Dýrfirsku hjónin, Gerður Matthíasdóttir og Ólafur Bjarnason, sem búa í Lambhaga á Selfossi og hafa búið í bænum frá 1975, buðu til sólarfagnaðar að vestfirskum sið vegna hækkandi sólar og jafnframt í tilefni sigurs Íslands í Icesave-málaferlunum er lauk í morgun. Á borðum voru rjóma- og sykraðar pönnukökur ásamt sörum.

 Til fagnaðrins var boðið Önfirðingunum á Eyrarbakka; Jónu G. Haraldsdóttur og Birni Inga Bjarnasyni sem hafa búið við Ströndina frá 1999. Sérstakir gestir voru síðan norðlensku hjónin; Stefán Magnússon, Eyfirðingur og Kristín Friðriksdóttir frá Dalvík en þau hafa búið á Selfossi frá 1959.

 Í lokin var síðan skálað fyrir hækkandi sól og Icesavesigri.

...
Meira

Eins og komið hefur fram hér á Þingeyrarvefnum var Bridgefélagið Gosi á Þingeyri stofnað 18. marz 1958. Það heyrir nú sögunni til eins og fleira hér hjá okkur. Því miður.

   Margs konar sagnkerfi voru notuð innan stokks hjá okkur í Gosa í gegnum tíðina, bæði heimatilbúin að nokkru og aðfengin. Það er eiginlega sér fræðigrein sem ekki verður farið nánar út í hér. Umræður urðu  oft nokkuð fróðlegar eftir spil og eins meðan á þeim stóð.

Skulu um það nefnd nokkur dæmi til upplyftingar.

...
Meira

Vegna breyttra reglna um mótframlag er að nýju auglýst eftir umsóknum um styrki til uppbyggingar á ferðamannastöðum. Umsóknarfrestur er til miðnættis 2. febrúar 2016. Þær umsóknir sem bárust í kjölfar síðustu auglýsingar (19. september 2015) halda gildi sínu og mun umfjöllun um þær byggjast á grundvelli nýju reglnanna. 

Nýjar reglur

...
Meira

Questioning Arts er samvinnuverkefni listamanna frá Vestfjörðum og Utena í Litháen. Alls fóru 6 vestfirskir listamenn á 3 vinnustofur í Utena frá maí - október á síðasta ári og nú stendur yfir síðasta vinnustofan á Þingeyri. Á meðan á henni stendur munu Litháensku listamennirnir heimsækja okkur og kynna verk sín á röð sýninga á næsta mánuði. 
   Nú á laugardaginn, 30. janúar verður fyrsta sýningin af fjórum í Simbahöllinni á Þingeyri. Listamenn munu verða á staðnum og kynna lokaafurð þeirra kl. 14, sýning opin til kl. 18. Þema fyrstu sýningarinnar er þjóðmenning Litháens. Sýningin er nefnd eftir litháískum málshætti: "Hvaðan kemur hljóðið - frá vanganum þínum eða lófanum mínum?" Íslenskir og litháískir listamenn unnu að margvíslegum verkum út frá yfirheiti vinnustofunnar sem var þjóðmenning Litháens, sögur, tónlist, handverk og arkitektúr. 

Listamenn á staðnum:...
Meira

Bridgefélagið Gosi á Þingeyri var lengi vel elsta starfandi bridgefélag á Vestfjörðum eftir því sem best er vitað, stofnað 18. marz 1958. Það var líka þekktasta félagið af því tagi í Vestfirsku Ölpunum, enda ekki vitað um annan opinberan bridgeklúbb á þeim slóðum. Nú heyrir Gosi sögunni til, í bili alla vega. Hvað sem síðar verður. Það eru margir sem sjá eftir honum.

   Í Gosa var starfað af miklu fjöri allt fram á síðustu ár. Seinast var spilað í nokkur ár í kaffisal nýja sláturhússins, sem kallað var, niður á Odda hjá Finna og Sirrý. 

...
Meira

Varðskipið Óðinn kom til landsins þann 27. janúar 1960. 
Því var beitt í þremur þorskastríðum og það tók þátt í björgun um 370 skipa. 
Skipið er nú hluti af Víkinni, sjóminjasafninu í Reykjavík....
Meira

Eitthvað það allra besta sem sýnt er í íslenska sjónvarpinu þessa dagana er þátturinn Rætur. 

Sigríður Halldórsdóttir, sem þekkt er úr Landanum, er þar við stjórnvölinn. Þar ræðir hún við erlent fólk sem flutti til Íslands á ýmsum tímum og hefur auðgað mannlífsflóru okkar og beinlínis orðið Íslendingar. Það hafði frá fáu að hverfa í heimalöndum sínum nema hörmungum. Hér hjá okkur hefur þetta fólk fundið sjálft sig. Orðið liðtækt á ýmsum sviðum þjóðfélagsins. Það er ánægjulegt að sjá. 
Megum við vel minnast þess að eitt sinn vorum við sjálf flóttamenn. 
Sjónvarpið getur gert góða hluti þegar það vill. ...
Meira

Listi yfir tíu verkefni sem eiga möguleika á því að hljóta Eyrarrósina í ár.

Í ár barst mikill fjöldi umsókna um Eyrarrósina hvaðanæva af landinu. Eyrarrósin er viðurkenning sem veitt er framúrskarandi menningarverkefni á starfssvæði Byggðastofnunnar. Hún beinir sjónum að og hvetur til menningarlegrar fjölbreytni, nýsköpunar og uppbyggingar á sviði menningar og lista. Að verðlaununum standa Byggðastofnun, Flugfélag Íslands og Listahátíð í Reykjavík.

Eyrarrósarlistinn 2016 birtir nöfn þeirra tíu verkefna sem eiga möguleika á að hljóta Eyrarrósina í ár.

...
Meira