– Hvenær byrjaðirðu bókaútgáfu og hvað varð til þess?

„Þegar við vorum á Hrafnseyri var ég sífellt að kynna staðinn og segja fólki sögu Jóns Sigurðssonar. Því miður hefur það verið þannig gegnum tíðina, að fólk hefur séð Jón Sigurðsson sem standmynd steypta í eir á Austurvelli og nafnið Jón Sigurðsson forseti. Fæstir hafa hins vegar getað svarað því hvers vegna hann var kallaður forseti eða fyrir hvað hann stendur raunverulega í þjóðarsögunni.

Vegna hinnar almennu fáfræði um Jón forseta sem ég varð var við á Hrafnseyri sá ég þörfina á því að reyna að bæta þar úr með einhverjum hætti. Það hefur verið mjög algengur misskilningur allt til þessa dags, að Jón hafi verið fyrsti forseti Íslands. Jón var hins vegar forseti Kaupmannahafnardeildar Hins íslenska bókmenntafélags og þaðan fékk hann viðurnefnið forseti. Hann var kosinn til þess embættis að sjálfum honum forspurðum þegar hann var einu sinni sem oftar staddur á skipi úti á Atlantshafi á leið til Íslands. Raunar var hann líka löngum forseti Alþingis.

...
Meira

„Ég elska bæk­ur og ég skrifa um það sem brenn­ur á mér að upp­lýsa og gera heim­inn betri. Það kem­ur ekki til mála að lypp­ast niður,“ seg­ir Þór­unn Jarla Valdi­mars­dótt­ir rit­höf­und­ur, sem fagn­ar því að þrjá­tíu ár eru síðan hún sendi frá sér fyrstu bók sína. Hún seg­ist núorðið þola illsku heims­ins bet­ur.

Ég varð óvart rit­höf­und­ur, það er mín lukka. Þó að upp­lýs­ing­in hafi kennt okk­ur að hugsa vís­inda­lega eru ör­lög­in og til­vilj­an­ir enn að kasta okk­ur fram og til baka, rétt eins og á miðöld­um. Ég er ekki ein af þess­um sterku stelp­um sem ákváðu þegar þær voru litl­ar að þær ætluðu að verða skáld, en ömm­ur og afar og mamma og pabbi hafa kannski hvíslað að mér að ég gæti eitt­hvað, því ég sagði ein­hvern tíma að ég ætlaði að verða blaðamaður eða þingmaður. Hvíslið hef­ur skilað sér,“ seg­ir Þór­unn Jarla Valdi­mars­dótt­ir, rit­höf­und­ur og sagn­fræðing­ur, sem nú fagn­ar því að þrjá­tíu ár eru liðin frá því að hún sendi frá sér fyrstu bók sína

...
Meira

Það má búast við líflegum umræðum þann 2. og 3. september næstkomandi þegar stjórnmálamenn hitta þjóðina á FUNDI FÓLKSINS við Norræna húsið. Slegið verður upp tjaldbúðum þar sem hin ýmsu félagasamtök, stjórnmálaflokkar, stofnanir og fyrirtæki verða með starfsemi og þjóðþekktir einstaklingar stjórna sjóðheitum umræðum. Um Fund fólksins má finna upplýsingar á Facebook.

Hátíðin er vettvangur til að virkja lýðræðið og brúa bilið milli stjórnmálamanna og fólksins í landinu. Í bland við líflegar umræður verða síðan tónlistaratriði og ýmsar uppákomur.

...
Meira

Opnað hefur verið fyrir umsóknir í Íþróttasjóð Mennta- og menningarmálaráðuneytis. Ungmenna- og íþróttafélög og aðrir sem starfa að íþróttamálum og útbreiðslu eða fræðsluverkefnum og rannsóknum á sviði íþrótta geta lagt inn umsókn um styrk úr sjóðnum fyrir næsta ár.

Umsóknarfrestur er til 1. október næstkomandi.

Úr sjóðnum eru meðal annars veitt framlög til fjölda verkefna á vegum ungmennafélaga og íþróttafélaga sem miða að því að bæta aðstöðu til íþróttaiðkana. 

