Vestfirska forlagið óskar Dýrfirðingum heima og heiman sem og öllum vinum og velunnurum farsældar á nýja árinu með þökk fyrir viðskiptin á árinu sem liðið er.

Á árinu 20012 komu út 22 bækur hjá Vestfirska forlaginu og hafa ekki verið fleiri á einu ári. Þökkum öllum í þeim stóra hópi fólks sem skipa metnaðarfulla áhöfn forlagsins og öllum hinum fjölmörgu sem komu að mannlífs- og menningarlegri starfseminni forlagsins með einum eða öðrum hætti á árinu 2012 sem og fyrri árum.

Vestfirska forlagið að Brekku á Þingeyri.

Aðeins ein áramótabrenna verður í Ísafjarðarbæ í kvöld, þ.e. á Þingeyri en þar verður kveikt í kl. 20:20 eins og auglýst hafði verið.

Aðrar brennur frestast eða verður aflýst og verða þau áform betur kynnt síðar, en ljóst er að ekkert verður af gamlárs- eða nýársbrennum á Ísafirði, í Hnífsdal, á Flateyri og á Suðureyri.

Fyrst allra til að skoða Dagatal Önfirðingafélagsins árs 2013 voru Dýrfirðingarir Hanna Laufey Elísdóttir frá Kjaransstöðum og Gunnar Jónsson sem ættaður er af Fjallaskaga. Þau voru á vinnufundi á Cafe Catalina þegar Önfirðingar komu á Catalina til pökkunar dagatalsins. Þau gerðu hlé í spjall við Önfirðingana og lýstu ánægju sinni með þennan þátt í félagsstarfi þeirra sem hófst árið 1992.

Hanna Laufey hafði orð á því að Dýrfirðingar ættu að skoða möguleika þess að gefa út sitt fjarðardagatal. Ritsjóri hins önfirska dagatals og hálfi Dýrfirðingurinn, BIB, tók undir þetta og hin dýrfirska náttúra mundi sóma sér vel í slíkri umgjörð. Margir væru Dýrfirðingarnir góðir ljósmyndarar og nefndi sem einn sílkan Davíð Davíðsson. 

Árlegt jólaball Höfrungs verður haldið í Félagsheimilinu á morgun, 30.desember kl. 16:00. Heyrst hefur að jólasveinarnir ætli að gera sér ferð í fjörðinn, og syngja og dansa í kringum jólatréð með börnunum. Að vanda verður boðið upp á heitt kakó og meðlæti. Dýrfirðingar og nærsveitamenn eru hvattir til að mæta á ballið og gleðjast saman á jólahátíðinni.

Sautján heppnir lesendur Sunnlenska fréttablaðsins á Selfossi voru dregnir úr hópi þeirra sem sendu inn rétt svör í verðlaunakrossgátu blaðsins og Vestfirska forlagsins sem var í jólagjafahandbók blaðsins. Krossgátan var í minningu Hafliða Magnússonar frá Bíldudal.

Þátttakan var gríðarleg og þökkum við kærlega öllum þeim sem sendu inn lausnir og óskum verðlaunahöfum til hamingju með bækur Vestfirska forlagsins 2012 sem voru vinningar. Meðal vinningshafa var Krossgátumeistari Suðurlands, Hafþór Gestsson á Eyrarbakka. Hann vann krossgátukeppni sem Hrútavinafélagið Örvar stóð fyrir að forskrift Hafliða Magnússonar en keppnin var rétt mánuði fyrir andlát hans þann 25. júní 2011. Hugmyndir eru uppi um að endurtaka slíka keppni á vordögum í minningu Hafliða. 

Vinningshafarnir 17 að þessu sinnu eru:

...
Meira

Við hjá Þingeyrarvefnum óskum Dýrfirðingum nær og fjær, sem og öðrum lesendum, gleðilegra jóla með von um farsælt komandi ár. Við þökkum fyrir samstarfið á árinu sem er að líða og vonum að þið hafið það sem allra best um hátíðirnar. Bendum einnig á að á Facebook síðu Þingeyrarvefsins er hægt að skoða myndir sem vinir síðunnar hafa tekið í Dýrafirði og sent okkur, og hvetjum fleiri til að senda inn jólamyndir úr firðinum fagra.

Óskum Dýrfirðingum heima og heiman sem og öllum vinum og velunnurum gleðilegra jóla og farsældar á komandi ári með þökk fyrir viðskiptin á árinu sem er að líða.

Vestfirska forlagið að Brekku á Þingeyri. 

Það var líf og fjör í íþróttahúsinu fyrr í dag þegar jólasveinarnir Stúfur og Hurðarskellir kíktu í heimsókn. Þeir komu færandi hendi, gáfu öllum börnunum gjafir og sprelluðu eins og þeim einum er lagið. Þeir ætla að koma aftur í Dýrafjörðinn þann 30.desember en þá verður hið árlega jólaball Höfrungs haldið í Félagsheimilinu kl. 16:00. Jólasveinarnir vonast auðvitað til að sjá sem flesta Dýrfirðinga á ballinu, stóra sem smáa, og í hátíðarskapi.