Frá Bjargtöngum að Djúpi, 7. bindi í nýjum flokki var að koma úr prentvélunum í Odda. 

Kennir þar ýmissa grasa úr vestfirsku mannlífi að vanda.
Bjarni Guðmundsson frá Kirkjubóli, prófessor á Hvanneyri, fjallar um örlagaferð séra Sigurðar Z. Gíslasonar á nýjársdag 1943. Hann fórst í snjóflóði þann dag undir Eyrarófæru á leið til messu að Hrauni í Keldudal.
Lárus H. Hagalínsson frá Hvammi í Dýrafirði skrifar hugnæma grein um afa sinn og ömmu á Grundarhól.
Elfar Logi Hannesson skrifar um Þorstein Erlingsson og veru hans á Bíldudal. Nefnir hann grein sína Ritstjórinn í Valhöll.

...
Meira

Þann 1. nóv. 1987 símar Hulda Sigmundsdóttir, fréttaritari Morgunblaðsins á Þingeyri, frétt til blaðsins .

Þar segir hún m. a. svo:

„Leikfangasmiðjan Alda hf. á Þingeyri hefur nú starfað í tvö og hálft ár. Þar hafa starfað að meðaltali 4 starfsmenn í fullu starfi þetta tímabil. Aðal framleiðsluvara fyrirtækisins hefur verið dýrfirski vörubíllinn Dúi, sem nú er framleiddur í þremur gerðum. Tvö þúsund og fjögur hundruð stykki hafa verið smíðuð af leikfangabílnum Dúa, eða um einn bíll á hverja hundrað Íslendinga.

...
Meira

Við bræðurnir höfum beðið kvennfélagskonur í Von ganga í hús mánudagskvöldið 1. desember og taka við pöntunum á pökkum og jólasveinaheimsókn á Aðfangadag jóla. Pakkinn kostar 400 krónur. Vonar konur eru ekki með neitt svona apparat sem hægt er að borga með korti í.

Með kÆrum kveðjum
Stekkjastaur og Hurðaskellir

Í nýjasta Frímerkjablaðinu frá Íslandspósti segir svo:

 ÚTGÁFURNAR 30. APRÍL. Evrópufrímerkin 2015. Gömul leikföng

Samkvæmt ákvörðun PostEurop, sambands opinberra póstrekenda í Evrópu, eru gömul leikföng sameiginlegt þema Evrópufrímerkjanna árið 2015. Leikföngin á frímerkjunum eru tréönd frá Leikfangagerð Akureyrar og dýrfirsku Dúa bílarnir.

...
Meira

Kæru Dýrfirðingar

 

Nú er komið að því að við ætlum að halda gómsætan kökubasar laugardaginn 8. nóv.

Kökubasarinn er frá kl 13-15 upp í Heilsuleikskólanum Laufási.

Allur ágóði rennur til foreldrafélagsins.

 

Hlökkum til að sjá ykkur,

fyrir hönd foreldrafélagsins á Laufási

Lára Ósk og Fríða Dögg

Hjónaballsnefndin er í góðum gír að undirbúa afmælishjónaball. Fjöldi fólks hefur skráð sig svo nú vonum við að veðrið leiki við okkur svo allir geti mætt.

Forsala aðgöngumiða,verður föstudaginn 31. okt. í Félagsheimilinu kl. 20:00 - 21:00.

Matseðillinn verður þessi:
Skógarsveppasúpa af Söndum, með smábrauði.
Hangikjöt úr reykkofanum á Kirkjubóli eins og fyrir 80 árum, með tilheyrandi meðlæti.
Lambasteik og purusteik, með gómsætu meðlæti.
Kaffi og  konfekt.

Á miðnætti verður boðið upp á heimalagaðan ís með heitum og köldum íssósum.

Hlökkum til að taka á móti öllum gestum.

Nefndin.

...
Meira

Menningar-Staður á Eyrarbakka fór í gær, þriðjudaginn 21. október  2014,  upp að Ölfusá við Selfoss.  Um var að ræða svokallaða  -sjálfumgleðiferð- en slikt hátterni er að færast í aukana síðustu; mánuði, misseri og ár.

Innihald slíkra ferða er að hitta mann og annan og hafa gaman af.

 Komið var á þessa staði þar sem gestunum var gríðarlega vel tekið:

...
Meira