Félagsblaðið Verk-Vest er komið úr prentun og fór í póstdreifingu inn á öll heimili á félagssvæðinu í byrjun mánaðarins. 
Flestir félagsmanna ættu því að vera komnir með blaðið í hendur fyrir nokkru. 

Blaðið er mjög veglegt eins og venja er til í útgáfum Verk-Vest.

Hér er hægt að flétta rafrænni útgáfu blaðsins

...
Meira

• Hlé gert á söluferli í árslok 2010 og nefnd skipuð um aðkomu ríkisins að eignunum • Nefndin virðist ekki hafa skilað niðurstöðu • Engin skilyrði af hálfu ríkisins um framtíðarhlutverk skólahúsnæðisins

Þrjár bygg­ing­ar rík­is­ins, sem áður hýstu héraðsskól­ann að Núpi í Dýraf­irði, eru nú aug­lýst­ar til sölu. Sölu­ferli eign­anna hef­ur verið í biðstöðu síðan árið 2010. Þá skipaði þáver­andi mennta- og menn­ing­ar­málaráðherra, Katrín Jak­obs­dótt­ir, nefnd sem gert var að setja fram hug­mynd­ir um framtíð eigna og aðstöðu rík­is­ins á staðnum.

...
Meira

Hlaupahátíð á Vestfjörðum var nú haldin í níunda sinn en hún hófst á föstudag með sjósundi en þar var keppt í 500 og 1500 m sundi. Keppendur voru 29 talsins og voru sigurvegarar þau Margrét J Magnúsdóttir í 1500 m og Jakob Daníelsson og Ingibjörg Kristjánsdóttir í 500 m.
Hátíðin hélt svo áfram um kvöldið þegar Arnarneshlaupið hófst með 21,1 km hlaupi og svo 10 km hlaupi. Þar voru 111 kempur sem skiluðu sér í mark og voru sigurvegarar í 21,1 km hlaupinu Rúnar Sigurðsson og Ingibjörg Kristjánsdóttir. Í 10 km hlaupinu voru það þau Ólafur Austmann Þorbjörnsson og Sonja Sif Jóhannsdóttir sem stóðu uppi sem sigurvegarar....
Meira

Þegar komið er til Þingeyrar taka flestir eftir fallegu og reisulegu húsi í hjarta byggðarinnar. 
Þetta er Simbahöllin og hefur kaffihúsið sem rekið er í húsinu oft komist á kortið sem besti og óvæntasti kaffistaðurinn á landinu. 
Hjónin Janne Kristensen og Wouter Van Hoeymissen keyptu húsið árið 2005 í því skyni að gera það upp. Kaupverðið var aðeins 2.500 krónur og þau hófust strax handa við endurbætur og fljótlega varð Simbahöllin mikil staðarprýði. Janne er dönsk en Wouter er belgískur. 
Kaffihúsið er á neðstu hæðinni en fjölskyldan býr á efri hæðunum. Þegar þau keyptu húsið hafði það staðið autt í nokkur ár og stóð jafnvel til að rífa það.
Saga Simbahallarinnar er um margt nokkuð merkileg. Í húsinu var nýlenduvöruverslunin Sigmundarbúð rekin í nokkra áratugi og síðar raftækjaverslun og myndbandaleiga. Íbúar Þingeyrar eiga því margar minningar tengdar Simbahöllinni....
Meira

„Ver­búðir voru íverustaðir sjó­manna sem reru til fiskj­ar á árum áður frá land­námi. Þetta eru stein­hlaðin hús við sjáv­ar­strönd­ina. Þess­ar minj­ar eru ein­fald­lega að hverfa í brimið með hækk­andi sjáv­ar­yf­ir­borði og land­sigi,“ seg­ir Eyþór Eðvarðsson, formaður Forn­minja­fé­lags Súg­anda­fjarðar, en fé­lagið hef­ur reist ver­búð í Staðar­dal í Súg­andafirði að þúsund ára gam­alli fyr­ir­mynd.

„Verk­efnið byrjaði með stofn­un Forn­minja­fé­lags­ins fyr­ir rúm­um þrem­ur árum. Við stofnuðum fé­lagið til þess að skoða hvað væri til af forn­minj­um í firðinum, skrá ör­nefni og sögu fornra hluta og svæða. Einnig erum við að safna göml­um ljós­mynd­um á vefsvæði,“ seg­ir Eyþór en bygg­ing ver­búðar­inn­ar hófst síðastliðið sum­ar.

