18 átthagafélög hafa tilkynnt þátttöku í Spurningakeppni átthagafélaganna árið 2015.

Keppnin verður haldin í febrúar og mars 2015 og verður svo sýnd á sjónvarpsstöðinni  ÍNN. 

Þátttökuliðin eru þessi:

...
Meira

Búið er að auglýsa eftir aðilum sem eru tilbúnir að nýta 400 tonna aflaheimildir á Þingeyri, sem Byggðastofnun úthlutar sem sérstakar viðbótaraflaheimildir til vinnslu á staðnum. 400 tonnin eru hluti af sérstökum byggðakvóta sem ætluð eru byggðarlögum sem standa frammi fyrir alvarlegum og bráðum vanda vegna skorts á aflaheimildum eða óstöðugleika í sjávarútvegi og eru mjög háðar sjávarútvegi og eiga litla möguleika á annarri atvinnuuppbyggingu....
Meira

Íþróttafélagið Höfrungur á Þingeyri og Björgunarsveitin Dýri halda árlega þrettándagleði og flugeldasýningu á Þingeyri. Svo er þó ekki í ár því gleðinni hefur verið frestað fram til 10. janúar. Þá ætlar fólk að hittast á Brekkugötu kl 17 og aldrei að vita nema einhverjir álfar og aðrar ómennskar verur láti sjá sig. ...
Meira

Skúli Thoroddsen sýslumaður og alþm.fæddist á Haga á Barðaströnd 6. janúar 1859, sonur Jóns Thoroddsen, skálds og sýslumanns, og k.h., Kristínar Ólínu Þorvaldsdóttur húsfreyju.

Skúli var einn af fjórum Thoroddsenbræðrum sem misstu föður sinn ungir frá skuldugu búi hans en komust þó allir til mennta vegna seiglu móður sinnar og með góðri hjálp frá mági hennar, Jón Árnasyni þjóðsagnasafnara. Hinir bræðurnir sem allir urðu þjóðþekktir, hver á sínu sviði og komust í góðar álnir, voru Þorvaldur, dr.phil. náttúrufræðingur í Reykjavík og Kaupmannahöfn; Þórður, læknir og alþm. í Keflavík og Reykjavík, faðir Emils tónskálds, og Sigurður, landsverkfræðingur og yfirkennari Menntaskólans, faðir Gunnars Thoroddsen forsætisráðherra.

...
Meira

• Unnið að Sóknaráætlun 2015 til 2019
Komið er að stefnumótunarvinnu fyrir Sóknaráætlun Vestfjarða árin 2015 til 2019 en slíkt er gert í samræmi við fyrirhugaðan samning milli ríkis og sveitarfélaga. Í áætluninni á að fjalla um nýsköpun og atvinnuþróun, menningarmál, uppbyggingu mannauðs og lýðfræðilega þróun á svæðinu. Haldnir verða þrír opnir fundir á Vestfjörðum til að safna og forgangsraða hugmyndum en öllum er heimilt að mæta á og taka þátt í vinnunni.

...
Meira

Kristín Þórunn Helgadóttir á Þingeyri hlaut Virðisaukann, frumkvöðlaverðlaun Ísafjarðarbæjar í ár en viðurkenningin var veitt í Smiðjunni á Þingeyri 2. janúar. Kristín býr til svokallaðar
Fjöruperlur sem eru skartgripir unnir úr vestfirsku klóþangi. Þarakúlurnar eru þurrkaðar og pússaðar svo náttúrulegur litur þeirra haldi sér. Bæði hönnun og vinnsla er alfarið í höndum Kristínar.
„Ég er bara á fullu alltaf niðrí skemmu núna að pússa og bora,“ segir Kristín þegar bb.is hafði samband við hana....
Meira

Út kom nokkru fyrir jól hjá Vestfirska forlaginu  bókin  -Vestfirskir sjómenn í blíðu og stríðu-  alþýðusögur í léttum dúr að vestan. Hallgrímur Sveinsson og Bjarni G. Einarsson tóku saman.

Bókin hefur vakið mikla ánægju þeirra sem lesið hafa.

Í gær komst bókin í hendur Georgs Rúnars Ragnarssonar frá Flateyri sem nú býr í Kópavogi. Hann er vélstjóri á aflaskipinu og frystitogaranum Kleifabergi RE sem var með mest aflaverðmæti allra íslenskra skipa árið 2014 eða um þrjá milljarða. Skipið veiddi allls 11.246 tonn. -Vestfirskir sjómenn í blíðu og stríðu- eru því á leiðinni um borð í Kleifabergið.

Í kynningu bókarinnar segir:

...
Meira

Alls bárust 58 umsóknir og að þessu sinni voru veittir 19 styrkir að fjárhæð 3,5 Mkr.

Formleg afhending styrkjanna verður í húsnæði OV að Stakkanesi Ísafirði, að Eyrargötu Patreksfirði og að Skeiði 5 Hólmavík þriðjudaginn 6. janúar 2015 kl. 14:00.

Þess er vænst að styrkþegar eða fulltrúar þeirra mæti og taki við skjali til staðfestingar styrkveitingunni.

Búið er að tilkynna styrkþegum um styrkveitinguna.

...
Meira