69. aðalfundur Dýrfirðingafélagsins verður haldinn þriðjudaginn 12. maí í safnaðarheimili Fella- og Hólakirkju. Fundurinn hefst kl. 20:00. Dagskrá er hefðbundin og samkvæmt lögum félagsins. Kosið verður í stjórn, skemmtinefnd og kaffinefnd. Að venju verður boðið upp á kaffi og meðlæti. Við hvetjum ykkur til að fjölmenna og láta ykkur varða starfsemi félagsins okkar.

Átthagafélögin eiga mörg hver undir högg að sækja. Við þurfum öll að leggja okkar af mörkum til að styrkja starf Dýrfirðingafélagsins. Það kann ekki góðri lukku að stýra ef ekki tekst að manna nefndirnar okkar. Þeir sem gefa kost á sér í starfið eru nær undantekningarlaust ánægðir með þátttökuna, samstarfið og samveruna með gömlum og nýjum vinum og kunningjum. Þátttaka í skemmtinefnd og kaffinefnd afmarkast af einum atburði á ári hverju. Það ætti ekki að vera neinum offviða, tveir atburðir á tveimur árum, en það getur skipt sköpum um það hvort félagið lifir eða við verðum að leggja upp laupana.

Við hvetjum þá sem vilja leggja sitt af mörkum til að hafa samband við okkur í stjórninni sem fyrst.

Stjórn Dýrfirðingafélagsins;

Bergþóra Valsdóttir, Gyða Hrönn Einarsdóttir, Þuríður Steinarsdóttir, Hanna Jóna Ástvaldsdóttir, Ragnar Gunnarsson, Hanna Laufey Elísdóttir og Jón Júlíus Tómasson

Við lágum í kojum okkar og létum líða úr okkur eftir kvöldmatinn, múrarasveinarnir sem unnum á Núpi þetta sumar,ég og Dýrfirðingarnir Gunnar frá Kirkjubóli og Kristján frá Bakka og ræddum saman, í hálfkæring og flugu glósurnar á milli. 
Meistari vor, Gunnar í Hlíð lá með hendur krosslagðar á brjósti, mælti ekki orð þangað til hann sest upp í kojunni og segir með áherslu í rómnum: " Sókrates var stórmenni" og hallar sér útaf aftur--ekki orð meir....
Meira

Markús Friðjón Markússon fæddist í Haukadal í Dýrafirði 11. jan- úar 1922. Hann lést á hjúkrunarheimilinu Sóltúni þann 19. apríl 2015.
Foreldrar hans voru Sigríður Ólafsdóttir kennari, f. 15.1. 1891, d. 17.2. 1933, og Eleseus Markús Jónsson sjómaður, f. 23.10. 1895, d. maí 1921. Markús átti eina systur Guðrúnu, f. 1.10. 1920, hún lést 5.3. 2014.

Eiginkona Markúsar var María Sigríður Hákonardóttir frá Flatey á Breiðafirði, f. 22.6. 1924, hún lést 17.4. 2014.

Markús og María gengu í hjónaband þann 12.5. 1944 og eignuðust sjö börn.

...
Meira

Kristín Thoroddsen fæddist á Ísafirði. 29. apríl 1894, dóttir Skúla Thoroddsen, sýslumanns á Ísafirði, alþm. og ritstjóra, og Theodóru Thoroddsen skáldkonu. 
Skúli var bróðir Þorvalds Thoroddsen náttúrufræðings, Sigurðar landverkfræðings, föður Gunnars Thoroddsen forsætisráðherra, og Þórðar, læknis og alþm., föður Emils tónskálds, en Theodóra var móðursystir Muggs og Péturs Thorsteinssonar sendiherra. 
Meðal systkina Kristínar voru Guðmundur yfirlæknir; Skúli alþm.; Katrín læknir og alþm.; Bolli borgarverkfræð- ingur og Sigurður, verkfræðingur og alþm....
Meira

Verkfall félagsmanna Verk Vest hefst fimmtudaginn 30. apríl 2015 og stendur fyrst um sinn yfir í hálfan sólarhring, frá hádegi til miðnættis. Eftir það taka við regluleg sólarhringsverkföll þar til ótímabundið verkfall hefst 26. maí. Ljóst er að verkföllin munu hafa mikil áhrif á fjölda vinnustaða á öllu félagssvæðinu.

Tímasetningar verkfallsaðgerðanna:

...
Meira

Dagur harmonikunnar verður haldinn í Félagsheimilinu Þingeyri  laugardaginn 2. maí 2015. 

Dagskráin hefst kl. 15.00 og stendur til kl. 17.00.

Gestaspilarar verða okkur til aðstoðar ásamt Eddu Arnholtz, sem syngur með okkur.

Kaffiveitingar á vægu verði.

Aðgangur ókeypis.

...
Meira

Íslenskt sjávarfang ehf, sem hefur aðalbækistöðvar á Bakkabraut 2 í Kópavogi, hóf fiskvinnslu í starfsstöð sinni á Þingeyri á föstudaginn var 24. apríl.
Við slógum á þráðinn til Rúnars Björgvinssonar framkvæmdastjóra fyrirtækisins.

Hvernig fer þetta af stað hjá ykkur?

Þetta fer mjög vel af stað. Allt á fullu. Við byrjuðum á að vinna steinbít af bátnum Agli. Hann fer allur í ferskt.

Hvað er starfsfólkið margt til að byrja með?

Það eru 25 manns í vinnu fyrstu dagana. Síðan er meiningin að fjölga því fljótlega í 30+.

...
Meira

Þó hart sé í ári er margt sem bendir til að vorið sé að koma.
Grásleppukarlarnir eru farnir að leggja net sín en tíðarfarið gerir þeim erfitt fyrir. Palli Björns er búinn að vitja  fjórum sinnum og hefur landað 4158 kg. Hólmgeir hefur vitjað þrisvar og landað 1322 kg. Siggi Friggi er búinn að leggja en hefur ekki getað vitjað vegna veðurs.

Héðan af Hafnarfjarðarsvæðinu er það að frétta að fimm Rússar sem eru að fara á Reykjaneshrygginn hafa komið hér við og fengið ýmsa þjónustu. Hef ég spurnir af að því að aðrir hafi komið við bæði í Reykjavík og Keflavík....
Meira