30.08.2016 - 06:35 | Vestfirska forlagið,skutull.is
Spennandi flokksval hjá Vinstri grænum: - Fjölgar á flokksskránni
Lilja Rafney Magnúsdóttir er þingmaður VG í Norðvesturkjördæmi.
Kosið er bréflega og búið að senda kjörseðla til allra skráðra meðlima flokksins, sem skráðir voru 21. ágúst.
Fjöldi flokksmanna í kjördæminu hefur meira en tvöfaldast á síðustu vikum og eru nú um 1100. Mesta fjölgunin hefur orðið í félagi VG á Vestfjörðum, sem nú er orðið annað stærsta félag flokksins á landsvísu, á eftir Reykjavík.
Heimildir skutuls.is segtja að baráttan um efsta sætið standi á milli Lilju Rafneyjar Magnúsdóttur alþingismanns á Suðureyri, Bjarna Jónssonar bæjarfulltrúa í Skagafirði og Lárusar Ástmars Hannessonar bæjarfulltrúa í Stykkishólmi. Þá gefur Rúnar Gíslason námsmaður í Borgarnesi kost á sér í efstu sætin.
Alls gefa ellefu kost á sér í forvalinu, fimm konur og sex karlar. Póstkosningin stendur til 5. september. Atkvæði verða talin í Leifsbúð í Búðardal 12. september og þá verða úrslitin fyrst ljós.
