Dregin voru saman lið í Spurningakeppni átthagafélaga á fundi í veitingahúsinu Cafe Catalina í Kópavogi.

16 átthagafélög keppa og eru tvær forkeppnir dagana 28. febrúar og 7. mars.

Eftir keppnina 7. mars verða svo liðin 8 sem komast áfram þessi tvö kvöld dregin saman.

8 liða úrslitin verða 21. mars  - 4 liða úrslit verða 11. apríl

Úrslitakeppnin fer fram síðasta vetrardag, 24. apríl og verður dansleikur að lokinni keppni.

Allar keppnirnar verða í Breiðfirðingabúð að Faxafeni 14 í Reykjavík og hefjast kl. 20:00 en húsið opnar kl. 19:30

Dregið var um hverjir keppa og hvenær í 16 liða úrslitunum og raðast það svona:

...
Meira

Torfi Halldórsson sem oft er nefndur faðir Flateyrar fæddist í Arnarnesi við Dýrafjörð hinn 14. febrúar 1823 og ólst þar upp. Foreldrar hans voru Halldór Torfason, bóndi í Arnarnesi, og k.h., Svanfríður Jónsdóttir húsfreyja. Torfi, afi Torfa var sonur Mála-Snæbjarnar.

Eiginkona Torfa var María Júlíana Össurardóttir úr Súgandafirði. Meðal barna þeirra voru Guðrún, húsfreyja í Hólmum, móðir Maríu Jóhannsdóttur, móður Einars Odds Kristjánssonar alþingismanns

...
Meira

Skrúður við Núp í Dýrafirði hlaut nýlega alþjóðlega viðurkenningu ítalskrar stofnunar, sem árlega velur einn skrúðgarð sem vakin er sérstök athygli á. Árið 2013 er Skrúður valinn. 
Nýlega barst Brynjólfi Jónssyni skógfræðingi og formanni Skrúðsnefndar bréf, þar sem fram kemur að dómnefnd Premio Internazionale Carlo Scarpa per il Giardino [Alþjóðaverðlaun Carlo Scarpa fyrir garða] samþykkti einróma að tileinka sína árlegu hátið, sem nú er haldin í tuttugasta og fjórða skipti, Skrúði. „Þessum litla jurtagarði sem er hannaður eftir reglum rúmfræðinnar og staðsettur í mikilfenglegu landslagi Vestfjarða, og komið á fót í nágrenni Unglingaskólans á Núpi á árunum 1907-1909,“ einsog segir í bréfinu....
Meira

Síðast liðinn fimmtudag var haldin undankeppni fyrir söngvakeppni framhaldsskolanna í Iðnskólanum í Hafnarfirði.
Þar steig á svið Þingeyringurinn Arnar Logi Hákonarson og landaði þar öðru sæti með laginu "Give me love" en hann íslenskaði textan ásamt Ragnheiði móðursystir sinni. Við spurðum hann aðeins útí keppnina.
 ,,-Ég var búinn að hugsa að taka þátt fyrir langa löngu, ég hef alltaf verið mikið fyrir að taka þátt í hlutum sem tengjast tónlist. Ég byrjaði að hugsa þetta einhverntímann í haust og um jólin var ég nokkurveginn búinn að sigta lag til að taka. Þá fór ég að reyna að þýða lagið en það gekk ekkert rosalega vel þannig ég leitaði til Heiðu frænku (systir mömmu) því ég vissi að hún væri flink í að skvera textum á íslensku. Hún hjálpaði mér með það og úr því kom þessi fíni texti.
En já, tíminn í undirbúning var þó nokkur."
Arnar Logi er við nám í Iðnskólanum í hafnarfirði og leggur þar nám við tækniteiknun. ,,Ég hef mikinn áhuga á að vinna eitthvað með tónlist í framtíðinni ef tækifæri gefst en annars hef ég ekkert íhugað það neitt alvarlega. En það er aldrei að vita hvað gerist
Upplifun mín á þessari keppni var bara ansi venjuleg. Ég bjóst ekki við neitt miklu en heldur ekkert of litlu. Kom mér samt á óvart hvað það voru fáir í kringum þessa keppni, þá meina ég áhorfendur, keppendur o.f.l.
Svona miðað við hvað þessar keppnir eru mikill viðburður í öðrum skólum þá fannst mér þetta vera svo lítið í þessum skóla.
En annars var ég bara nokkuð sáttur með mitt. "
Við munum ábyggilega heyra meira af honum Arnari Loga enda mjög flottur og fær tónlistarmaður hér á ferð. 

Ók 454 km í dag:
Úr lognværð við Dýrafjörð um sólbryddað Djúpið, yfir kyrran Steingrím og kusk á Þröskuldum. Síðan mugga en Baula bökuð sól.
Bætti svo 2x35 km við á karlakórsæfingu (sem er mjög stutt á tommustokk Strandamanna). Fann út að ein karlakórsæfing hjá Viðari eyðir með öllu lúa eftir 454+70=524 km akstur í vetrarfæri.

Af Facebook Bjarna Guðmundssonar á Hvanneyri að kveldi 7. febrúar 2013. 

Sýning um matar- og veitingahúsamenningu í Reykjavík á fyrri hluta 20. aldar verður opnuð í Þjóðarbókhlöðu á safnanótt, kl. 20 þann 8. febrúar 2013. Samstarfsaðilar Landsbókasafns Íslands – Háskólabókasafns um sýninguna eru Vetrarhátíð í Reykjavík, félagið Matur - saga – menning, Reynir Ingibjartsson, Kvennasögusafnið og Miðstöð munnlegrar sögu. 
Boðið verður upp á sagógrjónagraut með rúsínum og rjómablandi við opnun.  

Reynir Ingibjartsson les stuttan kafla úr endurminningum ömmu sinnar, Kristínar Dahlstedt frá Dröngum í Dýrafirði sem kom út hjá Vestfirska forlaginu í lok síðasta árs,...
Meira

Lífshlaupið, heilsu- og hvatningarverkefni ÍSÍ, hefst í dag. Þátttaka í verkefninu hefur farið ört vaxandi og hefur aukist um 170% þau fimm ár sem verkefnið hefur staðið.

Bjarni Kr. Grímsson, fyrrverandi kaupfélagsstjóri á Þingeyri, ætlar að landa sínu fjórða platínumerki, en til að fá það þarf að hreyfa sig á hverjum degi í 335 daga samfleytt....
Meira

„Það var mjög ánægjulegt. Kannski verður þetta til þess að við getum byrjað á þessu langþráða verkefni. Mér skilst að það komi þarna 3000 ferðamenn á ári, bara úr farþegaskipunum sem koma við á Ísfirði. Þetta er fyrir utan aðra Íslendinga sem koma þarna,“ segir Brynjólfur Jónsson formaður stjórnar framkvæmdasjóðs Skrúðs en sjóðurinn fékk fimm milljóna króna styrk til hönnunar og framkvæmda við þjónustuhús fyrir ferðamenn við Skrúð í Dýrafirði....
Meira