A A A
  • 2010 - Alexandra Líf Bjarnadóttir
Stúlkurnar ţrjár sem keppa fyrir hönd Vestfirđinga í Ungfrú Ísland; Ingunn Fanney Hauksdóttir, Karen Lind Richardsdóttir og Bylgja Dröfn Magnúsdóttir.
Stúlkurnar ţrjár sem keppa fyrir hönd Vestfirđinga í Ungfrú Ísland; Ingunn Fanney Hauksdóttir, Karen Lind Richardsdóttir og Bylgja Dröfn Magnúsdóttir.
Þrjár stúlkur keppa fyrir hönd Vestfjarða í keppninni um Ungfrú Ísland sem fer fram í kvöld. Þær eru Ísfirðingurinn Ingunn Fanney Hauksdóttir sem var kjörin Ungfrú Vestfirðir í mars, Karen Lind Richardsdóttir, 21 árs frá Þingeyri, sem varð í öðru sæti og Bylgja Dröfn Dal Magnúsdóttir, 19 ára frá Ísafirði, sem hreppti þriðja sætið. Að sögn Ingunnar Fanneyjar er mikil spenna fyrir keppninni. „Það var generalprufa í gær sem heppnaðist mjög vel. Þetta er búið að vera rosalega gaman og það er góður mórall í hópnum." Mikill undirbúningur er að baki svona keppni og hafa keppendur staðið í ströngu við æfingar. „Við erum búnar að vera að æfa á hverju einasta kvöldi í þrjár vikur," segir Ingunn Fanney.

Stúlkurnar koma fram í tískusýningu, á baðfötum og auðvitað í síðkjólum þar sem glæsileikinn skín í gegn. Sýnt verður beint frá keppninni á Skjá einum í opinni dagskrá.

18.05.2011 - 17:09 | Tilkynning

Leiđrétting

Frá Dýrafjarđardögum. Mynd: Davíđ Davíđsson
Frá Dýrafjarđardögum. Mynd: Davíđ Davíđsson
Dýrafjarðardaganefnd 2011 vill koma eftirfarandi tilkynningu á framfæri:
Við viljum vekja athygli á athugasemd sem Daðey Arnborg, formaður íbúasamtakanna Átaks, setti fram við frétt varðandi Dýrafjarðardaga. Það er á misskilningi byggt að erfiðlega hafi gengið að fá heimamenn til að starfa við hátíðina. Þvert á móti hafa allir verið boðnir og búnir til að aðstoða, og má nefna að nefndarmenn í ár sóttust allir eftir að fá að starfa við hátíðina. Nefndin hefur, í samvinnu við íbúasamtökin Átak, velt fyrir sér með hvaða hætti væri hægt að koma upp kerfi sem gengi ár frá ári, varðandi nefndarstörf og skipulag.

Við erum ekki í nokkrum vafa um að Dýrfirðingar taki vel á móti hátíðargestum eins og þeirra er von og vísa, og hlökkum til að sjá sem flesta á dýrðlegum Dýrafjarðardögum!...

...
Meira
17.05.2011 - 21:30 | Tilkynning

Varđandi Dýrafjarđardaga

Frá Dýrafjarđardögum. Mynd: JÓH
Frá Dýrafjarđardögum. Mynd: JÓH
Eins og kunnugt er þá er undirbúningur fyrir Dýrafjarðardaga þetta árið kominn í gang. Síðustu ár hefur því miður gengið erfiðlega að fá einstaklinga til að leggja hátíðinni lið, hvort sem um er að ræða skipulagningu hátíðarinnar eða vinnu á sjálfum Dýrafjarðardögum. Með þessu áframhaldi sjáum við fram á að þessi stórglæsilega hátið okkar Dýrfirðinga heyri liðinni tíð, en hátíðin var einmitt endurvakin árið 2002 eftir nokkurra ára hlé, sökum sama vandamáls. Reynt hefur verið að fá félagasamtök á staðnum til að skipa tvo fulltrúa frá hverju félagi í stjórn hátíðarinnar en það hefur ekki borið árangur......
Meira
17.05.2011 - 21:28 | bb.is

Norrćnt sagnaţing ađ Núpi

Núpur í Dýrafirđi.
Núpur í Dýrafirđi.
Norrænt sagnaþing verður haldið að Núpi í Dýrafirði í sumar. „Í heila viku í lok júlí ætla norrænir sagnaþulir að sitja saman í vestfirskri náttúrufegurð og ræða um listina að segja sögu. Þetta er í nítjánda sinn sem norrænt sagnaþing er haldið og í annað sinn hér á landi. Núpur í Dýrafirði hentar einkar vel til þessa, á miðju sögusviði Gísla sögu Súrssonar. Þar verða haldin námskeið og sagðar sögur á norrænum tungum og reyndar líka ensku því meðal leiðbeinenda eru reyndir sagnamenn, rithöfundar og leikarar frá Noregi, Svíþjóð, Danmörku, Íslandi og Bretlandseyjum," segir í tilkynningu.

