• Endurreisa listaverk og byggingar Samúels Jónssonar á Vestfjörðum

„Langtímamarkmiðið er að það geti einhver verið á staðnum yfir sumartímann, tekið á móti gestum og sagt þeim frá öllu því sem þarna hefur átt sér stað,“ segir Kári G. Schram, formaður Félags um listasafn Samúels í Selárdal sem stofnað var árið 1998 en tilgangur félagsins er að stuðla að endurreisn listaverka og bygginga hins vestfirska listamanns Samúels Jónssonar. Félagið er nú að ljúka við að klæða hús Samúels og hefja þar innréttingar. Í húsinu á að vera gestaíbúð fyrir listamenn, fræðimenn og aðra áhugasama.

Endurbyggðu íbúðarhúsið

„Ég og Ólafur Jóhann Engilbertsson gerðum heimildarmynd um Samúel og staðinn á sínum tíma og í kjölfarið af því stofnuðum við þetta félag en markmið þess er að halda staðnum við þannig að hann fjúki ekki út í veður og vind. Við fengum til okkar myndhöggvarann Gerhard König og hann hefur verið okkur innan handar og meðal annars staðið að viðgerðum á listaverkum Samúels. Hann kann allar kúnstirnar og þekkir efniviðinn vel,“ segir Kári....
Meira

Gamanmyndahátíð Flateyrar var haldin á helginni við góðar undirtektir. Fjöldi gesta mætti á hátíðina og tvöfaldaðist íbúafjöldinn á Flateyri, en þar búa nú tæplega 200 manns. Húsfyllir var í samkomuhúsinu þegar ný sing-along útgáfa af hinni ástsælu kvikmynd Ágústs Guðmundssaonar Með allt á hreinu var heimsfrumsýnd.
Gríðalega góður rómur var gerður af sýningunni, stanslaust sungið og mikið hlegið. Fyrir sýninguna tók Ágúst Guðmundsson, leikstjóri myndarinnar á móti viðurkenningu hátíðarinnar fyrir framlag sitt til íslenskrar gamanmyndagerðar. Það var Gísli Halldór Halldórsson bæjastjóri Ísafjarðarbæjar sem afhenti viðurkenninguna....
Meira

Þetta mátti lesa í dagblaðinu Vísi þann 22. ágúst 1916.

E.s. GULLFOSS fer héðan til Stykkishólms, Flateyar, Patreksfjarðar, Ísafjarðar, Siglufjarðar og Akureyrar föstudag 25. ágúst.

Skipið fer frá Akureyri  2 . september , kemur við á Ísafirði, Önundarfirði, Dýrafirði og Ólafsvík, væntaniega til Reykjavíkur 5 . september

 — Héðan fer skipið áleiðis tii New York 7, september að kveldi.

Eimskipafélag Islands. 

...
Meira

Um 236 þúsund erlendir ferðamenn fóru frá landinu í júlí síðastliðnum samkvæmt talningum Ferðamálastofu í Flugstöð Leifs Eiríkssonar eða 55 þúsund fleiri en í júlí á síðasta ári. Aukningin nemur 30,6% milli ára.

Heildarfjöldi ferðamanna frá áramótum er um 936 þúsund, eða 34,1% fleiri miðað við fjölda ferðamanna á tímabilinu janúar til júlí árið 2015.

...
Meira

Forval Vinstrihreyfingarinnar græns framboðs í Norðvesturkjördæmi stendur nú yfir og búist er við spennandi kosningu. Kosið er bréflega og búið að senda kjörseðla til allra skráðra meðlima flokksins, sem skráðir voru 21. ágúst. 
Fjöldi flokksmanna í kjördæminu hefur meira en tvöfaldast á síðustu vikum og eru nú um 1100. Mesta fjölgunin hefur orðið í félagi VG á Vestfjörðum, sem nú er orðið annað stærsta félag flokksins á landsvísu, á eftir Reykjavík. Heimildir skutuls.is segtja að baráttan um efsta sætið standi á milli Lilju Rafneyjar Magnúsdóttur alþingismanns á Suðureyri, Bjarna Jónssonar bæjarfulltrúa í Skagafirði og Lárusar Ástmars Hannessonar bæjarfulltrúa í Stykkishólmi. Þá gefur Rúnar Gíslason námsmaður í Borgarnesi kost á sér í efstu sætin....
Meira

Í dag, 29. ágúst 2016, eru sextíu og fimm ár frá því Ísfirðingar fögnuðu komu nýsköpunartogarans Sólborg ÍS 260 til heimahafnar á Ísafirði. Sólborgin var smíðuð hjá Alexander Hall & Co. í Aberdeen í Skotlandi. Skipið var sjósett 26. janúar 1951 og reynslusiglt 22. ágúst sama ár. Viku síðar, eða þann 29. ágúst 1951, var Sólborg ÍS loks heimkomin til Ísafjarðar eftir smá viðkomu í Reykjavík á heimleiðinni. 
Sólborg ÍS 260 var síðasti gufutogarinn sem smíðaður var fyrir Íslendinga og jafnframt síðasti síðutogarinn sem smíðaður var sérstaklega fyrir Íslendinga í Skotlandi. 
Ítarleg umfjöllun var um komu Sólborgar í Vesturlandi, blaði vestfirskra sjálfstæðismanna. Í fyrirsögn segir að Sólborg hafi verið stærsti togari í eigu Íslendinga og að mikill mannfjöldi hafi fagnað komu togarans, þegar hann lagðist upp að bæjarbryggjunni. ...
Meira

Þættirnir Íslendingar eru eitt af því besta sem Sjónvarpið flytur okkur þessa dagana.
Í gærkvöldi var Aðalheiður Bjarnfreðsdóttir á dagskrá. Sú stórkostlega manneskja. Hún var alin upp í sárri fátækt í 20 systkina hópi. Hún var verkakona og verkalýðsleiðtogi af bestu gerð. Þó hún væri að drepast úr feimni að eigin sögn, beit hún á jaxlinn. Við eigum slíku fólki mikið að þakka. 
Það er Andrés Indriðason sem sér um þessa sjónvarpsþætti. Eru þeir í stíl við allt það mikla verk sem hann hefur unnið fyrir okkur í hálfa öld. ...
Meira

Eins og fram hefur komið hér á Þingeyrarvefnum, er símaskráin með skemmtilegri bókum ef að er gáð. Til að fatta það, þá verða menn að gera annað og meira en leita að einhverjum nöfnum og númerum. Hér er átt við starfsheitin sem oft fylgja.

   Til dæmis þessi:

   Galdrasagnfræðingur, drottning, hugmyndasmiður, Vestfjarðavíkingur, vísindaskáldsagnahöfundur, geimvera, djammari, höfðingi, lífskúnsner, heimsmeistari, fjallabróðir , drekinn, ofurninja, frímúrari, tölvuleikjaspilari, lyklakippugagnrýnandi, laxamaður, klapparsköfustjóri og heimasæta.

   Og svo koma þessi:

   Drekatemjari, ofurhetja, ilmvatnsfrú, prinsessa, þúsundþjalasmiður, herramaður, gullgerðarmaður, galdramaður og heimasæta.

...
Meira