Þann 1. október 1846 var hús Hins lærða skóla í Reykjavík (nú Menntaskólans) vígt, en skólinn hafði áður verið á Bessastöðum.
Þetta var lengi stærsta hús bæjarins. Flutningur skólans „átti drjúgan þátt í að breyta Reykjavík úr hálfdönsku sjávarkauptúni í alíslenskan kaupstað,“ að mati Jóns Helgasonar biskups.
Meðal rektora Hins lærða skóla var Jens Sigurðsson frá Hrafnseyri við Arnarfjörð sem var rektor 1869 - 1872. Jens Sigurðsson var árið 1852 fyrsti kennari við Barnaskólann á Eyrarbakka og Stokkseyri sem er elsti barnaskóli Íslands....
Meira

Kómedíuleikhúsið hefur síðustu ár verið með samning við bæinn sinn, Ísafjarðarbæ, um ýmis árleg verkefni í bæjarfélaginu. Meðal stærstu verkefna er að bjóða öllum skólum bæjarins uppá eina leiksýningu árlega frá Kómedíuleikhúsinu. Elstu bekkir grunnskóla Ísafjarðar og Þingeyrar fengu í upphafi árs að sjá nýjustu kómedíuna. Hinn kraftmikla Gretti.
Nú er komið að því að sækja aðra skóla Ísafjarðarbæjar heim og bjóða uppá eitt stykki leiksýningu.

Í ár verður boðið uppá hina ævintýralegu sýningu Búkolla

...
Meira

Sögusagnir eru margar. Ein þeirra er sú að Bílddælingar geri meira af því að skemmta sér en að vinna. Meðan íbúar næsta þorps geri akkúrat öfugt. Ekkert skal fullyrt um þessa sögn enda er hún bara saga ef til vill bara þjóðsaga. Hitt er hinsvegar alveg ljóst og marg vitað að list hefur allt frá upphafi þorpsmyndunnar á Bíldudal verið þar í miklum metum. Leiklist hefur jafnan verið þar fremst í flokki en fyrstu heimildir um leiksýningar á Bíldudal eru frá árinu 1894. Síðan þá hefur verið leikið í þorpinu af miklum krafti....
Meira

Hjónaballið á  Þingeyri verður  laugardaginn 24. október 2015 í Félagsheimilinu á Þingeyri.

Matur skemmtun og ball á góðu verði.

Veislustjórn verður í höndum Árna Brynjólfssonar frá Vöðlum í Önundarfirði.

Eftir mat taka við hinir hjónalegu Keli og Jónsi úr hljómsveitinni -Í svörtum fötum- og spila fram á rauða nótt....
Meira

Blaðið Vestfirðir kemur aftur út á morgun eftir tveggja mánaða hlé vegna eigendaskipta. Það mun koma út aðra hverja viku eins og áður var og blaðið á morgun verður 15. tbl ársins 2015.

Um það hefur samist að ég (Kristinn H. Gunnarsson) verði áfram ritstjóri og hef sem fyrr frjálsar hendur um efnisval og efnistök....
Meira

Á laugardag, 3. október 2015, verður forsýning á heimildarmyndinni Veðrabrigði í Félagsheimilinu á Flateyri. Í myndinni er fylgst með nokkrum þorpsbúum við störf sín og rætt við þá um lífskilyrði þeirra og þorpsins. Hjálmtýr Heiðdal, aðalframleiðandi myndarinnar, segir að saga Flateyrar síðasta áratuginn eða svo, segir margt um baráttu sjávarþorpa fyrir tilveru sinni. „Í myndinni er Flateyri fulltrúi fyrir öll þessi þorp hringinn í kringum landið sem hafa látið undan. Á Flateyri var um þrjú þúsund tonna kvóti en í dag er þar nokkur hundruð tonna byggðakvóti,“ segir Hjálmtýr....
Meira

Ólöf Nordal, hinn ágæti innanríkisráðhera okkar, á annríkt við borðaklippingar og sprengingar vegna vegabóta--- það er séð í gegn um fingur við hana þótt hún hafi ekki sprengingaleyfi, gleðin yfir framkvæmdunum yfirskyggir.

Í september árið 1954 var lokið merkum áfanga í vegagerð á Vestfjörðum. Vinnuflokkur Þorsteins Ólafssonar lauk tengingu við veg sem þá var kominn út fyrir brúna á Hvalláturdalsá. Þar með akfært fyrir Dýrafjörð....
Meira

Jónasína Þrúður Kristjánsdóttir fæddist í Fremri-Hjarðardal í Dýrafirði 8. janúar 1914. Hún lést á hjúkrunarheimilinu Grund 17. september 2015.

Foreldrar hennar voru Kristján Benónýsson, bóndi, f. 25.8. 1885, d. 2.10. 1969, og Kristín Þórðardóttir, húsfreyja, f. 30.3. 1881, d. 12.12. 1941.

Systkini: Þórður Ingimar, húsasmíðam., f. 3. júlí 1917, d. 5. maí 2014. Ásgerður, húsm. f. 9. júlí 1918, d. 24. maí 2010.

Benóný Björgvin, pípul.m., f. 24. maí, d. 12. des. 1992.

Jónasína giftist Gunnari Thordarsyni, f. 19. okt., d. 15. des. 1971, frá Ísafirði 23. okt. 1937 og bjuggu þau fyrstu árin í Reykjavík. Fluttu til Siglufjarðar 1940, til Reykjavíkur fluttu þau síðan 1949.

Börn Jónasínu og Gunnars:

...
Meira