Boðað er til samstöðufundar laugardaginn 6. desember kl. 17.30 á Víkingasvæðinu, Þingeyrarodda. Tilgangur fundarins er að sýna samstöðu og mótmæla, á friðsamlegan hátt, spillingu, græðgi og óréttlæti í íslensku þjóðfélagi. Mótmælabréf mun liggja frammi þar sem fólk getur skrifað undir. Þeim sem vilja koma fram og halda tölu á fundinum er bent á að setja sig í samband við Borgnýju Skúladóttur. Síminn hjá henni er 893 2004. Einnig verður orðið gefið laust á fundinum.

Sameinumst Dýrfirðingar og allir þeir sem bera hag lands og þjóðar fyrir brjósti. Sýnum samtakamátt í verki, njótum samverunnar og mótmælum núverandi ástandi um leið. Þeir sem vilja geta komið með friðarkerti með sér sem kveikt verður á. Komum klædd eftir veðri.

...
Meira

Einar Ágúst Einarsson var yngstur sona Einars Bæringssonar á Dynjanda, fæddur þann 2. ágúst 1903, lést á Ísafirði 9. September 1990. Kona hans var Þórunn Magnúsdóttir, ættuð úr Aðalvík, fædd þann 28. ágúst 1904 en lést á Ísafirði 15. janúar 1973. Þó hann teljist ekki til ábúenda á Dynjanda, þá tengist frásögn hans lífi, starfi og atburðum þar og tíðarandanum er var við lýði um 1930 þegar faðir hans lést. Ágúst var duglegur maður, var á og við sjóinn alla sína starfsævi. Hann byrjaði snemma að róa á áraskipi föður síns, Sigurvon, og var orðinn formaður á henni er slysið varð sem hann segir frá í frásögninni, 14. maí 1927, þá 24 ára gamall. Hann var einnig nokkuð á vertíðarbátum og togurum en þó mest á eigin báti sem hann eignaðist nýjan ungur að árum. Það má segja að ævistarf hans hafi verið samofið tilveru þessa báts, sem honum þótti mjög vænt um og hélt vel við. Hann er nú í góðu standi á byggðasafninu á Ísafirði. Bátinn lét hann heita Jóhönnu eftir föðurömmu sinni og hafði trú á því, að hún væri jafnan með sér á sjónum (konan með bláa klútinn)....
Meira

Viltu vera með í að skapa jólastemmingu einn dag í Félagsheimilinu? Viltu selja eða sýna vörur eða hluti sem þú átt heima? Kannski vantar einhverja hugmyndir að jólagjöfum? Kannski vantar þig að finna jólagjafir? Komdu og vertu með! Jólamarkaður verður í Félagsheimilinu sunnudaginn 7. desember kl. 13:00 - kl. 16:00. Ef þú vilt sýna eða selja, kostar básinn 1000 krónur....
Meira

Brotist var inn í sundlaugarbygginguna á Þingeyri í síðustu viku og stolið peningum úr afgreiðslu. Þjófarnir brutu rúðu í húsinu til að komast inn og brut síðan gler í afgreiðslu til að komast þar inn. Að morgni miðvikudagsins kom í ljós að reynt hafði verið að brjótast inn í Shellskálann í Bolungarvík. Tilraun hafði verið gerð til að spenna upp hurð á aðalinngangi skálanns og einnig hafði verið reynt að brjóta upp hurð á starfsmannainngangi....
Meira

Skipulagsstofnun hefur fallist á tillögu vegagerðarinnar að mati á umhverfisáhrifum vegna fyrirhugaðra jarðganga milli Dýrafjarðar og Arnarfjarðar, að uppfylltum ákveðnum skilyrðum. Áætlað var að bjóða verkið út á næsta ári. Göngin milli Arnarfjarðar og Dýrafjarðar eiga að vera 5.1 kílómetri á lengd og reiknað var með að framkvæmdatíminn yrði um tvö ár, þ.e. að göngin yrðu tilbúin árið 2011 eða 2012. Upphafleg kostnaðaráætlun hljóðaði upp á 2,3 milljarða króna en búast má við að þær tölur hafi hækkað nokkuð....
Meira

Það er mikil tilhlökkun á meðal kórfélaga í karlakórnum Vestra þar sem þeir koma nú fyrst fram opinberlega, eftir að kórinn var stofnaður 1. maí sl. á Bjargtöngum. Sunnudaginn 30. nóvember nk. verða fyrstu tónleikarnir haldnir í Félagsheimilinu Baldurshaga á Bíldudal og hefjast þeir kl. 14.00. og sama dag í Tálknafjarðarkirkju kl. 17.00. Næstu tónleikar kórsins verða í Félagsheimilinu Birkimel laugardaginn 6. desember kl. 14.00 og í Patreksfjarðarkirkju sama dag kl. 17.00. Á tónleikunum verður í anda árstíðarinnar flutt jóladagskrá. Einnig verður boðið upp á einsöng, dúett og kvartett. Efnisskráin er afar fjölbreytt og er miðaverð 1000 krónur. Kórinn hefur opnað heimasíðu sem er http://123.is/vestri

Umhverfisnefnd Ísafjarðarbæjar hefur ákveðið að boða til opins borgarafundar á Ísafirði til að kynna frummatsskýrslu vegna snjóflóðavarna ofan Holtahverfis í Ísafjarðarbæ. Fundurinn fer fram mánudaginn 8. desember kl. 18 í Stjórnsýsluhúsinu Ísafirði. Þá hefur umhverfisnefnd einnig ákveðið að boða til almennra borgarafunda í öllum byggðakjörnum Ísafjarðarbæjar á nýju ári til að kynna nýtt aðalskipulag. Fyrsti fundurinn fer fram á Suðureyri þann 20. janúar kl. 18 og næsti kl. 20 sama dag á Flateyri. Þá verður fundað á Þingeyri 21. janúar kl. 18 og á Ísafirði daginn eftir kl. 18.

Umhverfisnefnd Ísafjarðarbæjar hefur samþykkt endurbyggingu á gamla Salthúsinu á Þingeyri á upprunalegum stað. Sótt var um leyfi til að reisa húsið í sinni upprunalegu mynd og er verkið er unnið með tilstyrk húsafriðunarnefndar. Endurreisn hússins hófst fyrir nokkrum árum en hlé hefur verið á þeim að undanförnu og eru Þingeyringar orðnir langeygir eftir framkvæmdalokum. Fyrr á árinu var hafist handa við að endurgera bita og fjalir úr húsinu. Salthúsið var reist á 18. öld. Sagan segir að húsið sé jafn gamla pakkhúsinu á Hófsósi, þar sem Vesturfararsetrið er til húsa þótt umdeilt sé hvenær húsið hafi verið byggt....
Meira