Með hækkandi sól og birtu þreyjum við ekki bara þorrann hér í Grunnskólanum á Þingeyri heldur standa nú yfir námsmatsdagar. Þessa vikuna munu nemendur fara í kannanair sem gefa nemendum, foreldrum og kennurum vísbendingar um námsstöðu hvers og eins. Gefið verður í bókstöfum og hefur námsmat skólans verið að þróast í samræmi við nýja aðalnámskrá grunnskóla.

Nánari upplýsingar um námsmat og matsviðmið má finna á

http://grthing.isafjordur.is/aaetlanir/skra/166/

...
Meira

Von er á fjölmörgum litháískum listamönnum til Þingeyrar næstu vikurnar og er von á þeim fyrstu þangað í kvöld. Munu listamennirnir dvelja á listavinnustofu Simbahallarinnar – fremja list og sýna. Listamennirnir koma á vegum samstarfsverkefnis Simbahallarinnar og listavinnustofu í Litháen, Utenos meno centras. Verkefnið er Evrópuverkefni undir hatti EEA Grants, sem styrkir samstarfsverkefni Íslands, Noregs og Lictenstein við Evrópusambandslöndin. Samstarf komst á á milli Simbahallarinnar og listavinnustofunnar í Utena í gegnum Vaidu Bražiūnaitė, sem kemur frá Utena en er búsett á Vestfjörðum. ...
Meira

Elís Kjaran Friðfinnsson ýtustjóri á heiðurinn af einum ævintýralegasta vegi landsins en hann tengdi Dýrafjörð og Arnarfjörð um Svalvoga nánast á seiglunni einni saman á áttunda áratugnum. Ragnar sonur hans fékk sína eldskírn á ýtunni við vegagerðina.

 Sagt er að lofthræddir eigi lítið erindi um veginn sem Elís Kjaran Friðfinnsson og Ragnar Kjaran, sonur hans, ruddu frá Dýrafirði til Arnarfjarðar en leiðin er samt vinsæl. Göngu- og hjólreiðafólk fer þar um á hverju sumri og eins er talsverð umferð jeppa um þessa leið. Ragnar var 18 ára með föður sínum á ýtunni og segir hann hafa ráðist í verkið því það átti að vera ómögulegt.

...
Meira

Í næsta Bændablaði mun væntanlega birtast stór og mikil grein, eiginlega hálfgerð bomba eftir þrjá nafnkunna félaga hér vestra. Þar gera þeir m. a. að tillögu sinni að allir erlendir ferðamenn sem ferðast ætla um Ísland greiði 5 þúsund kr. í aðgangseyri. Þeir fjármunir verði síðan notaðir til að byggja upp ýmiskonar innviði svo sem salerni þar sem ekki eru hótel og veitingastaðir. Björgunarsveitir fái einnig sinn hluta.
Fræðsla um landið og hvernig menn eiga að haga sér í ýmsum tilvikum er einnig innifalin í aðgangseyrinum. Þá gera þeir að tillögu sinni að hreppstjóraembættin verði endurvakin í nýrri mynd. Og fleira spaklegt er á dagskrá hjá þessum ungu mönnum....
Meira

Ísafjörður á 150 ára kaupstaðarafmæli í dag, þriðjugaginn 26. janúar 2016. 

Haldinn verður sérstakur hátíðarfundur bæjarstjórnar Ísafjarðarbæjar í tilefni dagsins. Það var árið 1866 sem Ísafjörður fékk kaupstaðarréttindi með sérstökum lögum sem undirrituð voru af danska konunginum þennan dag, efti að Alþingi hafði mælt með því. Á þeim tíma hafði Alþingi Íslendinga ekki löggjafarvald, heldur var það einungis til ráðgjafar fyrir konung Danaveldis, sem Ísland tilheyrði. Ísafjörður var þriðji kaupstaður landsins á eftir Reykjavík og Akureyri. Hátíðahöld til að minnast 150 ára kaupstaðarafmælisins verða í júlí í sumar. Þá verður þess minnst um leið að 20 ár eru síðan Ísafjarðarbær varð til með sameiningu 6 sveitarfélaga árið 1996....
Meira

Veðrið

Segja má að tíðarfar hafi verið með ólíkindum gott hér vestra það sem af er árinu. Loft og sjór stendur dag eftir dag eins og stafur á bók. Elstu menn muna varla annað eins, þó sumir þeirra þykist nú muna eitthvað svipað. Snjólaust að heita má.

Heiðarnar

Hrafnseyrarheiði, eða Grímsheiði eins og sumir leyfa sér að nefna hana, var opnuð fyrir viku eða svo. Dynjandisheiði hefur verið á mörkunum að vera opin. Kunnugir segja að Árni bóndi á Laugabóli hafi mokað hana einu sinni ef ekki tvisvar.

...
Meira

Ólöf Guðný Valdimarsdóttir frá Núpi í Dýrafirði, skipulags- og byggingarfulltrúi Ísafjarðarbæjar, hefur sagt upp störfum. 
Hún segir ástæðu uppsagnarinnar vera umfangsmikil hönnunarverkefni sem fyrirtæki hennar og Björns Stefáns Hallssonar, Plan 21 ehf, hefur samið um og krefjast starfskrafta. 

„Það hefur verið mér mikil ánægja að starfa með fólkinu hjá og í Ísafjarðarbæ og fyrir bæjarfélagið í heild. Það er von mín að áfram geti verið gott samstarf við bæjafélagið á sviði arkitektúrs, bygginga- og skipulagsmála í gegnum Plan 21, þannig að bæjarfélagið geti áfram notið faglegrar reynslu okkar Björns og þekkingar,“ segir Ólöf Guðný. 

...
Meira

Slysavarnardeildin Vörn hélt sitt þorrablót á Þingeyri laugardaginn 23. janúar 2016. 

Að þessu sinni stóð þorrablótsnefndin í eldamennskunni sjálf og buðu upp á þetta fína hlaðborð af þorramat. 
Blótið var vel sótt þetta árið, slagaði hátt í hundrað gesti. Að borðhaldi loknu stigu þeir Gummi Hjalta og Stebbi Jóns á stokk og héldu uppi stuðinu fram eftir nóttu. Húsfrú Helga Guðný í Botni stjórnaði gleðskapnum með sinni léttu lund og dýrt kveðnum vísum.

 Inn á ljósmyndavef bb eru komnar myndir af herlegheitunum. 

...
Meira