Ferðaþjónustufyrirtækið Gray Line (Allrahanda) hefur fyrir nokkru hafið beinar áætlunarferðir milli Akureyrar og Keflavíkurflugvallar.
Í apríl og maí var ekið þrisvar í viku en daglega ekið  yfir sumarið fram í miðjan september.

Áætlun Gray Line Airport Express er með þeim hætti að brottför er frá Keflavík kl. 17.00, komið til Akureyrar um kl. 23.00. Þaðan er haldið kl. 23.15 og komið til Keflavíkur kl. 05.15. Flugfarþegar sem koma til landsins síðdegis komast þannig norður fyrir miðnætti og farþegar að norðan komast beint í morgunflug.

Á leiðinni er stoppað fyrir farþega í Borgarnesi, Staðarskála, Blönduósi og Varmahlíð.

Fargjald aðra leið er 11.000 milli Akureyrar og Keflavíkur, Varmahlíð 10.000 kr., Blönduós 9.000 kr., Staðarskáli 7.000 kr. og Borgarnes 4.500 kr.

...
Meira

Sigurður Jensson fæddist í Reykjavík 15. júní 1853. Foreldrar hans voru Jens Sigurðsson, f. 6.7. 1813, d. 2.11. 1872, alþingismaður og rektor Lærða skólans í Reykjavík, og k. h. Ólöf Björnsdóttir, f. 22.2. 1830, d. 7.12. 1874 húsmóðir. Jens var sonur Sigurðar Jónssonar prófasts á Hrafnseyri og bróðir Jóns forseta. Ólöf var dóttir Björns Gunnlaugssonar stærðfræðings og yfirkennara við Lærða skólann.

Meðal systkina Sigurðar var Jón Jensson yfirdómari og alþingismaður.

Sigurður tók stúdentspróf frá Lærða skólanum 1873 og guðfræðipróf frá Prestaskólanum 1876. Hann fór síðan í framhaldsnám í guðfræði við Hafnarháskóla 1877-1878.

...
Meira

Í júní og júlí verður Kómedíuleikhúsið með sýningar á einleiknum Gretti öll miðvikudagskvöld. 
Saga eins mesta útlaga og vandræðagemsa allra tíma, Grettis Ásmundarsonar, verður að kraftmiklum einleik úr smiðju Kómedíuleikhússins. 
Grettir sterki Ásmundarson þótti ódæll í uppvexti sínum, fátalaður og óþýður, bellinn bæði í orðum og tiltektum en fríður maður sýnum. Mikill kappi á velli og svo sterkur að hann bar naut á herðum sér. Lagði hann og bjarndýr sem berserki og mera að segja drauginn Glám....
Meira

Þórður Jónsson, Þórður múrari, var þekktur borgari á Ísafirði um miðja nýliðna öld. Hann fullnumaði sig í múrverki í Danmörku og lauk prófi frá danska meistaraskólanum með konunglegu meistarabréfi. Á útskriftardaginn var hinum nýbökuðu meisturum boðið í konungshöllina, þar sem krónprins Friðrik tók á móti þeim, en hann varð seinna Friðrik konungur níundi. Var boðið upp á snaps og sígar og var glatt á hjalla.

            Þegar krónprinsinn fréttir að Íslendingur sé meðal meistar-anna vill hann fá að tala við hann. Friðrik ávarpar Þórð á ís-lensku, sem hann talaði ágætlega, að sögn Þórðar. Síðan ræddu þeir saman það sem eftir var heimsóknarinnar og hlógu mikið.

...
Meira

13:00 - 13:45     

Hátíðarguðþjónusta: Prestur: sr. Ásta Ingibjörg Pétursdóttir sóknarprestur í Hólsprestakalli, Bolungarvík. Söngur: Kirkjukór Þingeyrarprestakalls

Organisti: Tuuli Rähni.

Kaffiveitingar á meðan hátíð stendur.

 

 

 

 

...
Meira

Eins og oft áður standa Skógræktarfélag Dýrafjarðar og íþróttafélagið Höfrungur fyrir smá viðburði að morgni þjóðhátíardagsins. 
Lengi hefur verkefnið verið að huga að og bæta við gróðri umhverfis Íþróttamiðstöðina og tjaldstæðið á Þingeyri, en nú ber nýrra við.
Vinabær Ísafjarðarbæjar Kaufering í suður Bæjaralandi gefur í ár Ísafjarðarbæ allnokkurn fjölda lauftrjáa sem upprunnin eru í hlíðum bæverskra alpa. Hluti þessara trjáa eiga að fara í frjósama og skjólsæla hlíðina ofan við Aðalstrætið á Þingeyri og nú vantar okkur fólk til að koma þeim skikkanlega í jörð. Búið er að taka holur fyrir plönturnar og húsdýraáburður er til staðar á svæðinu.
Vinsamlega hafið með ykkur skóflur og fötur og ein til tvær léttar hjólbörur kæmu sér vel...
Meira

Sigurður Jónasson forstjóri afhenti íslenska ríkinu Bessastaði að gjöf þann 13. júní 1941.

Eftir einveldistöku Danakonungs urðu Bessastaðir embættisbústaður fulltrúa konungs, landfógeta og amtmanns þar til yfirstjórn landsins fluttist til Reykjavíkur.

Árið 1867 eignaðist þingmaðurinn og skáldið Grímur Thomsen Bessastaði og bjó þar í tæp tuttugu ár en við lát hans árið 1896 keypti Landsbanki Íslands staðinn af ekkju hans, Jakobínu Jónsdóttur.

Tveimur árum síðar keyptu hjónin Skúli Thoroddsen, ritstjóri og alþingismaður, og kona hans Theodóra Thoroddsen skáldkona Bessastaði og bjuggu þar með börnum sínum tólf til ársins 1908.

...
Meira