Tenging til Bíldudals verður höfð með í endurgerð vegarins um Dynjandisheiði að sögn Hreins Haraldssonar vegamálastjóra Í umsögn við samgönguáætlun gagnrýndi Fjórðungssamband Vestfirðinga að í kynningu með tillögum að vegagerð um Dynjandisheiði voru einungis settar fram tillögur um vegstæði milli Vatnsfjarðar á Barðaströnd og Arnarfjarðar. Það vanti að tilgreina að vegur um Dynjandisheiði eigi einnig að tengja suðurfirði Arnarfjarðar, þannig að enginn vafi sé um að þetta verði samhangandi framkvæmd. ...
Meira

Hópur á vegum þýsku sjónvarpsstöðvarinnar NDR er á ferð um Vestfirði þessa dagana þar sem þau taka hús á nokkrum Vestfirðingum fyrir sjónvarpsþátt sem fjallar um líf og vinnu á norðlægum slóðum. Markaðsstofa Vestfjarða hefur liðsinnt tökuliðinu við að koma þeim í samband við aðila í framleiðslu og ferðaþjónustu á svæðinu, en einnig eru þau með heimamann sér til halds og trausts á meðan á dvölinni stendur. Einnig vilja þau ræða við bæjarbúa á Ísafirði um komur skemmtiferðaskipa og áhrif þeirra. 

Kristín Þórunn Helgadóttir á Þingeyri er ein þeirra sem tökuliðið hefur heimsótt....
Meira

Hjónin Sigríður Helgadóttir og Friðfinnur Sigurðsson, betur þekkt sem Sirrý og Finni, reka gistihúsið Við Fjörðinn á Þingeyri við Dýrafjörð og hafa gert síðan árið 2000. „Hjá okkur er góð aðstaða fyrir bæði hópa og einstaklinga, við erum með átta herbergi og þrjár íbúðir og ein íbúðin er sérútbúin fyrir hreyfihamlaða,“ segir Sirrý en gistihúsið Við Fjörðinn er opið yfir sumartímann og eftir samkomulagi yfir veturinn.

„Herbergin í gistihúsinu eru rúmgóð og hægt er að leigja herbergi með baði eða með aðgangi að sameiginlegu baðherbergi. Eins bjóðum við upp á morgunmat og er hann borinn fram í garðskálanum okkar úti í garði. Aðgangur að interneti er í húsinu, boltaáskriftin er klár fyrir þá sem hafa áhuga á fótbolta,“ segir Sirrý og hlær við.

...
Meira

Hjálmar fæddist á Ísafirði 8. júní 1918. Foreldrar hans voru Bárður Guðmundur Tómasson, fyrsti skipaverkfræðingur Íslendinga, og k.h., Filippía Hjálmarsdóttir húsfreyja.

Eiginkona Hjálmars var Else Sørensen húsfreyja.

Hjálmar lauk stúdentsprófi frá MR 1939, stundaði nám í tréskipasmíði við skipasmíðastöð BGT á Ísafirði 1940, nám í flugvélasmíði við Marinens Flyvevåben í Kaupmannahöfn 1940, stundaði verklegt nám í stálskipasmíði, rafsuðu, járnsteypu og rennismíði við Ørlogsværftet á námstíma í verkfræði í Kaupmannahöfn, lauk prófum í skipaverkfræði frá DTH 1947, lærði jafnframt flugvélaverkfræði sem aukagrein og sótti námskeið í tæknilegri ljósmyndun.

Hjálmar var skipaverkfræðingur hjá Helsingör Skibsværft og Maskinbyggeri A/S í Danmörku, hjá Cook, Welton & Gemmel Ltd og hjá Stálsmiðjunni hf. í Reykjavík 1948-54. Hann var skipaskoðunarstjóri og skipaskráningarstjóri 1954-70, siglingamálastjóri 1970-85 og forseti Alþjóðasiglingamálastofnunar SÞ í Lundúnum 1969-71.

