrafirði hefur aukist mikið frá því að það hófst fyrir tveimur árum. „Við erum með 300.000 stykki á Haukadalsbótinni í Dýrafirði núna en byrjuðum með 50.000. Svo stendur til að bæta við 500.000 seiðum í vetur," segir Brynjar Gunnarsson, umsjónarmaður eldisins. Hann segir að fyrirhugað sé að slátra í kringum jólin. „Við slátruðum síðastliðið haust og var fiskurinn þá 2-3 kg. Nú er fyrirhugað að láta hann vaxa í 3+ kg." Brynjar segir Dýrfiskmenn vera bjartsýna á framhaldið....
Meira

Næstkomandi mánudag, þann 20. september klukkan 20:00 verður haldinn í Ísafjarðarkirkju fundur á vegum samtaka um sorg og sorgarviðbrögð á norðanverðum Vestfjörðum. Séra Sigfinnur Þorleifsson sjúkrahúsprestur í Reykjavík mun halda
erindi og kynna málefnið. Sigfinnur er manna fróðastur á þessu sviði. Ætlar hann einnig að segja okkur frá ýmsum kostum hvað varðar form og fyrirkomulag á starfinu.
Ætlunin er að þessi fundur verði upphaf að starfi í vetur á sviði sorgar og sorgarviðbragða. Þeir sem hafa reynt ástvinamissi eru hvattir til að mæta á fundinn....
Meira

Fræliðar Íslands (Seeds Iceland) luku tveggja vikna vinnutörn í Dýrafirði þann 1. september síðstliðinn. Aðal verkefni hópsins var að hreinsa trjágróður úr nýjum göngustígum í Botnsskógi en þar stendur til að fullgera á næsta ári hátt í 1 km. göngustíg um skóginn sem bætist þá við þá stíga sem fyrir eru. Hópurinn fór einnig í Toyota reitinn á Söndum og uppkvistaði stórvöxnustu furureitina þar ásamt lítilsháttar grisjun en stafafuran og grenið er víðafarið að ná 4-5 m. hæð þótt aðeins tvítugt sé. Hópurinn fór einn dag út í Garðshlíð og hreinsaði upp leifar gamallrar gaddavísrgirðigngar frá grenireitum. Síðasta daginn unnu fræliðarnir við að gróðursetja trjáplöntur í svokallað trjásafn (arboretum) innan við Skrúð....
Meira

Bjarni á Fönix, nýtt íslenskt leikverk verður frumsýnt í hlöðunni að Alviðru í Dýrafirði kl. 21 á föstudagskvöld. Um er að ræða einleik úr smiðju Kómedíuleikhússins á Ísafirði. Höfundar verksins eru þeir Elfar Logi Hannesson og Ársæll Níelsson sem jafnframt er leikari í sýningunni. Leikmynd og búninga gerði Marsibil G. Kristjánsdóttir. Bjarni á Fönix er fyrsta frumsýning Kómedíuleikhússins á þessu leikári....
Meira

Námskeiði í sunderóbikki sem átti að hefjast á morgun, þriðjudaginn 14. september, hefur því miður verið frestað af óviðráðanlegum orsökum. Námskeiðið verður haldið ekki seinna en í október, en nánari tímasetning verður birt á Þingeyrarvefnum þegar nær dregur.
Áhugasamir eru samt sem áður hvattir til að skrá sig sem fyrst í Íþróttamiðstöðinni.