Aðalfundur íbúasamtakanna Átaks í Dýrafirði verður haldinn í félagsheimili Þingeyrar þriðjudagskvöldið 5. apríl kl. 20:00. Á dagskrá er eftirfarandi:
1. Skýrsla stjórnar
2. Breyting á samþykktum íbúasamtakanna til aðlögunar við samþykktir hverfaráðs Ísafjarðarbæjar, (fyrir þá sem vilja kynna sér samþykktirnar, liggja þær frammi í N1 fram að aðalfundi)
3. Kosning nýrrar stjórnar
4. Önnur mál
Stjórnin

Á árunum 1933-1937 kom út í mörgum heftum sagnabálkurinn Vestfirskar sagnir sem Helgi Guðmundsson safnaði og skráði. Útgefandi var Bókaverslun Guðmundar Gamalíelssonar. Með því að þessi merki vestfirski sagnaarfur hefur verið ófáanlegur í áratugi, hefur Vestfirska forlagið nú hafið endurútgáfu á honum í heiðursskyni við þá félaga. Fyrir jólin kom út 1. heftið og nú eru 2. og 3. heftið komin í bókaverslanir.

 

Sumum finnst eflaust að hinar vestfirsku sögur og sagnir séu ekki merkilegar bókmenntir. En er það svo? Menn geta deilt um það eins og annað. En hér er um að ræða reynsluheim forfeðranna í harðbýlum landshluta, en margar af þeim frásögnum færir Helgi í fyrsta skipti til bókar eftir skilgóðum heimildarmönnum. Það hlýtur að vera nokkurs virði, en margir telja þjóðsögur og sagnir einn af fjársjóðum Íslands sem við megum ekki gleyma og týna.

...
Meira

Orkubú Vestfjarða ohf., og Vestfirskir verktakar ehf., undirrituðu í dag samning um stækkun og breytingar á stöðvarhúsi Mjólkárvirkjunar. Vestfirskir verktakar áttu lægsta tilboð í verkið sem hljóðaði upp á rúmar 67 milljónir króna. „Við ætlum að hefja flutninga með tæki og búnað yfir Hrafnseyrarheiði í dag og á morgun hefjumst við svo handa við verkið," segir Sveinn Ingi Guðbjörnsson, húsasmíðameistari, sem verður yfir verkinu í Arnarfirði. „Við verðum að jafnaði sex til átta við vinnu á hverjum tíma og fleiri á álagstímum. Og við reiknum með að búa á staðnum í 10 til 12 daga törnum," segir Sveinn Ingi....
Meira

Gamanmyndin Sterkt kaffi eftir Börk Gunnarsson verður sýnd í Simbahöllinni laugardaginn 2.apríl kl. 20:00. Myndin er 82 mínútur að lengd en hún fjallar um ung pör í Prag sem fara með litlum fyrirvara í ferð á æskuslóðir stúlknanna. Þegar á reynir, komast þau að því að sambönd þeirra eru ef til vill ekki eins traust og þau hefðu haldið. Hér er vissulega ekki um neina unglingamynd að ræða en flest þroskað og vel gefið fólk ætti að skemmta sér vel, segir í tilkynningu. Leikstjóri myndarinnar verður á staðnum og kynnir myndina, auk þess sem hann les upp úr nýrri bók sinni.

Á sunnudaginn opnar Simbahöllin kl. 20:00 en hálftíma síðar hefst Vinjettuhátíð á Vestfjörðum. Hátíðin er haldin í samvinnu við heimamenn en þeir taka þátt í upplestri og hljóðfæraslætti, ásamt Ármanni Reynissyni, vinjettuhöfundi og Vestfirðingi að fjórða hluta. Tónlistina annast Guðmundur Ingvarsson, harmonikkuleikari, og tónlistahjónin Krista og Raivo Sildoja sem leika þjóðlagatónlist á fiðlur. Ásamt Ármanni Reynissyni lesa: Gunnhildur Elíasdóttir húsmóðir...

...
Meira

Þann 10. apríl verður hátíðarmessa í tilefni af 100 ára afmæli Þingeyrarkirkju kl. 14.00. Biskup Íslands herra Karl Sigurbjörnsson prédikar og Sr. Agnes M. Sigurðardóttir prófastur og sr. Guðrún Edda Gunnarsdóttir þjóna fyrir altari. Kirkjukór Þingeyrar syngur og organisti er Krista Sildoja. Forspil leika Selvadore Rähni á klarinett og Tuuli Rähni á orgel. Eftir messuna verður kaffisamsæti með hátíðardagskrá í Félagsheimilinu í boði sóknarnefndar.

Í tilefni af afmælinu ákvað sóknarnefndin að opna sálmabókasjóð í Sparisjóðnum. Númer hans er kt. 710269-1309, 1128 05 000470. Ný sálmabók verður gefin út á næstu árum og er afmælisgjöfum til Þingeyrarkirkju vel varið í þennan sjóð til að kirkjan eignist nýjar sálmabækur þegar þar að kemur.

Sóknarprestur í Þingeyrarprestakalli, Sr. Guðrún Edda Gunnarsdóttir, tók saman sögu Þingeyrarkirkju í tilefni 100 ára afmælisins og hana má lesa í heild sinni hér.

Karlakórinn Gamlir fóstbræður verða með tónleika í Félagsheimilinu á Þingeyri þann 3. apríl kl. 14:00. Gamlir fóstbræður eru nokkurs konar öldungadeild karlakórs Fóstbræðra. Efnisskrá er mjög fjölbreytt en stjórnandi kórsins er Árni Harðarson.
Dýrfirðingar og aðrir nærsveitungar eru hvattir til að nýta sér þetta einstaka tækifæri og njóta góðrar tónlistar.

Heimilisiðnaðarfélag Íslands mun, í samstarfi við Þjóðbúningafélag Vestfjarða, halda Norrænar handverkssumarbúðir á Þingeyri dagana 3.-9. Júlí 2011. Þetta eru fjölskyldusumarbúðir þar sem boðið er upp á námskeið fyrir alla aldurshópa. Dagskráin er ansi viðamikil en meðal annars verður hægt að sækja námskeið í jurtalitun, vattasaum, útskurði, eldsmíði og íslenskri matargerð, svo fátt eitt sé nefnt. Á milli námskeiða verður meðal annars boðið upp á fyrirlestra, sýningar, dagsferð um Arnarfjörð og kvöldvökur. Þátttakendur koma frá öllum Norðurlöndum og fer kennsla fram á skandinavísku. Á heimasíðu Heimilisiðnaðarfélags Íslands má sjá nánari upplýsingar um handverkssumarbúðirnar.

Ingunn Fanney Hauksdóttir, 19 ára mær frá Ísafirði, var krýnd ungfrú Vestfirðir í Félagsheimilinu í Hnífsdal á laugardag. Ingunn Fanney býr um þessar mundir í Keflavík ásamt foreldrum sínum og stundar nám á viðskiptafræðibraut við Verzlunarskóla Íslands. Það var Gréta María Kristinsdóttir, Ungfrú Vestfirðir 2007, sem krýndi Ingunni Fanney. Karen Lind Richardsdóttir, 21 árs frá Þingeyri, varð í öðru sæti og Bylgja Dröfn Dal Magnúsdóttir, 19 ára frá Ísafirði, varð í þriðja sæti. Inga Sif Ingvadóttir, 20 ára frá Suðureyri, var valin vinsælasta stúlkan í kosningu sem fór fram meðal keppenda. Þá var Rósey Ósk Stefánsdóttir, frá Ísafirði, kjörin ljósmyndafyrirsæta, Erla Sighvatsdóttir, frá Dýrafirði, sportstúlkan og fegurðardrottningin sjálf var einnig kjörin netstúlkan....
Meira