• Fyrsta eldisfyrirtækið á Íslandi sem fær vottun ASC sem er sérstaklega löguð að fiskeldi • Fyrstu vottuðu laxaseiðin úr nýrri seiðastöð sett í kvíar í haust
Fiskeldisfyrirtækið Arctic Fish á Vestfjörðum hefur hlotið eftirsótta alþjóðlega umhverfisvottun Aquaculture Stewardship Council (ASC), fyrst íslenskra fyrirtækja.
Stjórnendur og starfsfólk Arctic Fish og dótturfélaga þess, seiðaeldisins Arctic Smolt í Tálknafirði, sjóeldisstöðvarinnar Arctic Sea Farm (Dýrfiskur) í Dýrafirði og vinnslufyrirtækisins Arctic Odda á Flateyri, hafa unnið að því undanfarin ár að undirbúa og uppfylla kröfur umhverfisstaðalsins sem vottunin byggist á. Hún var staðfest af stjórn ASC í síðustu viku.

 

...
Meira

   Þjónar almennings eru með símann í höndunum meira og minna allan daginn og tölvurnar eru hvert sem litið er.  Það er beinlínis hlægilegt að horfa á þingmenn glápandi í símann sinn á þingfundum. Ráðherrarnir skilja ekki þetta litla tæki við sig. Það á að vera hægt að ná í menn hvenær sem er. Nema hvað. Samt eru þeir aldrei við! Kostulegt er að sjá þegar ráðherrar koma á ríkisstjórnarfund, stormandi upp tröppurnar að gamla betrunarhúsinu. Þá eru þeir oft blaðrandi í símann á ábúðarmikinn hátt. Við hverja skyldu þeir alltaf vera að tala?...
Meira

Jóhanna Hákonardóttir, lengst af til heimilis í Nóatúni 28 í Reykjavík, síðast til heimilis á Hólabraut 10 í Hafnarfirði, fæddist á Þingeyri við Dýrafjörð 26. júlí 1950. Hún lést á Líknardeild Landspítalans í Kópavogi 3. maí 2016.

Foreldrar hennar voru Sigurlaug Helga Leifsdóttir, f. 6. ágúst 1926, d. 10. maí 2016, og Hákon Jóhannes Kristófersson, f. 26. september 1919, d. 25. desember 1965. Albróðir Jóhönnu er Leifur Hákonarson, f. 26. september 1952. Hálfbróðir Jóhönnu, samfeðra, er Bjarni Hákonarson, f. 24. júní 1961. Hálfsystir Jóhönnu, samfeðra, er Hulda Hákonardóttir, f. 9. apríl. 1963. Dóttir Jóhönnu er Sigurlaug Helga Teitsdóttir, f. 2. janúar 1982. Faðir hennar er Teitur Arnlaugsson f. 28. september 1947. Sonur Sigurlaugar Helgu er Björn Kári Arnarsson, f. 30. ágúst 2008, faðir hans er Arnar Steinn Þorsteinsson, f. 9. mars 1978. Sambýlismaður Sigurlaugar Helgu er Tómas Joensen, f. 7. október 1981, synir þeirra eru Hörður Bjarki H. Joensen, f. 11. febrúar 2014, og Hrafnkell Rökkvi H. Joensen, f. 19. nóvember 2015.

...
Meira

Sigurlaug Helga Leifsdóttir, ætíð kölluð Helga, fæddist á Þingeyri við Dýrafjörð 6. ágúst 1926. Hún andaðist á dvalarheimilinu Grund 10. maí 2016.

Foreldrar Helgu voru þau Leifur Jóhannesson, f. 16. nóvember 1894, d. 20. maí 1987, og Sigríður Helgadóttir, f. 18.5. 1897, d. 23.7. 1986. Helga var yngst þriggja systra. Elsta systirin, Álfheiður Erla, lést ung að aldri, f. 6.9. 1922, d. 9.1. 1944, en Anna Ragna fyrir tæpum þremur árum, f. 19.8. 1923, d. 1.11. 2013.

Með sambýlismanni sínum Hákoni Jóhannesi Kristóferssyni, f. 26.9. 1919, d. 25.12. 1965, eignaðist Helga börnin Jóhönnu Hákonardóttur, f. 26.7. 1950, d. 3.5. 2016, og Leif Hákonarson, f. 26.9. 1952.

...
Meira

Í dag, annan í hvítasunnu -16. maí 2016, fór Blíðfari frá Fjallaskaga loksins á verkstæði eftir 45-50 ára hvíldarlegu upp á sperrubitum í bílskúr á Læk. Áður hafði hann legið á hvolfum á Hellubökkum í áratug eða svo.
Nú fær fagmaðurinn og þúsund þjala smiðurinn Validmar Elíasson á Þingeyri það verkefni að vita hvort hægt verður að gera hann sjófæran að nýju.
Jón Gabríelsson á Fjallaskaga lét smíða þennan bát uppi við bæ á Skaga fyrir aldmótin 1900....
Meira

Þverskurður þjóðarinnar vill endilega verða forseti. Þetta er stórkostlegt fólk meira og minna. Það er úr ýmsum áttum og hefur margt til málanna að leggja þegar það talar um starf forsetans. Og hvað það mundi nú gera ef það yrði kosið til starfans. Það virkar þannig á mann að forsetinn eigi þá að redda öllum sköpuðum hlutum, valdalaust embættið. Hann á að vera eins og útspýtt hundsskinn að gera þetta og hitt fyrir þjóðina. Bara nefndu það. Það er gaman að þessu....
Meira

Aðalfundur Verkalýðsfélags Vestfirðinga verður haldinn miðvikudaginn 18. maí 2016 kl.18.00 á Hótel Ísafirði.

Boðið verður upp á léttan málsverð í lokinni hefðbundinni dagskrá.

Dagskrá:

...
Meira

Safnasjóður úthlutaði nýlega styrkjum til safna vítt og breitt um landið fyrir árið 2016. Alls var úthlutað 108 milljónum króna. Þar af fara 78,8 milljónir til einstakra verkefna vegum safnanna, en 30 milljónir til rekstrar. Byggðasafn Vestfjarða í Ísafjarðarbæ fékk úthlutað rúmum þrem milljónum króna, Sauðfjársetrið á Ströndum fékk 3,3 milljónir og Minjasafn Egils Ólafssonar á Hnjóti í Patreksfirði fékk 1,6 milljónir króna. Styrkjum er úthlutað eftir umsögn Safnaráðs til viðurkenndra safna á landinu. Sótt var um 153 verkefni og þar af fengu 93 styrki. 
Styrkir til safnanna á Vestfjörðum voru þessir: ...
Meira