25.11.2016 - 14:49 | bb.is,Vestfirska forlagið
Jólaljós tendruð á helginni
Jólaljósin lýsa á Þingeyri.
Á morgun, laugardag 26. nóv. klukkan 16 verða ljósin tendruð á Þingeyri. Sif Huld Albertsdóttir varabæjarfulltrúi flytur hugvekju og leikskólabörn af Laufási syngja jólalög.
Á sunnudag klukkan 16 verða ljósin tendruð á Flateyri. Sigurður Hreinsson bæjarfulltrúi flytur hugvekju og barnakór syngur undir stjórn Dagnýjar Arnalds.
Ljósin á jólatrénu við Félagsheimili Bolungarvíkur byrja einnig að lýsa á laugardag og koma bæjarbúar saman við félagsheimilið klukkan 14, þar sem stigið verður í dans í kringum jólatréð.
Vitað mál er að ljós á jólatrjám eru vís til að draga að góða gesti úr fjöllunum og er ólíklegt að annað verði uppi á teningnum þetta árið, það er að segja ef blessaðri kerlingunni henni Grýlu tekst að vekja syni sína í tæka tíð, en enn er nokkuð í að þeir komi formlega til byggða.