Markmið Íþróttasjóð er að stuðla að nýsköpun og eflingu íþróttastarfs fyrir börn og unglinga, aukinni þekkingu þjálfara og leiðbeinenda í íþróttastarfi, auka gildi íþróttastarfs í forvörnum og auka veg og viðringu íþróttastarfs í samfélaginu.

Hvernig verkefni styrkir Íþróttasjóður?

...
Meira

Þrír gefa kost á sér í flokksvali Samfylkingarinnar í Norðvesturkjördæmi. Prófkjörið er lokað flokksval og fer fram 8.-10. september. Ólína Þor­varð­ar­dótt­ir þing­maður Sam­fylk­ing­ar­innar í kjör­dæm­inu býður sig fram til að leiða list­ann. Hún var í öðru sæti fyrir síð­ustu kosn­ingar, en settist inn á þing síðasta vetur eftir lát Guð­bjarts Hann­es­sonar alþingismanns. Guð­jón Brjánsson Akranesi og Inga Björk Bjarna­dóttir frá Borgarnesi sækj­ast einnig eftir því að leiða list­ann. Kosningin verður bindandi í tvö efstu sætin.
Til stóð að kjósa um fjögur efstu sæti á lista Sam­fylk­ing­ar­innar í Norð­vest­ur­kjör­dæmi. ...
Meira

Finnur Magnússon fæddist 27. ágúst 1781 í Skálholti. Faðir Finns var Magnús Ólafsson lögmaður úr Svefneyjum og föðurbróðir Finns var Eggert Ólafsson náttúrufræðingur og skáld. Móðir Finns var Ragnheiður dóttir Finns Jónssonar biskups.

Finnur var í fóstri hjá Hannesi biskupi Finnssyni móðurbróður sínum og nam hjá honum skólavísindi og fór síðan til náms í Kaupmannahöfn. 
Finnur sneri til Íslands þegar faðir hans lést og árið 1806 var hann settur málafærslumaður við landsyfirréttinn í Reykjavík og var í því starfi þangað til Jörundur hundadagakonungur svipti hann embætti. Finnur fór þá til Kaupmannahafnar en þegar Jörundur var hrakinn frá völdum tók hann aftur við embætti sínu.
Árið 1812 fór hann aftur til Kaupmannahafnar.

...
Meira

     Þórarinn Sighvatsson, bóndi á Höfða í Dýrafirði, var um árabil umboðsmaður Ullarverksmiðjunnar Álafoss og sinnti því starfi af mikilli eljusemi og trúmennsku að mati beggja aðila, bæði kaupenda og seljenda.

     Á þeim árum var allur ullariðnaður í kalda koli hér á landi. Var haft eftir Þórarni umboðsmanni að það borgaði sig enganveginn að hirða ullina. Það væri ekkert við hana að gera annað en brenna hana.

     Þegar honum var bent á, að haft væri eftir Ómari bónda Sigurðssyni á Ketilseyri, að ullin borgaði áburðarkaupin á þeim bæ, stóð ekki á svari:

     "Það er nú lítið að marka það, hann kaupir aldrei mikinn áburð."

...
Meira

Gamanmyndahátíð Flateyrar fór vel af stað er húsfyllir var og mikið fjör er uppistandararnir Hugleikur Dagsson og Bylgja Babýlons skemmtu á Vagninum í gærkvöldi. Í kvöld verður dagskrá hátíðarinnar þétt og væn. Hefjast leikar á hláturjóga fyrir framan kirkjuna klukkan 18, þar sem gestir geta byrjað að æfa hláturvöðvana undir handleiðslu fagmanneskju í efninu. Klukkan 19 verða svo sýndar vestfirskar stuttmyndir í samkomuhúsinu og klukkan 21 verður heimsfrumsýnd svokölluð sing-along útgáfa af einni af ástsælustu kvikmyndum Íslandssögunnar, sjálfri Stuðmannamyndinni Með allt á hreinu. ...
Meira