Sagnalistin hefur fylgt manninum lengi en á undanförnum árum hefur hún notið æ meiri athygli. Það stafar ekki síst af því að menn komust að þeirri niðurstöðu að listin að segja sögu er grunnur allra bókmennta. Íslendingasögurnar eru fyrst og fremst tilraun til að festa á blað þær sögur sem þjóðin hafði verið að segja allt frá landnámi...

...
Meira
Starfsstöđ Vísis á Ţingeyri.
Starfsstöđ Vísis á Ţingeyri.
Útgerðarfyrirtækið Vísir rekur starfsstöðvar í öllum landsfjórðungum, á Djúpavogi, Þingeyri, Húsavík og í Grindavík. Starfsmenn eru samtals um 300 og aflaheimildir fyrirtækisins nema um 11.500 þorskígildistonnum. Vísir gerir út fimm beitningarbáta, sem allir hafa verið mikið endurnýjaðir á undanförnum árum. Pétur H. Pálsson framkvæmdastjóri Vísis segir ljóst að frumvörp ríkisstjórnarinnar um stjórn fiskveiða vegi að samkeppnishæfni sjávarútvegsins, nái þau fram að ganga. „Við skulum ekki gleyma því að samkeppnin á alþjóðlegum mörkuðum er hörð. Með þessum boðuðu frumvörpum er verið að setja greinina í mikla óvissu til lengri tíma. Það er verið að tala um að nýtingarleyfi á kvóta verði upphaflega 15 ár en leyfishafar eigi rétt á viðræðum um framhald á miðju tímabilinu, hvað sem það nú þýðir. Ég er ansi hræddur um að fyrirtækin dragi tiltölulega fljótt úr nauðsynlegum fjárfestingum, sem leiði á endanum til þess að við lendum aftarlega á merinni í hinni alþjóðlegu samkeppni með tilheyrandi afleiðingum fyrir þjóðarbúið."...
Meira
14.05.2011 - 11:39 | JÓH

Halldórs Högna mót á morgun

Sigurvegarar mótsins í fyrra. Mynd: hsv.is/ivar
Sigurvegarar mótsins í fyrra. Mynd: hsv.is/ivar
Íþróttafélagið Ívar heldur sitt árlega Halldórs Högna mót í boccia í íþróttahúsinu á Þingeyri kl. 11.00 á morgun, sunnudag.  Ívar hefur um árabil staðið fyrir mótinu á vorin í góðri samvinnu við íþróttafélagið Höfrung á Þingeyri. Nýjasta aðildarfélagi HSV er boðið að taka þátt í mótinu. Keppt verður í sveitakeppni um farandbikar sem gefinn var af Halldóri Högna Georgssyni. Ekkert þátttökugjald er á mótinu og allir eru velkomnir!

 

Áhugasömum er einnig bent á að aðalfundur íþróttafélagsins Ívars verður haldinn miðvikudaginn 18. maí kl. 16:30, á Sundhallarloftinu á Ísafirði.

 

12.05.2011 - 21:59 | JÓH

Stjörnuskođun frá Ţingeyri

Tungliđ ađ skríđa yfir fjalltoppana.
Tungliđ ađ skríđa yfir fjalltoppana.
Jón Sigurðsson, þúsundþjalasmiður á Þingeyri, tók meðfylgjandi mynd af tunglinu þann 10.maí síðastliðinn. Jón er mikill áhugamaður um stjörnuskoðun og hefur meðal annars haldið úti vefsíðu frá árinu 2008 þar sem hann bloggar um stjörnuskoðun frá Þingeyri.
Síða Jóns Sigurðssonar
10.05.2011 - 23:17 | JÓH

Hvanndalsbrćđur á Dýrafjarđardögum

Hvanndalsbrćđur. Myndin er af Facebook-síđu hljómsveitarinnar.
Hvanndalsbrćđur. Myndin er af Facebook-síđu hljómsveitarinnar.
Undirbúningur fyrir Dýrafjarðardaga er nú í fullum gangi enda styttist óðum í hátíðina. Hljómsveitin Hvanndalsbræður hefur staðfest komu sína og munu halda uppi fjörinu á kvöldvökunni á laugardagskvöldinu og í Félagsheimilinu seinna um kvöldið, en Dýrafjarðardagar verða venju samkvæmt fyrstu helgina í júlí. Fastir liðir eins og súpa í garði, strandblaksmót, hoppukastalar og fleira skemmtilegt eru á dagskránni og er hátíðargestum bent á að fylgjast með Dýrafjarðardögum á Facebook, og hér á Þingeyrarvefnum. Þemalitur hátíðarinnar í ár verður sá sami og í fyrra, eða limegrænn. Þeir sem vilja koma fram á Dýrafjarðardögum, eða hafa hugmyndir um hvað þeir myndu vilja sjá á hátíðinni er bent á að hafa samband við Ernu á netfangið erh9@hi.is.

La la Lagið með Hvanndalsbræðrum

Eldri fćrslur
« Janúar »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör