Þórunn Edda Bjarnadóttir ólst upp á Hvanneyri, lauk prófum í umhverfisskipulagi við Landbúnaðarháskóla Íslands á Hvanneyri og er deildarfulltrúi við skólann.

Systur: Ásdís Helga Bjarnadóttir, f. 1969, starfar við endurmenntun skólans, og Sólrún Halla Bjarnadóttir, f. 1978, leikskóla- og íþróttakennari.

Foreldrar: Bjarni Guðmundsson frá Kirkjubóli í Dýrafirði, forstöðumaður Landbúnaðarsafnsins á Hvanneyri og Ásdís B. Geirdal.

Elsta starfandi vélsmiðja landsins er 100 ára í dag. Á vef vélsmiðjunnar er hægt að skoða myndir og lesa sögu fyrirtækisins en þar stendur meðal annars: „Þann 13 janúar árið 1913 stofnaði Guðmundur J. Sigurðsson ásamt Gramsverslun, Vélsmiðju Guðmundar J. Sigurðssonar & Co. hf. og var einn af frumkvöðlum alhliða smiðjureksturs á Íslandi. Undir stjórn Guðmundar og síðar Matthíasar, sonar hans, átti smiðjan eftir að verða landsþekkt fyrir vandaða og góða þjónustu". Vélsmiðjan er nú sjálfseignarstofnun en umsjónarmaður hennar, Kristján Gunnarsson frá Hofi, hóf nám í smiðjunni árið 1962 og vinnur þar enn með upprunalegum vélum og búnaði. Það má segja að smiðjan sé einnig lifandi safn því áhugasamir geta fylgst með störfum í smiðjunni ásamt því að skoða vélar og tæki sem notuð voru við stofnun hennar. Að sögn Kristjáns verður haldið upp á afmæli smiðjunnar í sumar en sú dagskrá verður auglýst nánar þegar nær dregur.

Von er á nýju og uppfærðu Ísafjarðarkorti í ár, líkt og kom út í fyrra og fékk góðar viðtökur. Kortið handteiknar Ómar Smári með ótrúlegri nákvæmni, en það er Eyþór Jóvinsson sem á veg og vanda að útgáfu kortanna.

Í ár er einnig verið að handteikna kort af Þingeyri, Flateyri og Suðureyri í sömu gæðum og Ísafjarðarkortið, og þar með fullkomna Ísafjarðarbæ, ef frá er talinn Hnífsdalur....
Meira

Á morgun þriðjudagskvöld 8. janúar 2013 verður gleðistundir önfirskra kvenna  og vina þeirra svo sem Dýrfirðinga og Súgfirðinga.

Eins og verið hefur hittumst við Í Ömmu  mús að Ármúla 18, kl. 20:00

 

Prjónakaffið verður síðan: 5. febrúar - 5. mars -2. apríl -7. maí

 

Hlakka til að sjá ykkur sem flestar.  Hildur Guðnadóttir - í Ömmu mús

Björgunarsveitin Dýri og Íþróttafélagið Höfrungur heldur sína árlegu þrettándagleði sunnudaginn 6. janúar kl. 17.00. Komið er saman að venju innst á Brekkugötu og þar verða seldir kyndlar á vægu verði. Athugið að aðeins 10 ára og eldri fá leyfi til að vera með kyndla. Er það von okkar að þeir álfar sem eru á ferðinni á þrettándanum mæti í sínum fínu fötum sem fyrr og heiðri okkur með nærveru sinni. Gengið verður sömu leið og áður, nema að nú verður gengið inn Vallargötu og gangan mun enda við jólatréð við höfnina. Kveiktur verður eldur og sungið saman, og að sjálfsögðu verða harmonikkur með í spilinu. Samkoman endar svo með flugeldasýningu. Íþróttafélagið Höfrungur og Björgunarsveitin Dýri

Vaðlabandið endurtekur tónleikana frá Kósýkvöldinu í Holti í Önundarfirði, í Félagsheimilinu á Þingeyri föstudaginn 4. janúar 2013. Hljómsveitina skipa Árni Brynjólfsson, Benjamín Bent Árnason, Jón Sigurðsson, Jón Ágúst Þorsteinsson, Agnes Sólmundsdóttir og Anna Þuríður Sigurðardóttir. Spiluð verða jólalög í bland við aðra ljúfa tónlist. Húsið opnar kl. 20:00 og tónleikar hefjast kl. 20:30. Boðið verður upp á heitt súkkulaði og smákökur. Eigum saman notalega stund í lok jóla. Verð krónur 2000, miðapantanir í síma 867-9438 (Rakel) eða á gudrunbr@isafjordur.is

„Það var ansi lítið sofið, bara vakað yfir þessu. Ég náði að halla mér tvo tíma annan sólarhringinn og þá var hinn maðurinn hérna og svo öfugt,“ segir Sigurður Þ. Gunnarsson sem með félaga sínum hélt dísilvélunum á Þingeyri gangandi fyrir og um áramótin þegar grípa þurfti til varafls víða á Vestfjörðum.

Orkubú Vestfjarða er með tvær dísilvélar á Þingeyri. Samband við virkjanir og raforkukerfi landsins rofnaði í óveðrinu sem gekk yfir landið.
...
Meira

Breyting varð á starfsemi Menningarráðs Vestfjarða nú um áramótin, en þá sameinaðist Menningarráðið og Fjórðungssamband Vestfirðinga. Menningarfulltrúi er nú starfsmaður Fjórðungssambandsins. Út á við verður starfsemin með líku sniði og nú í fyrri hluta janúar verður auglýst eftir umsóknum um bæði verkefnastyrki og stofn- og rekstrarstyrki. Fjármagn til ráðstöfunar í styrki er svipað og á síðasta ári. 

Sími og netfang er hið sama og áður var, síminn er 891-7374 og netfangið menning@vestfirdir.is, og höfuðstöðvarnar eru í Þróunarsetrinu á Hólmavík, Höfðagötu 3, 510 Hólmavík.