...
Meira

Tómas fæddist að Kúhól í Landeyjum 7. júní 1807, sonur Sæmundar Ögmundssonar, dbrm. í Eyvindarholti, og Guðrúnar Jónsdóttur.

Sæmundur var sonur séra Ögmundar, á Krossi, bróður séra Böðvars í Holtaþingum, föður séra Þorvaldar í Holti, forföður ýmissa menningarforkólfa, s.s. Vigdísar Finnbogadóttur, Matthíasar Johannessen og Gylfa Þ. Gíslasonar.

Kona Tómasar var Sigríður Þórðardóttir, sýslumanns í Garði Björnssonar og komust upp tvö börn þeirra, Þórhildur, kona Helga Hálfdánarsonar lektors, og Þórður, héraðslæknir á Akureyri.

Tómas lærði hjá Steingrími Jónssyni í Odda, síðar biskupi, lauk stúdentsprófi frá Bessastaðaskóla 1827, tók 2. lærdómspróf við Hafnarháskóla, lauk próf í hebresku 1831 og guðfræðiprófi 1832. Hann ferðaðist um Suður-Evrópu 1832-34 og stofnaði Fjölni, er hann kom til baka, ásamt Jónasi Hallgrímssyni, Brynjólfi Péturssyni og Konráð Gíslasyni.

Tómas fékk Breiðabólstað í Fljótshlíð 1834, varð prófastur Rangárþings 1836 og hélt Breiðabólstað til dánardags. Hann var líklega áhugasamastur og raunsæjastur um Fjölni, skrifaði mikið í ritið og gagnrýndi Konráð fyrir ofstæki í stafsetningarmálum og Jónas fyrir róttækni og harða gagnrýni á menn.

...
Meira

Líklegt má telja að vesturleiðin svokallaða taki við af Djúpvegi sem aðalvegurinn milli Reykjavíkur og Ísafjarðar. Rætist áætlanir Vegagerðarinnar um endurbætur Vestfjarðavegar verður hann orðin 60 kílómetrum styttri en Djúpvegur eftir átta ár. 
Vestfirðir verða í forgangi á næstu árum, samkvæmt samgönguáætlun, sem nú er í meðförum Alþingis, en Stöð 2 hefur í fréttaröð að undanförnu greint frá þeim vegarbótum sem þar eru áformaðar. 
Þar ber Dýrafjarðargöng hæst, sem fyrirhugað er að bjóða út í haust. Samhliða verður hafist handa við endurnýjun vegarins yfir Dynjandisheiði. Þriðja stórverkefnið framundan er svo að leggja nýjan veg um Gufudalssveit en óvíst er hvort heimilt verður að fara um Teigsskóg. 

...
Meira

Þær komu hingað vestur í sauðburðinn fjórar vinnukonur úr Reykjavík. Eiga ættir að rekja til Þingeyrar. Það hefur auðvitað allt gengið eins og í sögu. Þær fengu náttúrlega að fara í leiktækin við barnaskólann og leikskólann. Skemmst er frá því að segja, að þær voru mjög ánægðar með alla aðstöðu þar. Og leiktækin bara „eðal“ eins og það var orðað. Þær hafa samanburðinn af Stór-Reykjavíkursvæðinu.
Og taki nú þeir til sín sem eiga: Heiður þeim sem heiður ber.

...
Meira

Þessar áletranir, teiknaðar með gulri málningu, mátti lesa á stórum steinum nálægt þjóðveginum í Önundarfirði og Dýrafirði fyrir æva löngu--strákapör vegagerðaranna til gamans.
Nú er enn spurt um Óla--var talað við réttan Óla Hvar er Óli--er hann úti að aka eða úti að fljúga. Fyrirtæki,skráð aflendis hafa keypt megnið af kröfum í bú föllnu bankanna á útsöluprís. Grunur leikur á að þar að baki standi stundum menn með íslenska kennitölu , einhvejir huldumenn, einhver allt annar Óli, Seðlabankinn þegir...
Meira