03.08.2016 - 15:17 | Vestfirska forlagið,bb.is
„Ég hélt að ég ætti að hafa orðið hér í dag“
Minjasafn var opnað en það var fyrsta embættisverk Vigdísar Finnbogadóttur sem forseta Íslands.
Að því er fram kemur á Þingeyrarvefnum mættu nokkur þúsund manns á svæðið.
Segir einnig af skemmtilegu atviki þegar sr. Sigurbjörn Einarsson vígði Minningarkapellu Jóns. „Við það tækifæri var fjöldi manns var í anddyri kapellunnar og safnsins. Nokkurt skvaldur var þar í gangi sem ekki var beint á dagskrá en olli leiðinda truflun. Í miðri vígsluræðu stansaði biskup. Tók málhvíld, leit yfir sviðið og steig vel til hliðar við gjallarhornið og græjurnar sem tóku upp hvert hans orð fyrir útvarp og sjónvarp. Síðan leit hann nokkuð þungbrýnn yfir salinn og fram í anddyrið. Sagði svo þessi eftirminnilegu orð: „Ég hélt að ég ætti að hafa orðið hér í dag.“ Við þetta datt allt í dúnalogn og mátti heyra saumnál detta það sem eftir var athafnarinnar.
Biskup vissi vel hvað hann var að gera. Hastaði á liðið, veitti áminningu, en þó þannig að ekkert heyrðist í upptökutækjum.“
