• Minjavernd gerir upp og endurgerir hús búnaðarskólans

Vinnu við gerð tillögu að deiliskipulagi fyrir gömlu bæjartorfuna í Ólafsdal í Gilsfirði er að ljúka. Verður hún send til afgreiðslu hjá sveitarfélaginu Dalabyggð einhvern næstu daga, að sögn Þorsteins Bergssonar, framkvæmdastjóra Minjaverndar. Þegar gengið hefur verið frá skipulagi verða teknar ákvarðanir um uppbyggingu Ólafsdalshúsanna. Þorsteinn telur víst að eitthvað verði byrjað seinnihluta næsta sumars.

Ár er síðan gerður var samningur sem fól í sér að Minjavernd tæki við eignum ríkisins í Ólafsdal til að endurbyggja gamla skólahúsið og önnur hús sem uppi standa og endurgera þau hús sem áður stóðu og tengdust skólanum.

...
Meira

Að þessu sinni verður níunda Ólafsdalshátíðin haldin 6. ágúst 2016, í annað skipti á laugardegi. Tókst mjög vel til með það í fyrra. Er það von Ólafsdalsfélagsins að með því fjölgi þeim gestum á hátíðinni sem kjósa að verja helginni í Dölum, Reykhólasveit eða nágrenni. Aðaldagskráin verður kl. 13-17 og mjög fjölbreytt eins og áður.

M.a. mun Lína langsokkur (Ágústa Eva Erlendsdóttir) koma og skemmta börnum á aldrinum 0-99 ára. Þá mætir Drengjakór íslenska lýðveldisins með nýtt prógramm og Guðrún Tryggvadóttir kynnir sýningu sína Dalablóð. Lífrænt vottað Ólafsdalsgrænmeti verður til sölu, glæsilegt Ólafsdalshappdrætti og vandaður handverks- og matarmarkaður.
Aðalræðumaður verður Þorsteinn Sæmundsson, alþingismaður og fyrrverandi kaupfélagsstjóri Kaupfélags Saurbæinga. 

Ókeypis er inn á hátíðina að vanda. Allir velkomnir! Opið er í Ólafsdal alla daga kl. 12-17 fram til 14. ágúst. Kaffi, vöfflur, Erpsstaðaís o.fl. í boði.

...
Meira

3. ágúst - Þennan dag árið 1980 var efnt til hátíðarhalda að Hrafnseyri við Arnarfjörð til að minnast hundruðustu ártíð Jón Sigurðssonar forseta. 
Minjasafn var opnað en það var fyrsta embættisverk Vigdísar Finnbogadóttur sem forseta Íslands. 
Að því er fram kemur á Þingeyrarvefnum mættu nokkur þúsund manns á svæðið. 
Segir einnig af skemmtilegu atviki þegar sr. Sigurbjörn Einarsson vígði Minningarkapellu Jóns. „Við það tækifæri var fjöldi manns var í anddyri kapellunnar og safnsins. Nokkurt skvaldur var þar í gangi sem ekki var beint á dagskrá en olli leiðinda truflun. Í miðri vígsluræðu stansaði biskup. Tók málhvíld, leit yfir sviðið og steig vel til hliðar við gjallarhornið og græjurnar sem tóku upp hvert hans orð fyrir útvarp og sjónvarp...
Meira

Guðni Th. Jóhannesson, forseti Íslands, og frú Eliza Reid heimsækja Sólheima í dag, 3. ágúst 2016. 
Tekið verður á móti forsetahjónunum klukkan 11 við Sesseljuhús þar sem gestir munu meðal annars skoða sýninguna Hrein orka, betri heimur.
Forsetahjónin snæða hádegisverð með íbúum. Eftir hádegi skoða þau vinnustofur, verkstæði og fyrirtæki Sólheima. Listsýning með verkum íbúa verður skoðuð sem og sýning sem sett var upp til minningar um Íslandsgöngu Reynis Péturs. Heimsókn forsetahjónanna lýkur með samveru í Sólheimakirkju sem hefst klukkan fjögur. 
Í tilkynningu segir Guðmundur Ármann, framkvæmdastjóri Sólheima, það íbúum Sólheima óvæntur og mikill heiður að fyrsta opinbera heimsókn þeirra hjóna skuli vera til Sólheima....
Meira

3. ágúst 1980

Hátíð var haldin á Hrafnseyri við Arnarfjörð til að minnast þess að hundrað ár voru liðin frá andláti Jóns Sigurðssonar. Kapella var vígð og minjasafn opnað en það var fyrsta embættisverk Vigdísar Finnbogadóttur sem forseta Íslands....
Meira

Við efnahagshrunið 2008 hrikti í stoðum íslensks samfélags, en stjórnvöldum þess tíma lánaðist þó að verja mikilvægustu undirstöður á borð við velferðarkerfið. Þeim lánaðist í harðri varnarbaráttu að leggja grunn að endurreisn efnahagslífsins með þeim árangri að nú er komið góðæri á Íslandi. Þrátt fyrir það hriktir enn í samfélagsstoðum okkar, átta árum síðar.  Svo virðist sem ástæðan sé meinsemd ekki alls óskyld þeirri sem plagaði íslenskt samfélag í aðdraganda hrunsins: Slakt stjórnarfar og skeytingarleysi um mikilvæg samfélagsleg grunngildi....
Meira

Rafn fæddist í Bakkakoti í Skagafirði 3. ágúst 1918. Foreldrar hans voru Pétur Jónsson, verkstjóri á Sauðárkróki, og k.h., Ólafía Sigurðardóttir. Pétur var sonur Jóns Jónssonar, bónda á Kimbastöðum, og Guðrúnar Eggertsdóttur, en Ólafía var dóttir Sigurðar Ólafssonar frá Ketilseyri í Dýrafirði og Dagbjartar Helgu Jónsdóttur.

Rafn kvæntist 1946 Karólínu Júlíusdóttur en hún lést 1994. 
Sonur Karólínu er Árni Júlíusson húsasmiður. Dóttir Rafns er Bergljót. Börn Rafns og Karólínu eru Júlíus framkvæmdastjóri; Pétur Ólafur verkefnastjóri; Kjartan tæknifræðingur; Auður skrifstofumaður og Dröfn, kennsluráðgjafi....
Meira

Ekki fer á milli mála að varp ýmissa fuglategunda hefur lánast vel hér um slóðir í vor. Á það bæði við um staðfugla og farfugla. Svo segja bændur og búalið. Þetta sést einkum á morgnana þegar náttúran leikur við hvurn sinn fingur. Þá sér maður fullt af ungum af mörgum tegundum: Skógarþrestir, maríuerlur, spóar, lóur, þúfutittlingar, hrossagaukar, gæsir, sólskríkjur, músarrrindill og nefndu það bara. Meira að segja krummi lætur ekki sitt eftir liggja. Æðarungar virðast hafa komist vel á legg og frú Kría lætur ekki sitt eftir liggja. Hún sýnist  hafa haft nóg sandsíli að færa ungum sínum. En auðvitað eru alltaf ýmis konar afföll....
Meira