Ráðherraembættinu, sem varð til með heimastjórninni, fylgdu meiri völd og ábyrgð en nokkurri stöðu á Íslandi öldum saman. Í sérmálum Íslands tók ráðherrann við því valdi sem danska stjórnin hafði áður. Hann var að vísu háðari vilja Alþingis en danski Íslandsráðherrann hafði verið. Hins vegar var staða hans til þess fallin að gefa honum forystuhlutverk á þingi. Svo var það nýtt ábyrgðarhlutverk, og ekki vandaminnsti þáttur ráðherrastarfsins, að halda á málstað Íslands gagnvart Danmörku....
Meira

Dagurinn í dag, mánuudagurinn 1. febrúar, er Dagur kvenfélagskonunnar. 
1. febrúar 1930 var stofndagur Kvenfélagasambands Íslands og var formlega gerður að degi kvenfélagskonunnar árið 2010. Var það gert til að vekja athygli á miklu og óeigingjörnu starfi kvenfélagskvenna um árabil, enda löngu tímabært að kvenfélagskonur fengju sinn eigin dag á dagatalinu....
Meira

• Dagur Sigurðsson og lærisveinar hans pökkuðu Spánverjum saman og hömpuðu Evrópumeistaratitlinum í Kraká • Magnað afrek hjá Degi

Dagur Sigurðsson er tengdasonur Vestfjarða.

Eiginkona hans er Ingibjörg Pálmadóttir. Móðir hennar er Guðmunda Jóna Helgadóttir frá Hvallátrum og faðir hennar er Pálmi Hlöðversson f.v. skipherra hjá Landhelgisgæslunni.

...
Meira

„Það er fyrirmunun að fleygja mat og vanþakklæti við gjöfula jörð.“ Svo var sagt í gamla daga við ungdóminn. Við höfum nú kallað til þrjú vitni hér á Þingeyrarvefnum um hvernig það var að vanta mat. Vera svangur. Og það er ekki svo langt síðan þetta var hlutskipti fjölda landsmanna. Það er staðreynd....
Meira

„Undirritaður er alinn upp á götunum í Reykjavík af einstæðri móður í hópi fjögurra systkina. Það má merkilegt kalla hvernig það blessaðist allt saman hjá þeirri stórkostlegu manneskju. Stundum var maður svangur, jafnvel dögum saman. Þá bjargaði maður sér oft með því að fara að selja blöð niðri í bæ. Og jafnvel kom fyrir að maður náði sér í eitthvað ófrjálsri hendi. Það var ekki eins voðalegt og hjá þeim félögum, Gunnari M. Magnúss og Óskari Jóhannssyni á Suðureyri og í Bolungarvík, sem við höfum vitnað í hér að framan. Allar bjargir bannaðar. Þeir gátu ekki farið að selja blöð niðri í bæ! 

...
Meira

„Hér höfðu líka verið erfiðleikar, jafnvel sultur á heimilum, svo sem veturinn 1918, er hafís fyllti voga og víkur og enginn bátur komst á sjó í margar vikur, en vöruskortur í versluninni, enda fáir eða engir peningar til að kaupa fyrir lífsbjörg. Ég hafði þá í tíu til tólf daga verið soltinn, hvað þá foreldrar mínir. En móðir mín sauð þá blóðtálkn af þorskhausum, einu matartætluna sem til var, ef mat skal kalla. Hún sauð þetta og við dyfum bitunum í lýsi. En þetta bjargaði okkur frá algjöru hungri og það bjargaði okkur frá því að leita á náðir þess opinbera og biðja um sveitarlán. Móðir mín forðaði þeirri niðurlægingu að þiggja af sveit og missa þar með almenn mannréttindi....
Meira

Það er mikið vatn til sjávar runnið síðan Óskar Jóhannsson, kaupmaður í Sunnubúðinni í Reykjavík, var að alast upp í Bolungarvík á kreppuárunum. Þá var það soðningin sem hélt lífi í fólkinu. Vá fyrir dyrum ef ekki gaf á sjó kannski vikum saman. Þá sendi móðir Óskars hann oft niður á bryggju. „Viljið þið gefa mömmu í soðið,“ sagði hann við sjómennina. Ekkert var sjálfsagðara. Samhjálpin í verki. Þessir karlar þekktu það á eigin skinni þegar ekkert var til að setja í pottinn.  ...
Meira

Sólarkaffi er gamall og góður siður en þá kemur fólk saman og gæðir sér á pönnukökum og kaffi í tilefni þess að sólin fer aftur að sýna sig í þröngum vestfirskum fjörðum eftir að hafa hvílt á bak við fjöllin yfir há veturinn. Sólin sýndi sig á Ísafirði 26. janúar sl. og verður af því tilefni haldið árlegt sólarkaffi Edinborgarhússins og kvenfélaganna í Edinborgarsal á morgun, laugardaginn 30. janúar 2016....
Meira