„Við feng­um Valdi­mar Öss­ur­ar­son úr Kolls­vík til þess að rýna í gaml­ar ver­búðir og hann kom með til­gátu um hvernig þetta leit út. Fyr­ir­mynd­in er sótt í gamla tím­ann og því mjög ein­föld, byggð úr grjóti, torfi og viði.“

Eyþór seg­ir að marg­ar forn­minj­ar séu í Súg­andafirði og eins á öllu land­inu. „Ísland er búið að skrá um 25% af forn­minj­um sín­um, sem er mjög lítið en það vant­ar pen­ing í verk­efnið.“

...
Meira

Í upphafi sjötta áratugar síðustu aldar var m/b Gullfaxi gerður út frá Þingeyri. Skipstjóri var Gunnar Jóhannesson á Ásgarðsnesi. Á Gullfaxa var einnig skipverji Guðmundur Friðgeir Magnússon þá til heimilis á Balanum í húsi því er Benjamín fyrrum bóndi og skipstjóri á Múla byggði skömmu eftir aldamótin.

G. Friðgeir og foreldrar hans fluttu frá Hrauni í Keldudal að Þingeyri skömmu fyrir miðja öldina og keyptu húsið á Balanum, þegar Hjálmar Gíslason fer úr húsinu og frá Þingeyri.

Þegar m/b Gullfaxi kom úr róðri kom Magnús ævinlega niður á bryggju og fékk tvo fiska í soðið hjá syni sínum Friðgeir. Eitt sinn, þegar róið var á steinbítsmið um vorið, var lítill afli. Magnús mætir að venju á bryggjuna og horfir ofan í bátinn til sonar síns. Þá kallar Friðgeir til föður síns: „Nægir þér ekki einn núna, pabbi“? Karl svarar syni sínum: „Hafðu hann þá Stóran, sonur sæll.“

...
Meira

Hafliði Þórður Magnússon, listamaður frá Bíldudal, var fæddur þann 16. júlí 1935 og í dag eru því 82 ár frá fæðingun hans. Hafliði lést þann 25. júní 2011  á heimili sínu á Selfossi.

Hafliði var fæddur í Hergilsey á Breiðafirði. Hann fluttist þaðan 6 ára í Arnarfjörð þar sem fjölskyldan bjó á ýmsum stöðum en lengst af bjó hann á Bíldudal. Hann bjó einnig um tíma í Reykjavík.

Hafliði starfaði m.a. sem sjómaður og þá mest á síðutogurum, við fiskvinnslu og einnig kenndi hann sjóvinnu. Þá vann hann við uppbyggingu Mjólkárvirkjunar og endurgerð fæðingarbæjar Jóns Sigurðssonar á Hrafnseyri við Arnarfjörð.

Frá árinu 1998 bjó Hafliði síðan á Selfossi ásamt sambýliskonu sinni Evu Þórarinsdóttur frá Suðureyri við Súgandafjörð. Á Selfossi vann hann ýmis störf, síðast hjá SG við trésmíðar þar sem hann lauk hefðbundinni starfsævi árið 2002.

En Hafliði Magnússon var fyrst og fremst rithöfundur, ljóðskáld, söngleikjahöfundur og málari. Þá lagði hann mikla rækt við sagnaþætti af ýmsum toga og flest í því tengdist Bíldudal og Arnarfirði. Hann var svo sannarlega margþættur listamaður og þeim störfum helgaði hann sig alfarið eftir að hann hætti störfum hjá SG.

...
Meira

Í lok júní sl. kom út bókin Núpsskóli í Dýrafirði  - Ungmenna -  og héraðsskóli 1907 – 1992 og var útgáfunni  fagnað á samkomu að Núpi í Dýrafirði.

Það er félagið Hollvinir Núpsskóla er gefa bókina út sem er í stóru broti og 424 síður alls. Bókin er hin glæsilegasta í alla staði en hana ritaði Aðalsteinn Eiríksson frá Núpi. 

Sigríður J. Valdimarsdóttir, formaður Hollvina Núpsskóla og Steinar Vilhjálmsson, gjaldkeri, hófu dreifingu bókarinnar þann 11. júlí sl. til áskrifenda. Í upphafi var farið á Eyrarbakka og fyrstur til að fá bókina afhenta var Björn Ingi Bjarnason frá Flateyri sem var í landsprófi í Núpsskóla veturinn 1968-1969.

Núpsskóli...
Meira