Fjöldi þjóða hefur af því margfalda reynslu að gifta þeirra og farsæld í atvinnumálum er hjá litlu fyrirtækjunum. Aftur á móti er svo hinn sífelldi misskilningur okkar Íslendinga að allt eigi að vera svo stórt og mikið. Þá er líka fallið þess meira þegar illa fer.

    Sumir okkar hér fyrir vestan eru mjög einfaldir menn. Enda er skoðun okkar mjög einföld á atvinnurekstri: Það á að gera allt sem hægt er til að treysta undirstöður smáfyrirtækjanna í landinu. Og gera mönnum kleyft að stofnsetja ný sprotafyrirtæki og tryggja þannig atvinnuna.

...
Meira

Minnisvarði um Spánverjavígin árið 1615 5 á Sandeyri á Snæfjallaströnd og á Fjallaskaga í Dýrafirðeða fyrir 400 árum var afhjúpaður við Galdrasafnið á Hólmavík í fyrradag, síðasta vetrardag. 

Ávörp fluttu Martin Garitano, héraðsstjóri Gipuzkoa í Baskalandi, Illugi Gunnarsson menningarmálaráðherra, Jónas Guðmundsson sýslumaður Vestfjarða og Esther Ösp Valdimarsdóttir tómstundafulltrúi fyrir hönd Strandabyggðar og Hólmavíkur....
Meira

Meðal afmælisbarna dagsins í dag -23. apríl 2015- er Dýrfirðingurinn  Kristbjörg  Bjarnadóttir sem býr á Selfossi.  Kristbjörg fagnar 50 ára afmælinu í dag,  sumardaginn fyrsta.   Afmæliskveðjur

Þingeyrarvefurinn  og  Vestfirska forlagið sendir Dýrfirðingum  nær og fjær sem og landsmönnum öllum bestu  sumardagskveðjur.
-Gleðilegt sumar-

...
Meira

Hrós vikunnar fær að þessu sinni Gunnar Gísli Sigurðsson, vinnuvélastjóri frá Ketilseyri. Hann hefur staðið í ströngu upp undir hálfa öld að þjóna okkur hér á miðhluta Vestfjarða. Snjómokstur og alls konar. Nefndu það bara. Endalaust.

   Þessa dagana er hann á kafi við vormokstur á Hrafnseyrarheiði.

...
Meira

Ali Baba væntanlegur til Þingeyrar

 Hinn kunni sjónhverfingamaður og bankastjóri Sun and Moon bankans í Sameinuðu furstadæmunum, Ali Baba, er væntanlegur til Þingeyrar í dag ef veður leyfir og flogið verður til Þingeyrar. Mun hann flytja fyrirlestur í félagsheimilinu á staðnum um fjármál. Einkum leggur bankastjórinn út af hinu svokallaða Ambi Valence kerfi, en þar er m. a. útskýrt hvernig gera má mikið úr litlu eða jafnvel engu. Mun Ali Baba  útlista fyrir mönnum hvernig ein milljón króna getur ávaxtað sig upp í fimm milljónir króna á örfáum dögum.

...
Meira

Þórður J. Sigurðsson frá Ketilseyri er maður nefndur. Hann hefur verið útvegsbóndi á Þingeyri svo lengi sem elstu menn muna. Kunnur maður í sinni sveit. Hefur hann dregið marga fiska á land í gegnum tíðina. Lagtækur maður og ljúfur í geði. Margt til lista lagt.

 -Hvernig hefur þú það, Dúddi?

-Ég er nú farinn að finna fyrir aldrinum. Hálfgerð linja í skrokknum. Að öðru leyti slarkfær.

-Hvað segir þú um ástandið í þjóðfélaginu í dag svona almennt?

...
Meira

Átthagafélögin úr  Vestur-Ísafjarðarsýslu; Dýrfirðingafélagið, Önfirðingafélagið og Súgfirðingafélagið og Hljómsveitin Æfing frá Flateyri stóðu fyrir glæsilegum Vorfagnaði í Súlnasalnum á Hótel Sögu í Bændahöllini í Reykjavík , föstudagskvöldið 17. apríl 2015.
Mjög góð þátttaka brottfluttra var og einnig komu allnokkrir að vestan til hátíðarinnar. Rúmlega 200 manns sátu borðaldið með frábærri dagskrá. Síðan komu vel á annað hundarð til viðbótar á dansleikinn með Hljómsveitinni  Æfingu þannig að vel á fjórða hundrað þátttakendur voru í heildina á Vorfagnaðinum....
Meira

Grímur fæddist í Reykjavík 21. apríl  1912. Foreldrar hans voru Grímur Jónas Jónsson, guðfræðingur, skólastjóri og organisti á Ísafirði, og Kristín Kristjana Guðfinna Eiríksdóttir húsfreyja á Ísafirði. 

Grímur Jónas var bróðir Árna Jónssonar, fyrsta skólastjóra Barnaskóla Ísafjarðar og verslunarstjóra við Verslun Ásgeirs Ásgeirssonar á Ísafirði. Þeir Grímur Jónas og Árni voru synir Jóns Hjörtssonar, prests á Gilsbakka í Hvítársíðu, og f.k.h., Kristínar húsfreyju, dóttur Þorvalds Böðvarssonar, prests í Holti.
Kristín Kristjana var dóttir Eiríks Kristjánssonar, bónda á Tannanesi og Hóli í Önundarfirði, og k.h., Önnu Þórarinsdóttur húsfreyju.

...
Meira