Breiðfirðingafélagið sigraði í Spurningakeppni átthagafélaga, en úrslitakeppnin við Noirðfirðingafélagið fór fram í Breiðfirðingabúð í fyrrakvöld.

Lið sextán félaga tóku þátt í keppninni, þar af voru níu með rætur á Vestfjarðakjálka eða kringum Breiðafjörð.

Félögin sem Breiðfirðingafélagið sló út á leið sinni á sigurbrautinni voru Barðstrendingafélagið, Árnesingafélagið, Skaftfellingafélagið og loks Norðfirðingafélagið í úrslitarimmunni í fyrrakvöld.

Barðstrendingafélagið fékk verðlaun fyrir besta klappliðið í keppninni.

Dýrfirðingafélagið hlaut verðlaun fyrir bestu tilþrifin í leiknum.

Höfundur spurninga og dómari í keppninni allri var Gauti Eiríksson kennari og leiðsögumaður frá Stað á Reykjanesi.

Verðlaunin fyrir Pubkvissið hlaut Dýrfirðingurinn Þorbergur Steinn Leifsson en hann hlaut flugferð fyrir tvo með Wow air til Evrópu. Það var ÍNN sem gaf þessi verðlaun.

Hið árlega Grímutölt Hestamannafélagsins Storms verður haldið í reiðhöllinni að Söndum, fimmtudaginn 25. apríl, sumardaginn fyrsta, kl. 13:00. Keppt verður í þremur flokkum, Krakkar (0-13 ára), ungmenni (14-20 ára) og fullorðnir (21 árs og eldri). Yngsti hópurinn má sýna brokk eða tölt og dæmt verður fyrir ásetu og stjórnun. Hinir tveir flokkarnir sýna eingöngu tölt; hægt, milliferð og hraðabreytingar. Dæmt verður fyrir fegurð í reið. Veitt verða verðlaun fyrir fyrstu þrjú sætin en einnig verða veitt ein verðlaun fyrir flottasta búninginn í hverjum flokki. Skilyrði fyrir þátttöku er að knapar mæti í búningi. Skráningargjald er kr. 1.000.- sem greiðist á staðnum. Vinsamlegast tilkynnið þátttöku í síma; 693-1847 - Viktor eða 696-3213 Signý. Gefa þarf upp nafn knapa og nafn hests.
...
Meira

Dýrfirðingurinn Snorri Þór Guðmundsson er staðráðinn í að láta drauma sína rætast og tekur nú þátt í keppni á netinu þar sem hann á möguleika á þátttöku í einni erfiðustu skútusiglingakeppni heims. Keppnin heitir Clipper Round The World Yacht Race og stendur yfir í 11 mánuði en Snorri sækir um að sigla einn "legg" keppninnar, frá Suður Afríku til Ástralíu. Aðeins eitt sæti er í boði og verður sá heppni valinn úr hópi þeirra sem hljóta flest atkvæði á netinu. Snorri er sem stendur í 1. sæti en skráðir þátttakendur eru 255 talsins og aðeins vika er eftir af kosningunni. Til að kjósa Snorra þarf að smella á tengilinn hér, velja Vote Now og skrá netfang. Til að staðfesta atkvæðið þarf að fylgja tenglinum sem birtist í tölvupóstinum frá system@experience-tour.com. Kosningu lýkur 23. apríl 

Lið Dýrfirðinga tapaði naumlega fyrir liði Norðfirðinga í undanúrslitum í Spurningakeppni átthagafélaganna í gærkvöld. Keppnin var jöfn og spennandi allan tíman og réðust úrslit ekki fyrr en á síðustu spurningunni.

Í hinni keppninni unnu Breiðfirðingar síðan Skaftfellinga í spennandi keppni.

Norðfirðingafélagið og Breiðfirðingafélagið keppa því til úrslita í Spurningakeppni átthagafélaganna 2013 og verðu keppt í Breiðfirðingabúð á síðasta vetrardegi, miðvikudaginn hinn 24. apríl n.k. 

Það er komið að undanúrslitunum sem verða annað kvöld, fimmtudagskvöldið 11. apríl kl. 20:00, í  Breiðfirðingabúð, Faxafeni 14 fyrir ofan Bónus

Breiðfirðingafélagið mætir Skaftfellingafélaginu 
Norðfirðingafélagið mætir Dýrfirðingafélaginu

Þetta er keppni sem enginn Dýrfirðingur getur látið fram hjá sér fara!

Aðgangseyrir 500 krónur

Allir velkomnir 

„Þetta er skref í rétta átt. Það er greinilegt að það borgar sig að opna munninn því þetta sýnir manni að fólk verður að gera athugasemdir þegar því þykir brotið á sér,“ segir Gunnhildur Björk Elíasdóttir á Þingeyri, sem gerði gerði athugasemd í síðasta mánuði við það óréttlæti sem henni fannst hún verða fyrir af hálfu Ísafjarðarbæjar, að fá hvorki greitt fyrir setu í fræðslunefnd sveitarfélagsins né fyrir akstur til og frá Þingeyri. 

Samkvæmt upplýsingum blaðsins kom vel til greina af hálfu sveitarfélagsins að endurskoða aðferðir bæjarins við greiðslur fyrir fundarsetur.
 ...
Meira

„Við opnum Sandafell 15. maí. Það verður allt með hefðbundnu sniði.
Þetta gekk ágætlega í fyrra, það er alltaf stig vaxandi fjölgun hjá okkur,“ segir Jóhanna Gunnarsdóttir, vert á Hótel Sandafelli á Þingeyri. Á hótelinu er einnig veitingasalur með vínveitingaleyfi þar sem boðið er upp á ýmsar kræsingar og listsýningar. „Listsýningarnar eru opnaðar í tengslum við Dýrafjarðardaga, sem eru alltaf fyrstu helgina í júlí, og sumar sýningarnar eru stutt uppi en aðrar út sumarið. Það eru þrjár sýningar í skoðun og tvær líklegar til að verða settar upp,“ segir Jóhanna

"Leikritið vinæsla og ástsæla Sigvaldi Kaldalóns verður sýnt á Þingeyri um helgina. Sýnt verður í hinu frábæra félagsheimili staðarins á sunnudag 7. april kl.17. Miðasala á staðnum á sýningardag einnig er hægt að panta miða strax í dag í síma 891 7025. Leikritið um Sigvalda Kaldalóns hefur verið sýnt í Hömrum Ísafirði og hefur verið fullt á svo gott sem allar sýningar. Nú liggur leiðin á Þingeyri og fleiri sýningar eru á döfinni um landið m.a. í Saurbæ, Stykkishólmi og í Dalbæ á Snæfjallaströnd.
Það eru þau Elfar Logi Hannesson og Dagný Arnalds sem leika, spila og syngja í þessari rómuðu sýningu um Sigvalda Kaldalóns. Verkið fjallar um ár Sigvalda þegar hann starfaði sem læknir í Ísafjarðardjúpi. Þar gerðist margt sögulegt og víst var tónskáldið Sigvaldi í essinu sínu og allar götur síðan minntist hann þessa tíma með ást og söknuði. Fjölmörg lög eru flutt í sýningunni. "

Tekið af síðu Komedíuleikhússins.