Það verður ýmislegt um að vera í Dýrafirði um páskana, sem og annars staðar í Ísafjarðarbæ. Dagskráin er sem hér segir en viðburðir eru einnig merktir inn á dagatalið hér til hliðar með nánari upplýsingum. Ef einhverja viðburði vantar má endilega senda póst á thingeyri@thingeyri.is svo hægt sé að bæta þeim við. Yfirlit um viðburði utan Dýrafjarðar má finna á www.skidavikan.is og www.aldrei.is.
* Uppfært 23.04.10 - Víkingar verða einnig með opið hús í dag, laugardag.

Fimmtudagur 21.apríl - skírdagur

14:00 - 18:00 Simbahöllin opin
20:00 - 24:00 Tónleikar með Pétri Ben í Simbahöllinni
21:00 - 24:00 Spurningakeppnin Veistu hvað á Veitingahorninu
21:00 Tónleikar með hljómsveitinni Grjóthrun í Félagsheimilinu

...
Meira

Hlaupahátíð á Vestfjörðum verður haldin í þriðja sinn nú í sumar og fer fram dagana 15. - 17. júlí. Hátíðin varð til árið 2009 þegar Óshlíðarhlaup og Vestugötuhlaup fóru í fyrsta sinn fram á sömu helgi. Í fyrra bættust fjallahjólreiðar við hlaupahátíðina, og í ár verður boðið upp á nýja vegalengd í Vestugötuhlaupinu auk sjósunds og þríþrautar.

Nánari upplýsingar um hlaupahátíðina er að finna á nýjum vef hátíðarinnar, www.hlaupahatid.is en opnað verður fyrir skráningu á allra næstu dögum.

Vortónleikar útibús Tónlistarskóla Ísafjarðar á Þingeyri voru haldnir undir lok síðustu viku í Þingeyrarkirkju. Dagskráin var einstaklega fjölbreytt, samleikur og samsöngur af ýmsu tagi, fimmtán tónlistaratriði en flytjendur voru 21 talsins á ýmsum aldri. Leikið var á hljómborð, píanó, blokkflautu, fiðlu, harmóníku, gítar, rafgítar og trommur auk söngs. Tónleikunum lauk með því að allir nemendurnir sameinuðust ásamt kennurunum sínum, þeim Kristu og Raivo Sildoja, í laginu sívinsæla „Mamma mia" við mikinn fögnuð áheyrenda sem risu úr sætum til að lýsa hrifningu sinni.

 

Skólastarfinu er ekki lokið þótt vortónleikarnir séu búnirog eru ýmis verkefni framundan eftir páska og í maí.

Ný hestaleiga verður opnuð í sumar að Söndum í Dýrafirði þar sem dýrfirskir hestamenn hafa um árabil haft aðstöðu fyrir hross sín. Stofnandi leigunnar er Wouter Van Hoeymissen, sem ásamt eiginkonu sinni, Janne Kristiensen, rekur kaffihúsið Simbahöllina á Þingeyri. „Alveg frá því að ég kom fyrst til Íslands hef ég haft mjög gaman af íslenska hestinum. Stuttu eftir að ég flutti til Þingeyrar keypti ég hesta og síðan þá hefur áhuginn vaxið og nú er ég farinn að reyna fyrir mér í tamningu og slíku. Þannig ég fór fljótlega að velta fyrir mér hvort ekki væri grundvöllur fyrir hestaleigu hér á svæðinu," segir Wouter sem búið hefur á Þingeyri í sex ár. „Það gafst þó ekki tími til þess að ráðast í verkið fyrr en nú, enda hafa síðustu ár farið í að gera upp Simbahöllina," segir Wouter....
Meira

Tónlistarnemar í útibúi Tónlistarskóla Ísafjarðar á Þingeyri halda vortónleika sína fimmtudaginn 14. apríl nk. kl. 18:00 í Þingeyrarkirkju. Á dagskránni er samspil áberandi og leika nemendurnir í litlum hópum en einnig leika allir saman í lok tónleikanna.  Dagskráin er mjög aðgengileg enda eru mörg laganna þekkt. Má þar nefna lög á borð við Hopelessly devoted to You, Sunset, Sunrise, Fernando, Mamma Mia, Alparós og svo mætti áfram telja. Ákveðið var að halda tónleikana í Þingeyrarkirkju í tilefni af 100 ára afmæli kirkjunnar á þessu ári.
Það eru tónlistarhjónin Krista og Rivo Sildoja sem hafa alla umsjón með tónleikunum.

Jón Guðmundsson garðyrkjufræðingur á Akranesi flytur fræðsluerindi um ræktun ávaxtatrjáa við íslenskar aðstæður laugardaginn 7. maí í félagsheimilinu á Þingeyri (ef næg þátttaka fæst). Fræðsluerindið hefst kl 16:00 og aðgangseyrir er 2000 kr. - í seðlum. Áhugasamir þurfa að skrá sig í síma 893-1065 eða senda boð á póstfangið: skjolskogar@skjolskogar.is
Skógræktarfélag Dýrafjarðar

Aðalfundur Skógræktarfélags Dýrafjarðar 2010 verður haldinn mánudaginn 11. apríl nk. kl. 20:30 í húsnæði Björgunarfélagsins Dýra. Á dagskrá er:
- Venjuleg aðalfundarstörf.

- Fræðsluerindi: Skógræktarskilyrði á Vestfjörðum, Sæmundur Þorvaldsson.

Lið Grunnskólans á Ísafirði sigraði Vestfjarðariðilinn í undankeppni Skólahreysti á fimmtudag. Þar með er liðið komið áfram í úrslitakeppnina sem haldin verður í Laugardalshöllinni í Reykjavík laugardaginn 28. apríl. Grunnskólinn í Bolungarvík lenti í öðru sæti og Tálknafjarðarskóli í því þriðja, en aðeins munaði einu stigi á Tálknafjarðarskóla og Grunnskólanum á Þingeyri. Lið Grunnskólans á Þingeyri skipuðu þau Jóhanna Jörgensen, Ragnhildur Anna Ólafsdóttir, Heiðdís Birta Jónsdóttir, Davíð Sighvatsson, Guðmundur Ragnarsson og Arnar Logi Hákonarson.

RÚV sýnir þætti af öllum riðlum á þriðjudagskvöldum kl. 20:10, og verður Vestfjarðariðillinn í sjónvarpinu þann 12. apríl næstkomandi.