Margir slefa hjólhýsum eftir bílum sínum um þjóðvegina og hafa til gistingar á ferðalögum. Hjólhýsi eru engin nýlunda. Á myndinni standa þeir Ásvaldur Guðmundsson í Ástúni og Guðni Ágústsson á Sæbóli við hjólhýsi sitt fyrir liðugum sextíu árum , myndin tekin árið 1953.

Guðni og Ási voru þá ýtustjórar, stjórnuðu Sandsýtunni sem var International beltavél stærðin TD 14 og var þá öflugusta jarðýtan í Vestur Ísafjarðarsýslu. Þeir voru að ryðja veginn í skriðufótum innan við Langasker, þegar verið er að leggja veg fyrir Dýrafjörð, unnu vaktavinnu og sá sem frívakt átti svaf þá í hjólhýsinu því arna. Þessi háttur hafður á því þeirra vinnustaður var nokkuð fjarri vegavinnubúðum og illa bílfært til þeirra....
Meira

Saltnes er innan við Haukadal í Dýrafirði og geymir forna sögu og nýja.

1. 
Saltnes er nefnt í Gísla sögu Súrssonar. Þar voru grýtt til bana systkinin Þorgrímur nef og Auðbjörg ,búendur í Haukadal en hinar mestu galdrakindur. Þorgrímur smíðaði spjót úr sverðinu Grásíðu sem var í farangri Súrssona þegar þeir komu til Íslands, sverðið komið í þerirra eigu með með svikum og ofbeldi en hafði brotnað. Spjótið úr Grásíðubrotum var notað til að drepa Véstein frá Hesti í Önundarfirði, fóstbróður Gísla og Þorgrím mág hans. Auðbjörg olli mannskaða með fordæðuskap, hleypti af stað aurskriðu með galdrakúnst og banaði fólki. Þau systkinin Þorgrímur og Auðbjörg eru dysjuð á Saltnesi...
Meira

„Við byrjuðum á miðvikudaginn. Svo erum við búnir að baka uppá hvern dag síðan á miðvikudag. Og nú er mánudagur og við byrjuðum klukkan eitt í nótt og við reiknum með því að vera til klukkan fjögur í dag og verðum vonandi búnir þá,“ segir Árni Aðalbjörnsson, bakarameistari í Gamla bakaríinu á Ísafirði. ...
Meira

Það er óhætt að segja að nýjasta sýning Kómedíuleikhússins um Gísla á Uppsölum hafi slegið í gegn. Leikurinn var frumsýndur á söguslóðum í haust og hefur nú þegar verið sýndur um 40 sinnum um land allt. Nú síðast var Gísli á fjölunum í sjálfu Þjóðleikhúsinu hvar leikurinn var sýndur 15 sinnum og alltaf nema tvisvar var uppselt. Þó Gísli fái nú aðeins að pústa, fá sér smá kaffi og rjóma þá er sýningum hvergi nærri lokið. Í raun erum við rétt að byrja. 

Sýningar á Gísla á Uppsölum hefjast að nýju í lok mars.

...
Meira

Jæja, nú er lag að rifja upp hvað við höfum verið að bolloka hér á Þingeyrarvefnum undir hatti Vestfirska forlagsins. Hér verða nefnd ýmis þjóðþrifamál sem hafa verið á dagskrá. Kennir þar margra grasa. Er það að gefnu tilefni frá í gær frá honum Nonna Björgvins.

Það hafa ekki alltaf verið bara fréttir um ekki neitt! Þetta er nú nokkuð langur listi. En tökum aðeins nokkrar stikkprufur af fyrirsögnum með smá skýringum. Þær segja sitt.

 Nonni Björgvins segirá bb.is: „En markmið opinnar umræðu í réttu formi er að fá fram nýjar hugmyndir og nýjar lausnir og við erum ekki óvinir þegar við skiptumst á skoðunum.“ 

Þetta er mergurinn málsins!...
Meira

Blaðamannafélag Íslands hefur kynnt tilnefningar til blaðamannaverðlaunanna 2016. Veitt eru verðlaun í fjórum flokkum, fyrir viðtal ársins, umfjöllun ársins, rannsóknarblaðamennsku ársins, og loks eru veitt blaðamannaverðlaun ársins.

Verðlaunin verða afhent á laugardaginn 4. mars.  Tilnefningarnar eru alls tólf talsins í fjórum flokkum:

...
Meira

Björn Pálsson fæddist á Snæringsstöðum í Svínadal 25.2. 1905. Foreldrar hans voru Páll Hannesson, bóndi á Snæringsstöðum og síðar á Guðlaugsstöðum, og k.h., Guðrún Björnsdóttir húsfreyja.

Meðal bræðra Páls voru Guðmundur læknaprófessor og Jón á Brún, langafi Guðrúnar Agnarsdóttur læknis og Ástríðar Thorarensen hjúkrunarfræðings. Guðrún Björnsdóttir var hálfsystir Sigurgeirs, föður Þorbjarnar prófessors, og hálfsystir Þorsteins, frumbýlings á Hellu, föður Björns sagnfræðiprófessors.
Guðrún var dóttir Björns Eysteinssonar, bónda í Grímstungu, bróður Ingibjargar, langömmu Friðriks Sophussonar, fyrrv. ráðherra.
Meðal systkina Björns voru Hannes bóndi á Undirfelli, afi Hannesar Hólmsteins Gissurarsonar prófessors, Hulda, húsfreyja á Höllustöðum, móðir Páls Péturssonar, fyrrv. alþm. og ráðherra, og Halldór búnaðarmálastjóri.

Eiginkona Björns var Ólöf Guðmundsdóttir frá Flatey á Skjálfanda og eignuðust þau 10 börn.

...
Meira

Grunnskólar Ísafjarðarbæjar hafa í vikunni haldið skólakeppnir meðal nemenda í 7.bekkjum skólanna fyrir Stóru upplestrarkeppnina sem fram fer í Hömrum þann 9. mars. 
Á þriðjudaginn fór undankeppni fram í Grunnskólanum á Þingeyri. Þá komu saman 7. bekkjar nemendur úr grunnskólunum á Þingeyri, Flateyri og Suðureyri og lásu sögubúta og ljóð. Dómararnir Hildur Inga Rúnarsdóttir, Elfar Logi Hannesson og Guðrúnar Birgisdóttir völdu þau Auðbjörgu Ernu Ómarsdóttur og Grétu Proppé Hjaltadóttur frá G.Þ. og Einar Arnalds frá G.Ö til áframhaldandi keppni....
Meira